《情困之時，我遇上了自稱情性的情聖》: [Case 09－折翼天使] PART 11

天開始光...

黎明既藍光開始透射入室內...

我坐喺床邊，望住自己對腳...

一對健全既腳...

摸下摸下...掃下掃下...諗下諗下...



諗返起一個星期前，我問恒哥仔借左架輪椅體驗Stella既生活...

諗起我含淚咁食完個M記...

我覺得自己真係好無用...

本來係一D好簡單既事，平時自己可以輕而易舉既事，但而家坐喺輪椅上既我，係唔可以單靠自己既力量去做...

好無力呢...



我本來打算食完個M記就返屋企...

之但係...

Stella由出世嗰日開始，就係過住呢種生活！

而我，只係過左短短既三個鐘...

三個鐘就頂唔住喇嘛？！



唔得！

唔可以咁！

我係唔可以咁輕易放棄！

下定好決心之後，我就碌下碌下，碌出M記門口！

我碌出左M記門口之後，就諗下下一站應該去邊好～

Stella平時會去邊呢？

老實講，我又真係諗唔到...

不過我諗女仔都應該會鍾意去睇下衫既～



唔...睇下衫...

去買返條運動褲都好喎～反正平時著開黎跑步嗰幾條都就快爛～

好啦～就去揀返幾條先啦～

我碌下碌下～碌去對面個商場～

中午既時間到了，人都多了～

喺人群之中碌下碌下～雖然矮人一截都仲係唔係好習慣...

之但係...個心都開始無咁唔舒服～



『唔該晒～唔該晒～』而且當有人察覺到我喺佢地身後，好有心咁讓條路俾我行先，我都好自然咁唔該人～

唔係話卑唔卑微～

只係覺得有咁多好心人肯主動讓路俾我，我覺得好感恩～

我繼續喺人群之中碌下碌下～

碌住去升降機既方向～

因為我想睇運動用品嗰層，係喺上兩層～

雖然我路經唔少扶手電梯，但我真係無辦法～

我就只可以使用升降機～



而以我所知，成個商場就係得一個位置，有兩部升降機。

點解升降機既數量得咁少？

點解唔可以喺唔同位置整多幾部升降機？

香港串金尺土，就緊係唔可以用咁多位去整咁多效益唔夠扶手電梯大既升降機啦～

所以好似我地呢D有雖要既人，都係花多少少時間，兜遠少少，等耐少少...

喺升降機門前等，好彩都有唔少好心人讓我先～

「幾多樓丫？」幫我撳𨋢～



『四樓丫唔該～』香港都仲有好多好心人～

幾個年青人讓我出𨋢先～

『唔該晒～真係唔該晒～』我帶住微笑道過謝後，就向住Nike專門店方向碌過去～

我入到Nike專門店，好彩地方都算闊落，我可以好輕鬆自在咁周圍睇～

我碌下碌下，碌到去D跑步褲面前...硬係好似...唔係好習慣咁...

因為D褲都好似...掛高左咁...

唔係D褲掛高左...係我坐左喺架輪椅道姐～

OK既～都唔係話高到拎唔到既～

我就喺個架前揀下揀下～

我揀下揀下，揀左兩條運動褲～

正當我想搵店員俾條岩我既試試...

試試...

點試呢？

坐喺張輪椅上...唔好話個Fitting Room夠唔夠闊...

我就係自己一個坐喺架輪椅上換黎換去...都夠晒麻煩...夠晒花時間啦...

都真係太過...唔方便喇...

唉～算啦～

反正我都知自己著開咩碼既～唔駛試啦～

而反正都唔駛試，就買多兩條Legging啦～

我再揀多兩條Legging之後，搵左個靚仔店員幫我拎岩我碼既，就俾錢走人～

我將袋新褲都放喺我大脾之上～

碌下碌下～碌下碌下～

見到5cm做梗Final Sale，本來想入去睇下既～

之但係...5cm入面都比較窄...

D衫褲都掛得比較高...

有過頭先既體驗...都係...算啦～

真心已經無乜意慾去Shopping～

而且人越黎越多…

有幾個女學生喺面前行過～

我既視平線都差唔多只係喺佢地對小饅頭道...

望到我都唔係咁好意思...

學生都放Lunch喇～人真係開始多喇～

放Lunch就準備去食Lunch～

食完Lunch既就行陣街，準備返公司～

見到個商場越黎越多人，我都唔係好想再逗留喺道...

始終我都係覺得...唔係咁方便...

我都係去D...無咁多人既地方好...

我就碌下碌下...碌返去升降機...

又喺升降機前等...

『唔該唔該～』

落返下兩層...

『唔該唔該～』

喺人群之後...喺人群之中...碌下碌下...

