《情困之時，我遇上了自稱情性的情聖》: [Case 07－求分作戰] PART 03

當我一打開面前道白色木門...

『係…係呢道...真...真係呢道...』我被佈滿店內既黑白相嚇得花容失色...

橫視一下四周...

被大大小小既黑白相包圍下既我...

呢間咖啡店...



呢間名為Whirling Coffee既咖啡店...睇黎就係...應該就係...名攝影師Whirling所開設既咖啡店...

其實我之前都有上佢個Facebook睇過...

佢Facebook都有列到個地址同店名出黎...

當我頭先一上到黎...一上到黎見到個店名...

Whirling Coffee…



我就喺道諗...係唔係真係咁巧合...

係唔係真係咁巧合...係唔係真係咁巧合...

係估唔到...又會真係咁巧合...

咁巧合又會係呢道...

點解我會話係巧合？



點解我又會黎左呢道？

講起上黎...就真係十分巧合...

話說尋晚同冼Sir食完飯之後...

『多謝你請我食左餐咁豐富既晚餐～』冼Sir送我返到屋企樓下。

「唔多謝唔多謝～我一直都好想搵個機會請你食返餐～答謝返你～」冼Sir帶住感激既笑容點點頭～

『唔駛客氣啦～係丫～代我問候下Yuki啦～』其實我都無做過D乜丫～

「嗯嗯～咁我都唔阻你休息喇～」冼Sir落一落車，過黎幫我打一打開車門，「拜拜喇～」

『嗯～唔該晒～拜拜喇～』我落一落車...



「丫！係丫！記得...情性...」冼Sir臨上返車之時，再三囑咐我...

『嗯～情性丫嘛～我會...搵搵佢...』我帶住微笑向冼Sir點點頭～

「嗯～希望佢會幫到你啦～拜拜～」冼Sir再向我揮揮手～

『嗯～拜拜～』我再向冼Sir揮揮手～

“吼...”灰色Honda離開...

其實...我真係無做過D乜呢～

嗰陣時…我都只係有嗰句...講嗰句...



我覺得係愛既就要勇敢去愛～

係愛既話就要狠狠去愛一次～

唔好令自己後悔～

唔好俾自己有後悔既機會～

一直我都係咁諗...

一直我都係咁樣同人講...

何謂愛情丫嘛～柏拉圖同蘇格拉底係咁教我～

教我愛情到最後係會乜都無...



可能我就係怕到最後會乜都無...

所以...所以搞到而家咁煩惱...

煩惱...

唉～或者真係要搵下專業人...

“願意為你 我願意為你 我願意為你 忘記我姓名”電話響...

我輕輕滑動解鎖：『Chris～嗯...我岩岩返到屋企喇...你呢？放工未丫？』

同Chris交代幾句...又囑咐下佢小心揸車...返到屋企打返個電話俾我之後...



返到屋企...沖個靚涼...換返件白色大Tee...

開著部電腦...打開個Facebook...喺搜尋既方格上輸入...

“情性”...

視窗一打開...就有一個置頂Post寫住“只要你不是戀兄、搶男友、師生戀，所有情困我也可以為你一一解開。”

『所有情困也可以為我一一解開...睇黎呢個情性就係冼Sir所講嗰個情性...』我一路打量住句說話，一路口噏噏咁講...

不過冼Sir講嗰陣係話：「不論你係男或女，所有情困佢都可以為你一一解開。」

幾時加多左個唔可以係戀兄、搶男友、師生戀呢三個要求架？

算啦～都無所謂啦～

反正我既情困都唔關呢三樣野事～

而最大問題係...呢個情性...又係唔係真係幫到我解開情困呢？

係唔係真係咁容易呢？

要知道...我而家既情況...可以話係...難搞過求婚大作戰...

真係俾個“哈利路亞，CHANCE！”我去搞都搞唔掂...

而呢個情性...又係唔係真係會好似精靈咁厲害呢...

