《情困之時，我遇上了自稱情性的情聖》: [Case 05－已讀不回] PART 10
「勁攰丫～勁攰丫～真係玩到勁攰喇～」Nikki攰到挨左落我身上...
『嗯嗯...』我都玩到好攰呢～
坐喺美國小鎮大街路邊，吹下吹下北風，抬頭望住黃昏後最深藍既天空...
好似都好耐...好耐都無玩到咁攰喇...
自從同珮琳鬧左交之後，唔係返工，就係陪下阿儀睇書睇模型睇動漫...
好耐都無去過樂園玩...好耐都無去咁遠既地方...行咁長既路...
好攰好攰…真係好鬼死攰…
攰到我連郁都唔願郁下...
望一望挨喺身邊既Nikki...我係唔係已經老左喇？
仲記得讀書既時候，連續玩兩晚通頂都仲可以好精神～
最多都係瞓返一日，第二朝又可以起身返學～
但而家既我...
只係同個?妹仔黎迪士尼玩半日姐，就已經攰成咁...
唉～歲月不饒人～
不過...陪住好似Nikki咁樣既?妹仔玩足大半日...雖然話大家都玩到好攰...但總係覺得...自己好似年輕左咁...
黎D就係?妹仔既威力？
「好喇～都天黑喇～係時候返去喇～」Nikki起一起身，拍一拍自己個屁股仔...
『唔睇埋煙花先？』望住Nikki個屁股彈一彈...好似好有彈性咁...
唔知摸落會係乜野質感呢？
?妹仔既屁股仔...?妹仔既屁股仔...
「唔唔～唔想同你睇～」Nikki擰擰頭，又擺擺身...
『下？唔想同我睇？』乜同我睇煙花好失禮你咩？
「我想同我深愛既人睇～」Nikki眼中好似有個人...
同深愛既人睇？
都岩既～
睇煙花咁浪漫既情境，緊係要同深愛既人睇啦～
俾著我...身邊嗰個唔係珮琳...都總係會覺得怪怪地咁...
「咁我地行喇～」Nikki拉一拉起我...
『嗯嗯～』我就同Nikki喺美國小鎮夜街上，慢步咁行去搭車。
同Nikki一上到港鐵，Nikki已經瞓左落我個膊頭道～
一轉車，又瞓過～
一轉車，又瞓過～
就好似個小妹妹好安心咁瞓喺哥哥既膊頭上面，好安心咁瞓～好好瞓～
Nikki瞓覺個樣都真係好甜呢～
望住Nikki呢個小妹妹瞓得咁甜，我個心都軟埋～
講真嗰句，Nikki咁可愛，真係好難唔心動...
唔好話我丫...就連地鐵車廂裏面既狗公，個個都?實Nikki對黑絲～
有D仲拎住部手機，扮晒野咁偷拍添～
又好難怪既～
Nikki對腳幼幼咁～再加上透透地既黑絲～真係好難唔FF去舐下既～
舐下...舐下Nikki對腳...舐下?妹仔對腳...
我唔可以對唔住珮琳架！！！
不過有得舐...真係唔舐？
可以舐下?妹仔既美腿...
可以捉實對腳...啜下腳趾...
遇正而家珮琳都嬲左我...唔睬我...唔理我...
我而家呢段時間...呢段時間真係可以...
痴線既！有得舐先再講啦！
不過唔舐既話...摸摸都...都不為過丫...
只係摸下姐...摸下都唔係好過份姐...
我再望真D Nikki個可愛甜美樣...
Nikki瞓得咁冧咁...摸摸都唔會好覺既...
摸摸Nikki隻幼脾...
隔住對黑絲...摸摸Nikki隻幼脾...
我隻魔爪已經不自覺咁伸向Nikki隻幼脾道...
摸一摸...好吸引...透透地既黑絲...摸一摸...?妹仔既幼脾...
當我差唔多伸到埋去Nikki隻幼脾之時...
我立即用隻右手捉住我隻魔爪！
痴撚線架咩？！
地鐵黎架！
好多人睇住架！
仲有好多仆街仔影梗Nikki相架！
萬一俾是旦一條仆街影到我摸Nikki大脾，一陣又Upload上網開心Share架喇！
到時上到高登，又唔知個Topic會幾咁難睇！
乜乜“鹹濕仔摸?妹仔大脾”...
乜乜“地鐵色魔再現人間，黑絲妹妹慘遭毒手”...
乜乜“識食緊係食黑絲”...
萬一咁唔好彩...俾珮琳見到既話...真係百辭莫辯...
係咯…
如果真係俾珮琳見到...實誤會我喺佢嬲梗既時候出去偷食...
咁就真係唔駛旨意氹得返珮琳...
唉～男人...都係收起色心...唔好做D對唔住珮琳既事啦～
俾Nikki瞓喺個膊頭上，全程車程我都忍住忍住...
