[真人真事+少少甜] 一切，由MSN開始: 第十五章、藍：深情表白

「大雄，你...」眼前除左大雄，仲見到一個用爉燭砌成既大心形！！ 

「Surprise！藍藍，你鍾唔鍾意呀？」 

「我⋯鐘意呀。多謝你呀，大雄。」見到呢個大心心，其實都有D感動， 

我諗大雄都花左好多時間去整，但呢一刻我都無乜心情去理。 

「藍藍，你做乜咁既樣？你唔開心？係咪我做得唔好？」 





「呀⋯ 唔係呀。我無野，我好開心。」我勉強擠出個笑容， 

大雄見我唔想講，都唔迫我。 

「藍藍，你今日應約我真係好開心。我知⋯ 

我依家講既野可能你接受唔到，但我真係好想好想講。」 

見大雄個樣一臉認真，同丁當琴晚既表白既表情無異。 





再望下地上既心心，我都估到大雄想講乜。 

「大雄！呢排發生再太多事，我好亂啦。你遲D再話我聽， 

我諗你要講既事好重要，我唔想係我心不在焉既時候聽你講。 

今晚陪我坐下就夠，我知我好任性，但sorry⋯」 

講講下，諗起以前同丁當既所有事，我竟然喊左出黎。 





「藍藍，你做咩喊呀？邊個哈你？你話我知我幫你打佢一餐！」 

大雄一見我喊，就抱實我。點知佢一抱我喊得仲西利⋯ 

「大雄... 丁當會唔會唔再理我？ 唔知點解，我總係覺得如果我頭先唔答應佢，佢就會離我愈黎愈遠，點算好？」 

「唔應承D咩？之前發生乜事？」見到大雄咁關心我，我就坐低將一切同佢講。 

「藍藍，我問你一個問題。你鍾唔鍾意丁當？」其實大雄一問，我都唔知點答。 

無錯，我諗我係鍾意丁當，但又好似唔係想拍拖果種鍾意，更加唔係純朋友般既喜歡。 

「我都唔肯定...」 

「藍藍...」見到大雄眼神中既擔憂，我都有少少感動。 





「算啦... 大雄，呢D事我自己解決。難得有一次同你出黎玩，唔應該掃你興，我地講下其他野。」 

大雄突然拖起我隻手，溫柔咁話：「藍藍，你係唔介意既，我願意呢一生一世都為你分憂。見到你唔開心，我又何嘗快樂呢？」 

呢一刻，世界好似停止左咁。我無諗過大雄會趁依家向我表白... 大雄認真既眼神，令我唔知比咩反應好。 

依家諗諗，原來... 自己對大雄都有好感，但又好似未到鍾意既階段。佢既溫柔體貼，完全係無人能及。 

大把女仔鍾情於佢，但佢都看不入眼。 

「大雄，我唔值得你咁為我。你身邊有咁多咁多比我條件好一百倍既女仔....」 

「你比佢地任何一個都好上一千萬倍呀！由我轉校第一日黎到呢到，已經覺得你與眾不同，

無論你對住邊個，你都係咁溫柔。就係你呢種溫柔，深深咁吸引我。藍藍，你比個機會我，比我好好咁照顧你。」 

大雄呢一番說話，令我面紅耳赤。以前唔少男仔向我表白，丁當既表白令我又悲又喜，我開心丁當對我既一片真情，但又擔心我地既關系會毀於一旦。 

大雄既表白... 令我好混亂。原來，大雄漸漸係我心中都佔有重要一席。 

「大雄...」