我雙手托住個頭...呆下呆下咁望住情性個專頁好一陣子...

唉～反正都無路可逃～就試下問下情性～睇下佢有乜見解都好～

好啦～就咁決定啦～

我喺個Facebook Messenger快快手手打左幾隻字：“我有情困”...

唔駛幾秒就有回覆～

我睇一睇個Message Box...係一個日期、時間、地點...

乜要約出黎見面架？

我仲以為可以透過Facebook Messager黎傾添...

係咯…點解唔可以透過Facebook Messager黎傾呢？

約出黎喎...會唔會有危險呢？

危險？

話晒我都係一個飽讀詩書既中學教師～唔怕既～

有乜唔對路，立即閃人咪得囉～

我又唔係細路女～

好啦好啦～就應承左佢先啦～

“OK”

“到時見。”

咁爽快既？

係唔係真係幫到我架？

當我仲喺道諗梗情性係唔係真係幫到我之時...

“願意為你 我願意為你 我願意為你 忘記我姓名”咁岩就電話響...

我輕輕滑動解鎖：『Chris～返到屋企喇？』

「嗯～岩岩返到～」我聽到Chris嗰邊傳黎閂門既聲音...

睇黎真係岩岩踏入家門...

『嗯～有無小心揸車架？』我都隨意咁問一問～

「緊係有啦～我好聽你話架嘛～再加上有你送俾我既平安符～一路上都好平安～」Chris賣一賣口乖～

『係咩…係丫！我...我聽日有D事要做...』趁而家順便同Chris講聲先...

「係？有咩事做？去邊丫？要我幾點過到黎？」Chris好自然咁問...

『唔...唔駛喇～我...我自己一個去就得架喇～』我就係唔想你喺我身邊...

唔通我有情困去搵情性又帶埋你去咩...

「哦？真係唔駛？」Chris追問...

『嗯～我要同D姊妹做D女人野丫～唔方便有男仔出現囉～』講個大話都要...

「係丫？咁…好啦...你要小心D喎～」Chris好似唔係咁放心咁...

『放心啦～阿儀都去～有阿儀喺身邊無問題既…』對唔住阿儀...要搵你黎過橋...

「你唔係話阿儀好粗心大意架咩？」Chris仲係好唔放心咁...

『佢...一DD野架咋～佢對D姊妹就唔粗心大意架喇～』我咁講好似好無說服力...

「唔...咁...好啦...真係要小心D喎...」Chris口講就話好，但個心仲係好唔放心...

『嗯嗯～我都好聽你話架嘛～咁你快D去沖個涼先啦～』都係唔好再喺呢個問題上打轉...

唔係既話...遲早露出馬腳...

「嗯～咁好啦～沖完涼再打俾你啦～」

『嗯～慢慢沖～拜拜～』

「嗯～拜拜～」

一收左線之後，我就立即打俾阿儀！

「嘟...嘟嘟...嘟嘟嘟...喂～迦迦～」阿儀一接聽...

『聽我講！如果假如萬一我男朋友Chris打俾你問聽日係唔係同我出去，你答係就得喇！』我立即交低重要說話！

「下下？點解...」我無等阿儀問落去...

『總之就話係同我出去就得喇！其他野就唔駛同佢交代！』講得太多我都怕阿儀會唔記得...

「哦哦...」阿儀仲係傻下傻下咁...

『嗯！咁就拜託晒你喇～』希望阿儀識點講啦...

「嗯嗯...無其他？」

『嗯...係咁多喇...麻煩晒...』

「唔麻煩～拜拜～」

『拜拜...』

希望Chris唔會咁多心...走去打俾阿儀啦...

等到Chris沖完涼...我地傾左一陣電話之後...我帶住一點點內疚...又有幾分擔心咁瞓左一整晚...

起身梳洗完...換返套衫...著返條連身裙...