忍住唔侵犯Nikki...
做男人有時真係都幾撚辛苦...
明明有舊肉喺你面前，但你又唔可以食...
成日都要挑戰男人性慾極限...
諗下諗下...有時真係覺得做太監好撚過...
「嗚呀～～～嗯嗯...你個膊頭都幾好瞓架喎～呀！我流左D口水落你個膊頭道丫！！！」Nikki打完個喊露，伸完個懶腰，望一望我個膊頭，先知原來流左D口水落我個膊頭道...
Nikki急急忙忙咁喺個手袋仔裏面摷包紙巾出黎...（黑泂裏面最容易搵到既野應該就係紙巾...同M巾...）
『唔緊要啦～唔緊要啦～』其實我想講...當轉去搭西鐵既時候，你就已經流梗啦...
Nikki面紅紅咁幫我印下印下...
Nikki佢...怕羞？
我仲以為而家D?妹仔係唔識得怕羞架添～
「丫…仲有D印喺道…」Nikki仲喺好尷尬咁...
『唔緊要啦～天氣咁乾燥，好快乾既～』我捉一捉住Nikki隻手仔...
Nikki隻手仔...真係好滑...
不過...都仲係咁冰冷咁...
『係呢～肚唔肚餓丫？想食D乜？』我都係轉移一下話題～等Nikki呢個?妹仔唔好咁尷尬～
「你請丫？」Nikki古古惑惑咁笑一笑…
『係丫～我請丫～』同得你出黎，就預左全日我包架啦～
「咁你請唔係應該你話事架咩？」Nikki古古惑惑咁笑一笑…
『俾你話事～費事俾你有機會話我寒酸丫～』怕俾你放上網數臭我丫～
「你都幾老實架喎～」Nikki古古惑惑咁打量下我…
『學左你D衰野丫嘛～』係咯...不知不覺...原來我已經俾Nikki感染左...
原來...俾一個人感染...可以係...咁容易...
我...我真係俾...俾Nikki感染左喇...
「唔...咁凍天氣，緊係去打邊邊最好啦～」Nikki咬一咬唇～
『打邊邊都好丫～咁你想去邊道打丫？』打邊邊可以火辣辣D～等Nikki對手仔唔駛咁凍嘛～
「我知有間食日式火鍋放題唔錯架～任食價錢又唔算貴～幫你慳錢丫～」Nikki古古惑惑咁笑一笑～
『哦～』呢個Nikki丫...成日都笑得咁古惑...
真係一個世界女～
以Nikki呢種又可愛，又古惑，又大波既世界女黎講，我諗真係有唔少裙下之臣～
唔好話丫～豬扒都收到成堆兵啦～
以Nikki既質素，真係伸一伸直隻腳仔咋，都成堆狗公狗衝黎舐啦～
所以話做女幾咁好～
有返少少姿色姐，唔駛瞓落床都有大把狗公服侍～
做男人呢？搵得下錢既都要做老婆奴啦～
點解我又要講到Nikki咁港女架呢？
係喎...點解呢？
就單單喺今日，我已經喺心裏諗左好幾次...
諗到有D重複添喇喎...
Nikki係唔係真係咁港女？
唔...或者只係我想強調咁話俾自己聽，Nikki係嗰種只想搵男人陪佢開心下...
唔係真係想俾機會你...
唔係鍾意你...
唔係想同你一齊...
唔好痴心FF...
無謂有太多不必要既誤會啦...
或者係啦...或者真係啦...或者真係咁啦...
Nikki帶住我去到佢講嗰間放題～
等都唔駛等就入得去喇～
『呢間野無乜人食咁既？』我坐一坐低，望一望四周，都仲有D位喎...
星期日都無人食？
蝗蟲都無幾隻？
「係丫～平時都唔係好多人架咋～要咩湯底丫？一個豬骨一個地獄好唔好丫？可以Share丫嘛～」Nikki已經急不可耐咁問要乜湯底～
『我OK架～』睇黎Nikki都真係好肚餓咁款～
我都真係覺得Nikki呢個?妹仔幾得意～
人仔細細但波大大又咁大食咁～
唔知上到床又係唔係真係咁大食架呢？
上到床？
屌！我又諗埋D衰野喇！
『講開又講...你真係唔怕肥架喎～』我打量一下Nikki...
「天生麗質難自棄丫嘛～其實我有肥到架～不過肥喺D應該肥既地方道囉～」Nikki挺一挺個胸...
一對豐乳就凸晒出黎...
『你真係唔怕羞架喎...』唔好話我成日諗衰野...一個淫娃蕩婦成日喺你面前擺對波上枱又Show下黑絲俾你睇咁...你叫人情何以堪呢？
「做乜要怕羞姐～咁我係有丫嘛～」Nikki仲要擺下擺下個上身...