碌去市鎮公園既方向...

喺一塊唔自動既玻璃門前等...

等D水貨客出出入入…

等到有一對好心既小情侶幫我推住道門...

『唔該唔該～』我就繼續碌...繼續碌去湖邊...

Stella平時去開既湖邊...

我坐喺Stella平時坐開既位置...

平時畫開畫既位置...

望住個湖邊...

『我真係...』好無用呢...

唉...

只係過左半日都無...我就覺得...好多野都唔想做...

試過一次之後...就覺得...太難...太煩...太唔方便...

原來坐輪椅，係咁唔方便...

坐喺架輪椅上，有好多地方都去唔到...

就算係去到，都要比正常人花上更多既時間...

走更多既路…

熟悉既地方都會走冤枉路...

唔熟悉既地方呢？咪要花上更多既時間去資料搜集...去做好準備？

太花時間喇…原來真係要咁花時間...

比起我地身體健全既...花更多既時間先去到目的地...

仲有好多好多野...都要依賴別人...先可以完成得到...

嗰種卑微既感覺...嗰種難堪之情...真係唔係一言一語可以講得清...講得白...

講真嗰句...而家既我...都已經想閃埋屋企...唔出街...無咁煩...

我真係好無用...

我真係...好失敗...

對比起Stella黎講...

Stella佢真係...真係好...好堅強呢...

坐喺湖邊清靜下...

諗下野…

呼吸下新鮮空氣...

望下D公公婆婆行下公園...

望下D年輕人喺道跑下步...

望下D情侶當我透明咁喺我身邊卿卿我我...

不知不覺之間，原來已經坐左喺湖邊都有兩個幾鐘...

差唔多係時候喇～

都真係差唔多要返去喇～

返去還返架輪椅俾恒哥仔～

要預返多D時間返去先得架嘛～

要預返多D時間兜路～又要預返多D時間行錯路～仲要預返多D時間俾自抖抖～

坐輪椅既路...真係唔易行呢...

『呼...』我抖一啖大氣...

用雙手碌一碌...轉一轉...

出發～

我一路碌下碌下～好小心～好謹慎～睇清睇楚～諗清諗楚～

但就算我有幾小心謹慎都好...

『嘩嘩嘩！』都係會遇上暗斜...

又就算我睇得有幾清清楚楚都好...

『唉...又要過對面先有𨋢搭...』都係會行左好多冤枉路...

好攰呢...好辛苦呢...

花左好多時間同力氣...喺D斜路道...喺D冤枉路道...

我真的累了...

身心都累了...

我帶住疲累既身心，碌下碌下...碌下碌下...

終於都俾我再碌返黎復康中心既門前...

終於都俾我見返挨喺玻璃門既恒哥仔...

我碌下碌下...碌下碌下...慢慢咁碌到去恒哥仔面前...

「遲左喎～遲左一分鐘喎～」恒哥仔拍一拍我膊頭...

『嗯...唔好意思...唔可以準時咁返到黎...』我攤一攤喺輪椅上...

「唔緊要啦～都唔可以話好遲姐～其實我...預左你會遲多半個鐘～你已經好叻架喇～」恒哥仔笑笑口咁點點頭...

『唔叻喇...唔叻喇...』我邊算得上叻...

半日姐...只係坐左半日輪椅姐...我就好似個廢人咁...

我無用至真啦...

「好好喇～第一次用輪椅喺出面走，無穿無爛已經好好架喇～」恒哥仔打量一下架輪椅。

『我有好小心咁用佢架～我真係有錫住佢黎用～唔俾佢有任何損傷架～』雖然話都有行過D爛地...

但我都好小心咁睇住黎過！

確保唔會令架輪椅做成任何損傷！

「我係指你個人丫～」恒哥仔拍一拍我膊頭。

『我...我個人？』我望一望住恒哥仔。

「嗯～你第一次用輪椅喺出面走，其實都真係好危險架～因為真係同你用雙腳行...好唔同...」恒哥仔諗一諗...

『嗯...真係好唔同...』我體會到...

「你知道嘛，我第一次體會坐輪椅既感覺...只係喺中心裏面活動咋，就已經損手爛腳喇～真係幾咁大頭蝦～」恒哥仔笑一笑，擰擰頭。

『你都有試過？』估唔到...原來無聊既人，不止我一人...

「嗯～咁做我地呢行，總要了解多D～體驗一下～先可以清楚明白到佢地既真正需要既～」恒哥仔點一點頭。

清楚明白...佢地既...真正...需要...

「外傷呢～你就無喇～不過內傷喇喎...」恒哥仔諗左一諗...

內傷...

「你而家...應該可以好清楚咁...體會到...佢既感受啦～」恒哥仔再拍一拍我膊頭，點一點頭。

『嗯...』我摸一摸住自己對腳...點一點頭...

