《情困之時，我遇上了自稱情性的情聖》: [Case 06－青梅竹馬] PART 03
趕左幾日Project...
通左幾晚頂...
終於都辛苦完...
辛苦完...辛苦到成個人散晒...
辛苦到我而家好似成條死屍咁攤喺Canteen張餐檯上...
好辛苦呢...
大學既生涯真係好辛苦呢...
邊個話大學生好嘆架？
到要趕Project趕Assignment既時候你就知乜野係想死喇！
等D仆街仲走上高登問“有冇人覺得d人成日話要趕Assignment真係難聽過粗口”！
你無讀過大學我唔撚怪你～
你有讀過大學既話，我就唔撚信你無講過“要趕Assignment”咁撚巴撚閉喇！
唉～不過算啦～香港人就係乜都要嘈一餐～
坐地鐵唔讓座又要嘈～企喺個傷殘位又要嘈～
我地呢D有手有腳年青力壯既，真係行路上廣州好喇～
我一於好少理，繼續趴喺張餐檯上望住坐喺對面既Kelly...
Kelly同我一齊食飽左之後，就坐定定等下堂既來臨～
之不過...我地之間唔同既地方係...
Kelly身邊有一大班狗公圍住...我就身無一人...
無錯...我係會用狗公黎形容呢班無恥既生物！
五、六、七、八、九隻狗公緊緊咁包圍住Kelly...
隻隻都貼到Kelly實一實...對眼仲要極度鹹濕咁！
屌你老母真係前世未見到女人咩？！
不過講真嗰句，Kelly由細到大都係咁多人鍾意...
身邊都一直係有咁多唔同種類狗公圍住...
小學又係勁多狗公買零食俾Kelly...
中學又係勁多狗公大獻殷勤咁！
到左入Ocamp既時候，就更撚嚴重！
唔知由幾時開始，大學生發明左「報Status」，亦唔知由幾時開始「報Status」變左Ocamp裏面Ice breaking既其中一個重要環節！
報Status…報Status…報Status…報乜撚野Status姐？
人地乜柒Status又關你乜撚野事姐？
乜柒A、O、C、U姐？根本就睇下條女溝唔溝得！
話知你係A0又好A380又好AOC都好啦，你有個A字開頭，係狗公都會想狗衝！
特別係組爸！
D仆街組爸成日都扮撚晒大仁大義又無微不至咁...
我屌你老母你唔係聽到Kelly話自己A0你會對佢咁好？！
我而家望住坐喺Kelly身邊嗰條仆街Edison就諗返起佢當日做組爸時一聽到Kelly話自己係A0既反應係幾咁大！
事實上...唔單止得佢一個組爸...
「你咁靚女都A0？」在場眾組爸都異口同聲咁問！
我嗰陣時真係好想講句：『屌你老母人地A唔A0關你撚事咩？！』
不過Kelly就一於好少理，只係微微咁點一點頭”嗯”左一聲了事...
之不過...又邊有得咁容易了事丫？！
當Kelly報左自己係A0之後，在場不論組爸定組仔，個個都望到Kelly實一實...
對眼就好似已經話左俾其他狗公聽：「佢係我既獵物！」一樣！
而組爸們當然就行使佢地既權力，不斷喺Kelly身邊大獻殷勤（伸出魔爪）喇！
我眼見D仆街組爸成日有意無意咁搭下Kelly膊頭抽下佢水咁，又扮晒好心咁扶下Kelly，真係睇到我眼火爆！
但Kelly佢自己本身又好似唔多在意...唔多介意...唔多為意咁...
係Kelly佢太Pure太True？
定係我太過感敏呢？
我都唔知...
我真係唔知點解而家D狗公可以咁肆無忌憚咁非禮女仔...
我亦唔知道點解Kelly可以任由D狗公肆無忌憚咁非禮自己...
我唔知道...我真係唔知道...
我只知道我真係好睇唔過眼...
我只知道我真係好睇唔過眼Kelly俾人非禮！
就好似而家咁...就好似而家眼前咁...
左邊條仆街淫蟲Edison就扮晒識得睇掌咁捉實Kelly隻手仔摸下摸：「睇你條感情線呢...你今年應該有拖拍～」
條仆街摸Kelly隻手仔摸到流晒口水咁！
但Kelly就好似好有興趣咁問：「真係架？幾時丫幾時丫？我都想我既初戀快D黎丫～～～」
右邊條仆街淫狼Oscars就扮晒天真咁摸住Kelly塊面：「你D皮膚咁滑，用開邊種護膚品架？」
但Kelly又好似好樂意同人分享咁：「我用開既只適合女仔架咋～如果你都想護下膚既，我介紹另一隻適合男仔用既俾你試下啦～」
企喺後面嗰條仆街淫魔Simon Chan就仲撚過分！一路摸住Kelly既膊頭，一路意淫淫咁講：「Kelly～我幫你鬆下個膊頭啦～嘿嘿嘿...」
但Kelly就好似好爽咁：「噢～好喔～唔該晒你喔～嗯～好舒服...真係好舒服喔～」
除左呢三大淫賊之外，Kelly身邊仲有好幾條狗公黐埋身...黐到實一實...實到直頭係用梗條J磨梗Kelly手臂...
