[真人真事+少少甜] 一切，由MSN開始: 第七章、藍：真實身份
「起立！」肥仔俊一見到靚女Miss Wong即刻扮到好有威嚴咁。
「各位同學，早晨！相信大家都記得今日係公開你MSN身分既日子，唔知大家呢幾日傾得開唔開心呢？
」 唔少同學都點點頭，得我係木無表情。
「咁依家我就一人派張印有全班MSN hotmail既紙，大家只要對翻對方個MSN，就可以知係邊個。
」呢個時候，我個心跳得好快，好似會有D好重大既轉變出現咁。 我好快就揾到佢個MSN hotmail，一望竟然係...
「郭... 郭雄仁！」原來係大雄！我望住佢，佢又露出佢嘅陽光笑容。
「係呀。係我呀。
係咪好驚喜先？」呢一刻，我心入面係幾開心，慶幸同我MSN果個唔係D怪人。然而，我又覺得好尷尬，因為自己琴晚無覆到佢。
「唔洗咁尷尬喎。我都知我一開始講野太過過火，煩住你，仲要扮係你好朋友。Sorry。
」諗起大雄琴晚咁唔開心，我又點好意思話佢。雖然同佢識左短短三日，但佢性格開朗，感覺上好似同佢玩左好多年咁。再加上，佢啱啱先轉校過黎，無乜朋友。如果連我都唔理佢，未免太過可憐。 「唔洗講sorry喎，其實係因為以前發生左d事，我先咁怕同丁當以外既男仔一齊玩。我知你無惡意嘅。不過，如果唔係老師叫我照顧下你，我應該都唔會點同你講野。其實，同你傾MSN我都好開心嫁。
」 呢個時候，丁當望住我，唔知點解佢個樣好似同平時唔同咁。
我同丁當成日小息個時都會落小食部買野食。
「喂！7頭！你落唔落去呀？」丁當又彈我額頭。我點點頭，就同佢行落去。
「丁當，你頭先見到我同大雄傾計個時，點解個樣怪怪地嘅？
」 「下！無呀。可能⋯我琴晚訓得唔得幾好姐。」
「無就好啦。我仲以為你妒忌大雄同我咁friend哈哈」
「痴線！我點會呀。有人要你呀我求之不得啦，少個人阻住我溝女女哈哈哈」
「咁衰嫁你！
」 「唔好諗咁多啦 藍藍，我請你飲朱奶。」
落到去個時，聽到籃球場個邊傳黎一班女仔既尖叫聲。
「媽呀。佢真係好型棍呀！
」望過去個邊，見到成班女仔圍住個場。 「大雄！要唔要水呀？」其中一個女仔大嗌。原來佢地講緊大雄。係陽光下既大雄比平日更加温暖，「轉身射個三分波」再加佢個招牌笑容呢下真係迷死好多女仔，就連男仔都為佢嘅入球喝采。雖然我都唔太識籃球，但都睇得出大雄係呢方面有翻咁上下水準。
「車！只不過射中一球姐，有無厲害到成班女出哂水咁呀。成班都痴線！
」丁當好不屑咁話。 「我都覺大雄幾西利呀。你妒忌人靚仔過你、高大過你、打波又勁過你炸嘛。」
「係呀！我就係無佢咁好！我揾老師，你慢慢J你男神啦！
」一講完，丁當就走左，我叫都叫唔住。 其實我都係講下笑姐，點解丁當咁大反應⋯ 之後成日佢都對我好冷淡，我同佢say sorry佢都淨係話自己無嬲，但明明就嬲到出哂面。
我：
16:15 喂喂 sorry 唔好嬲我啦
丁當：
16:15 係我sorry至真 我知你講下笑炸
16:15 Sorry!!!!!
我：
16:16 你無嬲就好啦 幾驚你真係唔理我
丁當：
16:17 點會呀 7頭
16:17 都比你煩左咁多年啦 唔爭在繼續煩 haha
我：
16:17 哼！又話我煩
丁當：
16:19 講下笑炸 你睇你咪一樣咁小氣
突然間⋯⋯
㊣多啦A夢幫幫我 傳來震動
㊣多啦A夢幫幫我 傳來震動
㊣多啦A夢幫幫我：
16:25 藍藍
16:25 依家肯唔肯同我MSN呀？
16:25 我保證唔會再咁貪玩啦
我：
16:26 大雄男神揾我 我點咁唔應哈哈
㊣多啦A夢幫幫我：
16:30 識講笑姐係無事啦
16:31 我已經無乜朋友 唔好唔理我
16:31 btw 你之前話發生左件事所以好怕同陌生男仔溝通 到底係咩事呀？
我：
16:32 Ummmm
16:32 係我F.2個時係出面參加左一個跳舞班 本來大家一齊係好開心 點知有個男仔佢鍾意左我 當時佢不停打電話黎要我陪佢 一唔理佢就話要自殺 仲試過完左舞蹈班跟住我翻屋企 個時我真係好驚好驚
㊣多啦A夢幫幫我：
16:35 咁之後點？
我：
16:35 好彩丁當係到炸 佢最尾都幫我解決左件事 自此之後 我就無再翻舞蹈班 亦都唔夠膽識男仔
其實呢件事得丁當一個知，平時我都唔會提起，更加唔想諗起。
㊣多啦A夢幫幫我：
16:40 原來係咁
16:40 你同丁當咩關係呀haha
我：
16:40 佢咪我一個好好好好既朋友囉
㊣多啦A夢幫幫我：
16:41 咁你鍾唔鍾意佢
我：
16:41 關你咩事喎
16:41 就算真係鍾意都唔會一齊 因為我地勾過手指尾
㊣多啦A夢幫幫我：
16:41 咁就好
我：
16:42 有幾好喎
㊣多啦A夢幫幫我：
16:43 遲下你咪知
=16px點解大雄話好呢？唔通佢鍾意我？但以佢既條件，比我好100倍既女仔佢都一定追到。我諗，佢對個個女仔都係咁。
=16px每逢星期五晚，丁當都會陪我去海傍跑步、吹水。
=16px跑完步之後，就坐係海邊個D大舊石上面傾計，我話比丁當知今日大雄同我講野。
=16px「個個咁嘅郭雄仁擺到明就係不懷好意啦！我第一眼都知佢唔係D咩好人！
=16px 」 =16px「唔係呀，大雄對我好好呀。
=16px 」 =16px「對你好唔一定係好人黎嫁... 總之你就唔好對佢咁好啦...
=16px 」 =16px「咁姐係點？但佢對我咁好，我好應該對佢好嫁，而且我同佢又係朋友。」
=16px「唉。遲下你咪知。」
=16px點解丁當同大雄都話遲下就知。師父，我真係睇唔透。
=16px =16px正當我地起身離開個時...
=16px「咦！
=16px 」