打個電話俾Chris再交代聲：『放心啦～嗯嗯～知喇～嗯嗯～今晚返黎我再打俾你啦～嗯嗯～咁我出去喇～嗯嗯～拜拜～』

等佢唔好咁擔心之後...我就跟住情性尋晚Send俾我既地址...出發...

好似好耐都無試過一個人出去...

又好似好耐都無試過一個人搭公共交通工具出去...

更加好似好耐都無試過睇住手機上個地圖...向住目的地走過去...

好似好自由咁...

自由自在自己選擇自己想行既路線...

自由自在自己想行幾快就幾快...

自由自在自己想睇D乜就睇D乜...

好似好自由自在咁～好似好無拘無束咁～

自由自在...無拘無束...真係咁？

我自由自在～無拘無束咁跟住幅地圖行～

行下行下...行到上黎一間...一間門牌上寫住...

『Whirling Coffee？』喺一間...咖啡店？

情性相約既地方…係一間...樓上咖啡店？

都岩既…喺咖啡店裏面飲住咖啡都容易D傾丫嘛…（就算係Sale你野，你都無咁大戒心～容易D接受丫嘛～）

之不過...Whirling...

又會咁岩同攝影大師Whirling同名都有既...

我再行上兩級樓梯...

行近面前道白色木門...再睇清楚D木門既風格...

Whirling Coffee…

會唔會就係...Whirling開既嗰間...

唔會真係咁巧合掛...

世上又邊得黎有咁多巧合丫？

如果真係有咁多巧合既話...

咁係命中注定…定抑或係天意弄人呢？

我帶住疑惑既心...打開面前道白色木門...

『係…係呢道...真...真係呢道...』我被佈滿店內既黑白相嚇得花容失色...

我橫視一下四周...

被大大小小既黑白相包圍下既我...

呢間咖啡店...

呢間名為Whirling Coffee既咖啡店...睇黎就係...應該就係...名攝影師Whirling所開設既咖啡店...

估唔到...又會真係咁巧合...

咁巧合又會係呢道...

我好希望呢個巧合係命中注定...而唔係天意弄人啦...

我行入呢咖啡店，望真D掛喺牆上...放喺檯面上...一幅一幅...大大小小既黑白相...

真係好有Feel...

置身於現場...睇到封喺相架裏面既黑白相...相比起喺電腦裏面睇到既更加有Feel...

更加有嗰種...帶住一點點哀愁既感覺...

無論係一塊樹葉...一杯酒杯...一支蠟燭...一棧街燈...都存在住點點哀愁...

果然係Whirling...果然係出自Whirling之手！

「歡迎光臨～隨便睇睇～」一把清脆既聲音由櫃台入面傳過黎！

我回頭一望...望到有個女仔喺部咖啡機前搞下搞下咁...

我見呢個女仔...都好似幾年輕下...而且仲幾靚女添...

一個年輕貌美既女仔...喺Whirling Coffee裏面工作...

唔通呢個女仔就係...

『請問...你係唔係就係名攝影師...Whirling？』我行到櫃台前...問一問眼前呢位年輕貌美既女仔...

個女仔有D愕然咁擰過黎，再笑笑口答：「唔係唔係～我係喺道打工架姐～而且...Whirling其實係一個男人黎既～」

原來...Whirling係一個男人黎...

咁我唔知都好正常既...

Whirling佢本人從來都無露過面...

應該話喺佢既作品中，從來都無出現過人像相...

就連背影都無張...

只係知佢好鍾意影黑白相...只會影黑白相...

由佢寂寂無名…直到佢聲名大噪...佢都只係會影黑白相...

而且又唔接受訪問...又唔接受專訪...

只會喺自己既Facebook專頁上，Post下自己既作品～講下有新作品放左喺店內售賣咁...

完全無人知道，呢個奇怪既名攝影師真人係點既樣～

不過呢D對我黎講都唔係最重要...

最重要既係...

『咁...請問我可唔可以麻煩你幫我約一約Whirling呢？』對我呢講...呢點先係最重要...