點解會咁架呢？
點解Kelly唔反抗呢？
點解Kelly好似咁享受呢？
Kelly唔係真係唔知佢而家俾人非禮梗丫嘛？！
Kelly係唔係真係咁無知丫？！
而家D女仔又係唔係咁無知丫？！
以前中學既時候，我已經見過幾次Yuki師姐俾班男仔咁樣抽水法！
個撚個喺小息既時候都借D意去摸下Yuki師姐膊頭...摸下Yuki師姐隻手...摸下Yuki師姐塊面...用條J磨下Yuki師姐背脊...
嗰陣時既我就話認為Yuki師姐好享受俾班男仔淫慾姐～
但而家既Kelly...我由細玩到大既Kelly...
我唔覺得佢係個咁既女仔囉！
我越睇就越唔順眼...我越睇就越火大...
睇住一隻二隻淫蟲...一隻二隻淫狼...一隻二隻淫魔...
睇住Kelly俾人非禮...
睇住Kelly俾人抽水...
睇住同我由細玩到大既Kelly...
睇住我由細到大都咁深愛既Kelly...
我真係...我真係...忍唔住...忍唔住...
『你地好同我停手喇喎！』我忍無可忍喇！！！
“啪啪啪”我大大力咁拍左三下檯之後，再指住面前一班淫慾梗Kelly既狗公：『你地唔好再抽Kelly水呀！』
眾狗公聽到我既怒吼之後，個個都定左格咁，冷眼咁望住我...
望咩呀望？！未見過毒撚有火呀？！
係唔係俾我既霸氣嚇倒丫？！
唔發火真係當我毒撚架喎！
「我邊有抽Kelly水姐？我幫Kelly睇掌咋嘛…」
「我邊有抽Kelly水姐？我想請教下Kelly既護膚心得咋嘛…」
「我邊有抽Kelly水姐？我幫Kelly鬆下個膊頭咋嘛…」
「係囉係囉...我邊有抽Kelly水姐？」
「係囉係囉...」
「係囉係囉...」
「係囉係囉...」
一隻二隻狗公仲要扮晒無辜咁...
我屌你老母呢個世界真係乜人都有！真係無恥過亮星條契弟呀！
『扮咩野丫你？！你隻鹹豬手係咁摸Kelly隻手仔仲好意思話係幫佢睇掌？！你呀你呀你呀你呀你呀你呀！扮咩野請教護膚心得呀？！你塊面爛成咁無得救就收皮啦！仲有你呀！鬆咩膊呀？！你睇下你對手！一直向下伸向下伸伸到去邊？！仲唔縮手喎！』我指住班狗公破口大罵！
死仆街！死仆街！仲想抽我既Kelly水？！
再抽我就真係手都斬斷你地！
「嘩…咁講野都有既...」
「係囉...咁無品既...」
「係囉...講到我地個個都好似鹹濕佬咁喎...」
「係囉...我地係正人君子黎架嘛…」
「係囉...Kelly都未出聲...」
「係囉...以為自己係Kelly邊個喎...」
「係囉...係囉...」
「係囉...係囉...」
「係囉...係囉...」
哎呀呀！呢班狗公唔單止無恥，仲成個八婆咁既口吻！
乜柒“係囉...係囉...係囉...係囉...”？！
男人老狗係咩囉呀？！
我真係越聽越扯火...越望就越眼火爆！
「Kelly丫～我諗我都係走先啦～廢事俾人誤會啦～～～」
「係囉～我都走先喇～下次再請教過你啦～～～」
「係囉～我都去打波先喇～下次再同你鬆下其他地方～～～」
「係囉...係囉...係囉...係囉...」
Kelly身邊班狗公見我雙眼有火，隻隻都知難而退！
好呀好呀～總算成功為Kelly擊退狗公～
「嗯嗯...咁下次再傾過啦...嗯嗯...拜拜...」只見Kelly尷尷尬尬又客客氣氣咁同班狗公Say Goodbye…
挑！駛乜同佢地咁客氣喎！
一隻二隻都只不過係想抽Kelly水既狗公黎咋嘛！
對D狗公咁客氣，咪棧佢地下次變本加厲更猖狂！
有時真係唔係好明Kelly點諗架...