我摸住自己一對健全既腳...

摸下摸下...摸下摸下...

好清楚...我而可以好清楚咁感受得到...Stella既感受...

坐住輪椅生活...相比起我地呢D健全既人...係要花上好多時間...花上好多心機...花上好多精神...花上好多自尊...

花上好多時間去目的地...

花上好多心機去準備好路線...

花上好多精神去留意前路...

花上好多自尊去俾人幫你...

真係一D都唔易…Stella既生活...真係一D都唔容易...

我坐喺床邊...諗下諗下...

陽光都已經完全照到入室內...

差唔多喇～又係時候喇～又係時候起身梳洗喇～

我落一落床，簡單咁換返套運動衫，拎埋Stella本畫簿就出門口～

我攬住本畫簿，一步一步咁行去市鎮公園。

呢個星期都係咁～

著上運動裝，但就唔係去跑步～

我都係好小心咁行～

拎住本畫簿好小心咁行～

好奇怪丫呵？

或者你都會同街上既學生一樣～同街上趕梗巴士既OL一樣，用上一對好奇異既目光望住我～

或者真係好奇怪～

或者唔知背後原因既你會覺得好奇怪～

但其實，我都只係想做一件事～

為Stella做一件事～

為左Stella...

只要俾我見到Stella...

可以再一次遇上Stella...

一日一日…一日一日…終有一日...

沿住喺我坐上輪椅所走過既路，一直行去市鎮公園。

呢一個星期，我都係咁。

每當我去市鎮公園等Stella出現又好～返舖頭又好～去市中心買野又好～返屋企都好～我都會使用輪椅可使用既路徑前往～

我亦都已經決定左，以後去任何一個地方，都會只行輪椅可使用既路徑前往～

我要行Stella行既路！

以後都要～一直都要～

我行下行下，行到入黎市鎮公園～

沿住湖邊行～再一次帶住期待既心情～

行下行下，行下行下。

望住個湖邊行下行下...

閃一閃...

閃一閃...

好似有道銀光閃一閃...

期待已久既銀光...期待已久既銀光閃閃...

『終於都...』行近兩步...

可以再清楚咁看到...

『終於都俾我...』我再行快兩步...

可以好肯得咁看到...

係Stella...係Stella呀！

『終於都俾我再遇返你喇！』我急步跑！沿住湖邊跑過去！

我好小心咁攬實Stella本畫簿，又急急腳咁跑過去Stella嗰邊！

終於都俾我有機會再遇返你喇！

實在太好喇！

我好快就跑到去Stella身後，好快咁就跑到去Stella身邊！

『早晨丫Stella～』我第一時間就帶住歡欣既笑容同Stella打個招呼～

「早...」Stella望一望我，冷冷放下一句之後，又望住個湖...

睇黎Stella今既心情都唔係咁好...

『唔...你本畫簿～我...幫你Keep住左～』我遞一遞本畫簿俾Stella。

Stella望一望本畫簿，接一接過：「唔該…」

都仲係冷冷淡淡咁…

冷冷淡淡...冷冷漠漠...

唔緊要！

就算Stella有幾冰冷都好，我都要用上我既熱情，將冰山砍開！

『Stella…你係唔係想知道...跑步既感覺係點？』我帶住微笑望實Stella。

「嗯？」Stella好似唔係好理解到我既意思。

『就等我...做你對腳！』我立即孭起Stella！

「喂喂！你！你做乜呀你！」Stella就喺我既背脊上掙扎！

我無理會Stella既掙扎，開始跑起上黎！

「喂喂！你想點呀？！放開我！放開我呀！」Stella繼續喺我既背脊上掙扎大叫！

我亦都無理會Stella既大叫，捉實佢對大脾，出力咁跑！

「喂！你！你！放我落地呀！快D放我落地呀！救命呀！」Stella拍打左我雙膊頭幾下...