既然喺咁巧合之下...我黎到呢一道...點都要...試試...

「約一約老闆？」女店員一頭問號咁...

『嗯嗯...我想約你老闆見一見面...』試一試可唔可以約Whirling出黎傾一傾...

「呃...呢層...呃...老闆佢...好古怪架...以前都有好多人登門拜訪...希望可以約到老闆出黎...但不論係合作又好...做訪問都好...老闆佢...佢都直接拒絕...我諗我...幫你唔到喇...」女店員尷尷尬尬咁擰擰頭...

『但係我...我就快要結婚...我...我真係好希望可以請Whirling做我地既攝影師...只有佢...只有Whirling佢先可以幫到我架咋...』就只有Whirling...就只有Whirling先可以幫到我...

「呃...但係...」女店員面有難色...

『唔該你啦...求下你啦...求下你幫幫我啦...』呢個已經係最好既機會...我唔可以錯過...

「咁...咁...咁好啦...我幫你同佢講講啦...不過佢答唔答應...我唔可以保證架...」女店員帶住一點點尷尬既笑意...

『唔緊要唔緊要～只要你肯幫我同佢講講就得架喇～唔該晒你～多謝晒你～』我捉一捉實女店員隻手～

「嗯嗯...唔駛客氣...唔駛客氣...」女店員尷尷尬尬咁點點頭...

太好啦...實在太好啦...

只要有機會...有機會約一約Whirling出黎...

話唔定...話唔定真係可以說服到佢...幫我地做攝影師...

我將我既聯絡方法都交俾女店員，再點左一杯Mocha之後...

「隨便坐～等陣我會將杯Mocha送到去你面前～」女店員笑容滿面～

『嗯～麻煩晒～』我鞠一鞠躬之後，就坐到去梳化上，等情性出現～

差D講下講下講到都唔記得左今次黎呢道既目的添！

無錯喇...今次黎係約左情性傾情困既事架嘛～

我真係丫...唉～

坐下坐下...等下等下...

喺黑黑白白既環境包圍下...總係會令人...回憶起...回憶...

一D...一直都耿耿記在心裏既回憶...

無辦法忘記...無辦法捨棄...

一直纏繞住我...一直種在心裏既...回憶...

「你要既Mocha～請慢用～」女店員帶住笑意放低杯Mocha...

『唔該～』我亦帶住點點微笑點點頭...

望住女店員帶住燦爛既笑容轉身離開...

我好似好耐都無試過...試過笑得咁燦爛...

好似好耐都無試過...有野可以令我笑得咁開心...

雖然話而家既，每日都過得好順心如意...

有一份自己喜歡既工作...

有一個體貼入微無微不至既未婚夫...

但就總係...總係吸引唔到我...走返入黎現實...

總係唔可以將我...由回憶之中...帶返黎現實...

回憶之中...我既回憶之中...

我眼前又開始...開始出現過去既影像...短暫卻難忘既影像...你既影像...

正當我快要再一次被回憶吞噬之時...

「你好。」一把成熟既聲音出現！

我回一回神...望一望返前面，見到有一個貌似古天樂咁既人坐喺面前...

呢一個既成熟，又穩重既男子...就係...情性？！

『你好...你就係...情性？』我等到情性坐低左之後，問一問...

「嗯～我就係情性～你就係...迦迦？」情性帶住微笑打量一下我...

『嗯嗯...』我尷尷尬尬咁點一點頭...

我實在唔係好習慣俾陌生男子叫我做迦迦...

「係呢～唔知你有乜野情困需要解開架呢？而你既情困...唔會係同戀兄、搶男友、師生戀有關掛？」情性仲係以古天樂式笑容打量住我...

『唔...無關...無關...』我咬一咬唇...拎起杯Mocha飲一飲...

戀兄、搶男友、師生戀...

