[真人真事+少少甜] 一切，由MSN開始: 第十七章、藍：總帶著愛

「大雄⋯ 你有無試過飲酒？我咁大個女都未試過，你陪我試下啦。D大人成日話飲完就會乜開心都唔記得哂，我都想試下。 」 

我唔想好直接拒絕大雄，因為我唔想佢為我而傷心。 

我諗⋯我咁答佢應該都明。我見佢眼神中閃過一陣失落。 

「我同你去7仔買啦」可能坐得太耐，腳都有d 攰，所以大雄就慢慢扶我起身。 

「藍藍，我知我同你識左唔耐。咁快同你表白你會覺我係到玩玩下。你唔洗咁急答我嫁，當你覺得適合個時就話我知啦。我等你。」 





我低頭不語，呢幾日發生太多事啦！我完全所應唔切。 

「Cheers！ 」就係咁，我就試左飲我人生第一枝啤酒。 

嘩！救命！苦到呢！ 

大雄見我皺哂眉頭，就係到笑我話：「乜原來你真係第一次飲！傻妹，飲酒一定要快，咁先爽快！ 」 

之後佢一口氣飲左大半支。而我，飲得半支已經覺得好熱，雖然係幾正！ 





「丁當⋯」遠處見到一個好熟悉既身影，但佢身邊就有一個女仔撓住佢，身材玲瓏浮凸。 

無理由嫁⋯丁當平時都淨係同肥仔玩，又點會有個咁熟既女性朋友呢？ 

「咦？個個咪丁當同kelly？乜原來佢地咁熟⋯ 」連大雄都見到，睇黎我都唔可以當自己酒後眼花睇錯啦。 

「係咩？可能你認錯哈哈」我唔想承認，因為我一直以為我係丁當唯一一個女性朋友。 

但諗深一層，如果真係丁當同kelly，我又有乜資格理。我只係好朋友，而當初拒絕成為戀人既亦都係我。 





「大雄，呢個世界男女朋友之間係咪無純友誼嫁？」 

「能成為密友大概總帶著愛。」