班狗公退去之後，Kelly突然黑起塊面望住我：「你好過份丫！」
『我過份？！我過咩份丫？！』係囉！我有乜咁過份丫？
我過份得過嗰班不斷抽你水既狗公？！
「人地都只不過係幫我睇下掌、請教下護膚心得、幫我鬆下膊頭咋嘛…你就大大聲聲氣粗粗咁鬧走人！無家教！」Kelly皺晒眉咁鬧我...
『我無家教？！喂！家下係佢地抽你水呀！我幫你鬧走佢地咋！你而家竟然幫佢地鬧返我轉頭？！』Kelly唔係真係咁天真呀化？
唔係真係天真到以為班狗公純粹幫佢睇下掌、請教下佢既護膚心得、幫佢鬆下膊頭下話？！
「開口埋口都話人地抽我水！你唔好咁心邪好唔好？！」Kelly仲係黑晒色，皺晒眉咁...
睇黎Kelly真係咁天真...
『哎呀...大姐呀...你有返D危機感得唔得架？！』我真係頂Kelly唔順...
咁大個女仲好似入世未深既小妹妹咁既樣...
小學既時候都有教啦...唔好俾陌生既人掂自己既身體丫嘛…
真係掂下膊頭都可以話係非禮架！
「咩危機感姐？！咁我地都成日攬頭攬頸架啦！唔通我又話你非禮我呀？」Kelly谷一谷起塊面豬登...
『喂！點同呀？！由細到大，我同你攬頭攬頸都唔係嗰種...』我有D嬲嬲地...
「邊種呀？」Kelly谷到面都紅埋...
『都唔係想抽你水嗰種！』我真係有D嬲嬲地...
「咁你又知人地係想抽我水嗰種？！」Kelly谷到頭頂出煙咁制...
『佢地做到咁出面！你咁都唔知？！你都應該感覺到呀下話？！』我嬲係因為Kelly竟然會搵我黎同班狗公相提並論...
「感覺得到D咩丫？」Kelly仲係一面無知咁既樣...
『感覺到班狗公摸你摸到扯晒旗呀！扯到條褲都凸起晒喇！仲有幾個專登用條J磨你手臂...磨你背脊...你唔係蠢到咁都唔知班狗公想搵你黎洩慾呀化？！』真係講起都扯晒火呀！
「我真係感覺唔到喎～」Kelly繼續Keep住一面無知樣...
『天呀！你係唔係真係咁無知呀？！』我受夠喇！
平時Kelly喺我身邊就好似個家姐咁...
好似好識照顧自己，好識照顧我咁...
一喺其他人面前姐，就好似個智障咁...白痴兼低能...
天呀～～～點解你要放一個咁既女仔喺我身邊呀？！
「我無知？！係呀係呀係呀！我無知呀！我仲乜都唔知添呀！我只係知你好小器姐！哼！」Kelly“哼”一聲後，起身離開...
我眼定定咁望住Kelly既背影...越行越遠...越行越遠...
直至到行左出Canteen...直至到消失喺我眼前...
我眼定定咁望住個門口...望住個出口...擘大個口得個窿...
有無搞錯丫？而家算點呀？
我幫你擊退左班狗公...你多謝都無句，隨便送上“哼”一聲，頭也不回咁轉身離開？
咩世界呀？！
好心著雷砍呀而家？！
真係…真係…我真係...
唉...前世欠左你架咩...
獨自一人再喺Canteen Hea多一陣...抖多一陣...攤多一陣...
無左Kelly喺身邊咁Hea多一陣...抖多一陣...攤多一陣...
世界好似安靜左好多...好似寧靜左好多...好似平靜左好多...
無左Kelly喺身邊同我非理性討論...無左Kelly喺身邊問長問短...無左Kelly喺身指指點點...無左Kelly喺身邊BI LE BA LA…
好似真係靜左好多…
仲靜到有D...有D寂寞...
寂寞？
點解我會用寂寞黎形容？
難得無左成個阿媽咁既Kelly喺身邊煩住晒，唔係應該有一種“難得清靜”既感覺先岩架咩？
點解我而家會話靜到有D寂寞架呢？
唔單止而家...就算係上Lecture又好，上Tutorial都好，平時Kelly都會坐喺我身邊，喺我瞓梗覺既時候幫我抄下Notes丫...用油性Marker畫下我隻手丫...拎D夾夾夾我中指丫咁...
但而家...Kelly就坐到鬼咁遠...坐左喺嗰隻Simon Chan隔離！
有無搞錯呀？！
有咁多位都好坐唔坐係要坐喺嗰條鹹濕狗公Simon Chan身邊？！
Kelly係唔係真係咁無危機感丫？
Kelly真係成隻小白免咁...我真係好唔放心！
我好留心咁睇住嗰條Simon Chan既一舉一動...