難道如果真係關呢三樣野事，情性就無能力解開？

「你要既Espresso～請慢用～」女店員再一次帶住燦爛既笑容，放低左杯咖啡...

「唔該～」情性向女店員點一點頭後，女店員轉身離開...

Espresso…

一種苦到難以入口既咖啡...

估唔到一個聲稱可以為人解開情困既情性，會鍾意飲D咁苦澀既咖啡...

「咁你既情困係？」情性飲一口Espresso...

『我...我就黎結婚...』我都拎起杯Mocha...再飲一飲...

「哦？恭喜晒喎～」情性笑一笑，點點頭...

聽到情性既祝賀，我就有點難堪...

「唔？結婚喇喎…都走到愛情既終點...開始新既一章喇～點解你會好似...好似有D...忐忑？」情性打量一下我...

『我！我...我唔係咁想...唔係咁想...』我講唔出口...

「你唔想嫁？」情性幫我將唔敢講出口既說話講左出黎...

『嗯...』我帶點羞愧咁點一點頭...

「唔...係因為婚前恐懼症？」情性疑惑咁望住我...

『唔係！唔係…』我擰一擰頭…

「咁係…」情性靜左落黎...等我回答...

『係因為...我心裏面...有一個人...』我唔敢正視情性...亦唔係好敢...正視自己...

「係…變心...」情性諗左一諗...

『唔係！唔係單純既變心...而係...』我唔係好知點講出口...

將我無法忘掉既過去...講出口...

我同情性都靜左好一陣子之後...

「嗰個人...同你有乜野關係？」情性打破沈默...

『我同佢...佢係我既...初戀情人...』我既初戀...

「初戀...」情性飲一口Espresso...

『嗯...同呢個人...係喺中學時認識...我好愛佢...佢都好愛我...我地彼此深愛住對方三年有多…終於等到有一個機會...我地喺埋一齊...不過就只有短短既一個月...一個月之後...佢因為要去外國讀書...所以我地就分開左...』異地戀永遠都係無好結果...

「咁講法...都應該已經過左好多年...你都仲係放唔低？」情性又諗一諗...

『我！我...我本來以為自己已經放低左...所以先決定接受而家既未婚夫...接受佢既愛...接受佢既求婚...之但係...但係嗰一個人...高暉...高暉佢知道我同我未婚夫Chris結婚...所以特意返黎香港為Chris做伴郎...因為佢地其實係好好朋友...好好兄弟...』我有D難堪咁飲一口Mocha...

「好好朋友...好好兄弟...咁你未婚夫明知你同嗰個...高暉一齊過...都搵佢做伴郎？！佢唔係真係認為你會無野咁天真呀化？！」情性一面疑惑咁問...

『佢...我未婚夫唔知我同高暉一齊過...應該話...無人知我地有一齊過...因為一齊既時間實在太短...』呢個只係其中一個原因...

最主要既原因係因為...嗰陣時Chris對我太好...

個個都知Chris好愛我...

而我同高暉都唔想傷害Chris...

所以就無將我地一齊左既事公開...

「竟然...你將一個人收喺心裏...再同另一個人一齊...」情性擰一擰頭…

『我！我...』我只係...我只係唔可以...

「你咁樣同背叛你未婚夫又有乜分別？呢個人仲要係你未婚夫既好兄弟...仲狠心過狠狠插一刀落一個深愛著你既人心上...」情性面色一沈...

『我！我...』我都知...我...

「我並唔認同變心既行為！更加唔會認同一個就快結婚既準新娘仲未識得收心養性去掛住一個已經離開你既舊情人！」情性以責怪既口吻對我講...

『我！我...』我感到無地自容...

「雖然話我唔認同...之但係你搵得我...我都要放下一句...做決定之前，要諗清楚！唔可以傷害到任何一個人！」情性放下一句後，起身離開...

我望住情性既背影...行到去白色木門...離開咖啡店...

做決定之前...要諗清楚...唔可以...傷害到...任何一個人...