對豐乳就微微咁搖動下...
『夠喇...收返埋你對波啦...』老老柒柒你對波係大...不過都未真係大到好似瑤瑤嗰D咁遙得咁勁囉好無...
「你都真係幾得意架喎～」Nikki又古古惑惑咁笑一笑…
『有乜咁得意呢又？』我冷眼望一望Nikki...
「D男仔一見到我咁樣擺下擺下個身，都會眼甘甘咁望住我個胸～但係你就唔敢正視～做咩丫？怕羞丫？怕羞仔～怕羞仔～」Nikki意淫淫咁指住我黎笑...
『我怕羞？我駛怕你羞？我地呢D見慣大場面既，會怕羞架咩？波咋嘛？成日望架啦～』我講得有D激動...
激動到...隔離枱既小情侶都望左過黎...
「係咩係咩？好有經驗咁喎～」Nikki又意淫淫咁指住我黎笑...
『一定多過你！』我講完呢句之後，先發覺自己講得好無說服力...
以Nikki既言談之中，我覺得佢既經驗係多過我好多好多…
「咁就要試過先知喇～～～」Nikki又意淫淫咁指住我黎笑...
『好丫！怕你呀？幾時呀？』我係唔會咁易屈服架！約戰約戰！
「就食完呢餐上你道！」Nikki又挺一挺胸！
『好呀！就食完呢餐上我道！你坐硬輪椅丫！』砌到你行都行唔到！
「睇下邊個坐輪椅～」Nikki又得得戚戚咁！
而家D?妹真係...唔識死架！
點解可以咁肆無忌憚咁同個識左只有一日既男仔喺大庭廣眾講埋呢D咁既野？
真係唔怕我性起上黎就拉你埋一二角女女女左你架喎！
你話丫...而家D?妹仔已經係咁...
到我地生嗰代咁點算？
真係分分鐘有一日返到屋企同我講：「爸爸...我俾人搞大左丫...」
『下？！俾邊個搞大左丫？』
「我唔知丫...嗰晚太多個喇...」
『老婆...你同阿女傾傾先...我入廁所嘔嘔血...嘔完出黎同你接力...』
唉...世風日下...道德倫亡...
不過...講真嗰句...如果真係有得約戰...真係唔要？
約戰喎...同?妹仔約戰喎...
我都有好耐未試過扑野喇喎...
同?妹仔扑野…同細細粒但波大大既可愛?妹仔扑野...
我帶住呢種既忐忑，又期待既心情同Nikki食呢餐放題...
食完飽飽，埋單又真係幾平喎～
真係奇怪～
野食都算OK～價錢又夠便宜～但點解會無乜人架呢？
唉～都係唔好理人咁多～諗下陣間同Nikki大戰好過～
同Nikki一路行返屋企...喺漆黑既街道上...就只有暗黃色既街燈作照明...
冷風吹至，但係我同Nikki都好似好溫暖咁...
「好飽飽喔～」
同Nikki大戰...
『唔唔...』
我可以支持幾耐呢...
「係唔係無介紹錯先～」
會唔會唔夠十分鐘我就忍唔住要射呢...
『唔唔...』
射足七次有無問題呢...
「下次再黎食過好唔好丫？」
等等係唔係應該去七仔買盒Dom先呢？
『唔唔...』
沿途上，我地都有傾有講有笑～
但Nikki就無再作性暗示...
直到行到我既屋苑...
「我到啦～」Nikki企喺個大門前...
『下下...』我望一望四周...望一望個座號，『咦？乜...你住呢道架？』
差D講左“乜你唔係諗住上我道大戰咩？”添...
「嗯嗯～」Nikki點一點頭。
『我住隔離嗰座架～』我指一指遠處。
「乜咁岩既？咁我要搵你既話，咪好容易喔～」Nikki向我打左個眼色。
『嗯～好容易啦～咁...好啦～你返上去啦～』我同Nikki揮揮手...
「嗯～好多謝你今日陪左我成日～我玩得好開心～」Nikki向我鞠左個躬...
『哦...我都好開心...多謝你...』我都向Nikki鞠左個躬...
「嗯...咁我...返上去喇...」
『嗯...拜拜～』
「拜拜～」
目送住Nikki入左大堂...入埋?...
唔係話上黎我道大戰架咩？
唉～人地都係講下笑姐～何必認真？
都好既～始終...
我毒自一人行去間七仔...
今晚就係得嗰個叫...Zoe既女仔...同另一個叫...Yuki既女仔喺舖面睇舖...
我都一如既往，買支生力...坐坐喺張石凳上...
拎出部電話...
始終...我都係唔可以忘記你...
Send第一百三十六個Message...
Message發出後，我Lock返部電話...
今次我無再等雙藍剔...
縱使你對我絕情...我都無辦法唔愛你呢...珮琳...