我緊緊咁盯住嗰條Simon Chan D手手腳腳…
你夠膽丫！你夠膽掂一掂Kelly丫！你試下夠膽掂Kelly一條毛丫！你睇下我一唔一個無印硬膠筆盒車埋黎？！
我右手已經揸實前幾日先同Kelly一齊去無印買既硬膠筆盒，如箭在弦...百步穿楊...一觸即發！
只要嗰條Simon Chan有乜想鹹濕Kelly既舉動，我就一個硬膠筆盒車埋去收佢皮！
我一直都好聚精會神，一直都好留意住Kelly...唔容許有任何人傷害Kelly！
又好好彩之下，嗰條Simon Chan同喺Kelly身邊既狗公都好似收埋左自己既魔爪...
唔係…
我應該話班狗公好似老鼠拉龜頭做撚左特首...無處下手咁...
隻隻狗公都好似埋唔到Kelly身咁...
點解會咁架呢？
點解班平時總係餓狗搶屎既狗公們，今日就連一D狗衝意思都無架呢？
無理由會咁架...
頭先喺Canteen既時候，Simon Chan同嗰幾隻用條J磨Kelly手臂既狗公們先大肆非禮Kelly咋嘛！
點解到左而家我唔喺Kelly身邊，佢地先黎鳩縮架呢？
唔通係因為我D氣場太勁？
唔通係因為我D殺氣太大？
唔通係因為我想保護Kelly既意識太強，強到壓制住班狗公既淫意？！
可能係咁～
應該係咁～
狗公既嗅覺都比較靈敏...
佢地應該聞到我身上散發住陣陣殺意，所以唔敢對Kelly毛手毛腳！
我真係好厲害！真係不得不讚嘆自己既厲害！
不過厲害咁又點...可以靠殺氣擊退Kelly身邊班狗公咁又點...
Kelly就連眼尾都唔望我一眼...
Kelly一直都背住我...一直都坐喺D背住我既位置...一直坐喺D鬼咁遠既位置...天南地北咁...一直都唔肯望我一眼...
就算係落堂又好...喺走廊等上堂又好...Kelly都無望過我一眼...
Kelly只係掛住同班女仔丫...班狗公丫傾計...講笑...
我呢？我就獨自喺Kelly既背後...喺暗角處散發殺意保護Kelly...
講出黎就型！實際呢？好撚戇鳩囉！
你估我唔知你地諗梗乜丫？
你地一定係話我只係一條剩係識得喺暗角裏偷窺女神既可憐蟲丫嘛！
邊個話Kelly係我女神丫？！
Kelly點會係我既女神丫？！
女神…
我望一下四周...望一下身邊...
一對二對情侶喺道卿卿我我...
落堂又拖住手咁一齊行出門口...
一罐汽水兩份飲...一條腸仔又兩份食...
你一啖丫...我一口...
行過D後巷又見到D情侶攬埋一舊打茄輪...
屌你老母Campus黎架可唔可以檢點D呀仆你個臭街！
真係差D就俾D情侶閃光彈閃到盲！
情侶閃光彈...
平日真係唔係好覺有咁多情侶閃光彈...
平日都有Kelly喺身邊吵吵鬧鬧...
我既注意力都喺Kelly既身上...
不論眼裏...就連心裏也只有Kelly...
我成個人...成個世界...都係Kelly...
就只有Kelly...
一直以黎...由細到大...我既世界都存在住Kelly...
唔係…
應該話Kelly係我生活既一部分...係我生命既一部分...
甚至係...全部...
一直都唔覺得...
一直都好似習慣左咁...當有Kelly喺身邊既時候...一切就好似習慣一樣...
習慣...
習慣有Kelly喺身邊...
有Kelly喺身邊就好似係必然咁...
係必然...係理所當然...
一出世就好似理所當然咁，喺我身邊陪伴我一起成長...
一齊行...一齊跌...一齊碰...
互相恥笑對方...互相戲弄對方...互相扶持對方...
一直都係咁...一直都係以呢種習慣去生活...
直至到而家Kelly唔理我...Kelly唔睬我...
到放學既時候，Kelly一個人走左去...唔等埋我...唔同我一齊返屋企...
我先發現...Kelly係不可或缺...
Kelly係不可或缺？
我再望下身邊同我一齊喺巴士站等梗巴士既情侶...
攬攬錫錫…又喺道攬攬錫錫…
攬攬錫錫…究竟攬住深愛既人黎錫會喺點既感覺呢？
攬住深愛既人黎錫...攬住深愛既Kelly黎錫...
我諗...我...係唔係喺時候...係唔係喺時候要...做返D野呢？