板橋明月: 最終章：有事請遺言

打開 WhatsApp，看到 Danny 寫了一篇很長的留言給我：
「樂言，呢篇係我俾你最後嘅留言。當你見到呢篇留言嗰陣，我已經離你而去。
你知道嗎？自從我決定與你分開之後，我真的很後悔。每次我想搵你嘅時候，你都會借機會避開我，我真係咁黑你憎咩？我只係想同你親口講聲對唔住。但到左呢一刻，我仍然冇機會講。

第一樣對你唔住嘅事情係瞞住你同 Hilary 開始左。我一開始都知，同 Hilary 日對夜對，佢又咁主動，真係好難唔出事。自從同左佢上左一次床之後，每次見到你我真係好有壓力、好有罪惡感。過左無幾耐，我都係決定同你分開，令自己好過 D，亦想你快 D 可以搵到一個比我更加好嘅男人。

第二樣對你唔住嘅事情係喺蘇梅同你提出復合。嗰陣時已經同 Hilary 開始左一陣，但同佢相處時間耐左就發現佢同你仲差好遠。佢雖然後生過你，但好多野都係為左佢自己，就連間中遷就下我都唔識。講真，都係同你夾 D，咁多年同你一齊，就算我唔出聲你都知道我諗緊乜。但係，我唔識去珍惜，搞到一次又一次令你傷心。

第三樣野，亦都係我最內疚嘅事係，就係我累到你有妄想症。Christina 告訴我你最近行為好古怪，經常喺街上對住空氣傾計。佢試過跟蹤過你，發現你好似同人拍緊拖咁，但又明明旁邊冇第二個。佢懷疑你見到鬼，又或者係有妄想。一定係我迫到你咁，好對唔住。我已經提醒左 Christina 要好好照顧你，放心啦，我上網睇過，呢個病食半年藥就會好番，唔使擔心。





我呢一生呢，對唔住你太多，亦都冇面目見你。算啦，十八年後又係一條好漢。下世我地再拍拖，好冇？應承我啦！我下世會好好對你，唔會似今世咁亂搞男女關係。

樂言，我好攰喇，係時候長抖喇，永別。
」

我望著電話螢幕，除了眼角流過不停的兩行眼淚外，整個人也動不了。我有妄想症？Jason 只是我幻想出來？沒可能的！跟他一起的時間是多麼的真實！我沒有病！

發狂地從手袋中抓出電話，不停在找 Jason 的電話，Irene、Ivan、Janet、Joanne、Johnny、Kevin、Lennon... 就是沒有 Jason。難道 Danny 說的是真的嗎？我沒有多想，立即致電 Christina。

Christina 電話通了：「Hello...」我哭著說：「Christina，老實告訴我，我係咪痴左線？我係咪真係有妄想症？話我知我冇病好唔好？話我知 Jason 係真嘅好唔好？求下你啦！」Christina 在電的另一端也很激動：「樂言！你冷靜 D 聽我講！我一直都唔敢同你講呢件事，因為我好驚你又做傻事！唔知你記唔記得自己為左 Danny 同你分手食左差唔多半樽安眠藥自殺！我唔想你再係咁呀！我寧願你活喺幻想，都唔想你日日喪喊同成日諗住自殺呀！你明唔明呀？你喺邊呀？我 lunch 過黎搵你啦！」聽完她說的話，我的心真的很亂。原來全都是真的嗎？我冷靜的告訴她：「Danny 跳樓自殺死左。」說完這一句，我忽然控制不了自己，激動起來：「救命！我宜家唔知點算好！救我！」說完這一句，眼前一黑，我又暈倒了。





再醒過來的時候，我知道我被人送到醫院了。迴望四周，我發現我竟然被安排在獨立病房。望著窗外的星空與高掛的半月，我便知道我昏了很久。床邊沒有人，只有一張便條紙，上面寫著：「Call Me！Christina」看來 Christina 曾經來了。看來獨立病房也是她的主意。在床上輾轉反側，我再睡不著。為什麼我會落得如斯田地？我竟然有精神病？

「啪啪！」門外有人拍門。我望著房門慢慢推開，一個熟悉的身影在門縫間走進來。

「樂言！」是母親！她居然從台灣飛過來找我！我望著她，又哭了。她說：「樂言，跟我回板橋生活吧... 別想太多喇，我會照顧你，放心。」我拼命地點頭，雙手緊緊的握著母親粗糙的雙手。淚又流過不停。

全文完