我無視被Stella拍打既痛楚，繼續跑...不斷跑...孭住Stella全力跑！

「救命呀！救命呀！救...救...哈...哈哈～」被Stella再打多幾下之後，佢開始笑起上黎～

我孭住Stella一直跑～

「哈哈～哈哈哈～～～」Stella就喺我背脊上笑得好開心～

仲攬得我好實～好實～

我跑得好快～孭住Stella喺我背脊上跑得好快好快～

「哈哈哈～快D快D～哈哈哈～」Stella好開心咁搖一搖我～

『好～睇住黎啦～捉實喇！』我就狂奔猛衝！

我就越跑越快～相比起自己一個人跑既時候更快更快～

「嘩嘩嘩！哈哈哈哈～～～」Stella越笑越開心～越開心就越攬得我實～

我不斷跑～無減過速咁孭住Stella不斷圍住個公園跑～

跑左好多好多個圈～

又跑下過橋～又跑下入亭～又跑下入無再流水既瀑布～

跑左好多唔同既路線～

跑左好多唔同既地方～

跑到攰喇～跑到無力喇～跑到就黎斷氣喇～

『我就死喇～～～』我就放一放Stella落草坡上，自己又瞓左喺道～

「哈哈哈～～～好好玩呀～哈哈哈哈～」Stella都瞓一瞓喺個草坡上～

我地一齊瞓喺道，望住個天空～

涼風輕送～吹動草坡上既野草～

望住晴朗既天空～藍天白雲丫～今日既天氣好好丫～

今日真係一個好好既日子丫～

今日真係一個好適合既日子～

好適合既日子...

我望一望住Stella...

Stella亦都帶住幸福既微笑望住我...

『Stella…以後既日子...我可唔可以...』我仲未將“都做你既雙腳，帶你走過每一個地方。”之時...

Stella帶住微笑，用佢隻手指仔撳一撳住左我個嘴：「喺我答你之前...我想...帶你去一個地方先...」

帶我去一個地方？

Stella想帶我去邊呢？

唔通咁快就見家長？

我係唔係應該換返套見得人既衫先呢？

抱住Stella上返輪椅之後，我就跟住喺Stella身邊行。

Stella帶住我行出市鎮公園，行左去搭輕鐵。

行入輕鐵車廂內，Stella都帶住微笑，打量梗D野咁。

究竟Stella諗梗乜呢？

而Stella又想帶我去邊呢？

我一直都留意住Stella～

留意住Stella既面容～

留意住佢有無情緒既變化～

而Stella俾我既感覺係...好安靜...好安心...好放心咁...

點解而家既Stella，會俾到呢種既感覺我呢？

過左幾個站，又到下一個站...

Stella碌下碌下...

我就跟住Stella身後，步出車廂。

我望一望...呢道係...醫院？！

點解Stella會帶我黎醫院架呢？

Stella係想我同佢黎覆診嘛？

覆診？

我眼前突然閃出劉青雲同袁詠儀拍嗰套《新不了情》…

我繼續跟住喺Stella身邊...

一直入到去醫院...

一直入到去大堂...

一直入升降機...

一直去...

一直去到...

一直去到一間病房...

一直去到一張病床前...

一張病床前...

病床上...瞓左一個...好似公主一樣既女仔...

一個...睡公主...

呢個瞓喺床上既睡公主...係...

「佢係我既好姊妹...珮琳...」Stella帶住微笑，望住瞓喺病床上既...珮琳...

原來係Stella既好姊妹...

「我地既感情...好好...我地成日都一齊去唔同既地方...又會有講有笑...好開心...好快樂...」Stella諗下諗下...

就好似不斷回想起昔日既幸福片段...

『咁...點解佢會...』我唔係好敢將問題講出口...

「一次意外...大約喺大半年前...我地一齊去左黃大仙求簽...當我地離開之時，簷篷上既瓦礫突然塌下...擊中左珮琳...直至而家...都仲係處於昏迷狀態...」Stella眼定定咁望住好似熟睡梗既珮琳...

原來...原來係咁...

我立即單膝半跑咁，跪一跪喺Stella面前，捉一捉實Stella對手：『我發誓！就算你變成點樣都好，我都會一直喺你身邊照顧你！』

Stella聽完我咁講之後，帶住微笑擰擰頭：「唔係...我唔係擔心你會離開我...我係擔心...如果你有咩意外...我...我無能力照顧到你...」

原來...原來我錯了...

原來...原來Stella所擔心既...唔係自己...

Stella所擔心既...係我...

原來...原來...

我再捉實D Stella對纖纖玉手：『你放心！我一定會好好照顧自己！唔會俾自己有事！因為...因為我要...我要以健康既體魄...一直好好照顧你...一直做你雙腳！帶你走過每一個地方！一生一世！』

一生一世...

我要好好咁照顧自己...

好好咁照顧Stella！

Stella咬一咬唇，忍住淚水，帶住幸福既微笑，點一點頭：「嗯～一生一世～照顧好自己～照顧我～做我雙腳～一齊走過每一個地方～」

原來...兩個人既相處...最重要都係將心比己...

只要將心比己...就可以同到深愛既人開始～

我同Stella終於都開始了～

而未來既日子，我都會以Stella既角度出發～

要了解Stella既需要～

要了解Stella既內心～

要了解Stella既一切～

好好照顧Stella～好好愛護Stella～好好愛錫Stella～好好愛惜Stella～好好去愛Stella～

一生一世！

Case 09 ｜ Close File