《情困之時，我遇上了自稱情性的情聖》: [Case 05－已讀不回] PART 09

同Nikki一邊食，又一邊傾～

一邊傾，又一邊睇佢食～

有陣時…睇女仔食野都係一種享受～

有乜咁享受？

唔知呢～



睇住一個靚女食野，總係覺得好優美～

就好似初初喺Starbucks遇到珮琳咁，望住佢飲下咖啡，打下文，都係一種生活態度～

或者你會覺得俾個痴線佬坐喺對面視姦好似好變態咁...

但...我只係出於一份欣賞之情姐...

當時既我...坐喺珮琳對面...望住佢...真係有種...只可遠觀而不可褻玩焉既感覺...



嗱！我無話追到珮琳之後佢就唔清純丫喇！

其實我一直都覺得佢好聖潔架...

但就係因為佢咁聖潔...令我唔知幾時有得搞...幾時唔想搞...

大佬丫...男人就話一扯旗就想曳曳姐...

咁女仔呢？你唔講，我點知你幾時癢姐？



唉...

「食飽飽喇～」Nikki摸下摸下自己個肚仔...

就咁睇住Nikki摸下摸下自己個肚仔，又好似真係一D肥肉都無喎...

『嗯～咁去埋單喇～』當我同Nikki行到去俾錢之時...

Nikki喺個手袋仔道摷下摷下...

呢個咪係傳說之中，袋仔細細，但深不見底既黑洞手袋？！

我呢D見慣大場面既，當然見慣不怪啦～

平時返工丫～D狗公陪女神買衫丫～都成日見架啦～



條條女都係鳩摷自己個手袋仔，但總係摷極都摷唔到個銀包出黎架喎～

咁D狗公都好識做既～大多數都會自動波For水～

只係面色比較難睇D姐～

不過有一次，就真係有條戇鳩仔企定定等條女摷～

條女又真係摷足十五分鐘都唔肯摷個銀包出黎～

我就戇鳩鳩咁企喺Counter入面食花生...

等左二十分鐘左右，條女一句：「唔撚買喇！」一支箭咁衝左出店外～



條傻仔仲要好型咁講：「挑那星當自己係乜丫？帶四舊水出黎俾你洗到盡仲想我找數？！Whatsapp都Delete你！」

望住兩條友運完吉之後，我就走去同阿儀講：『唉...帶得嗰四舊水出街就想溝港女？！返屋企搵媽媽飲奶啦～』

老老柒柒我睇條死MK都係見人幾靚女又幾好砌咁，一心諗住約佢出黎呃蝦條～

帶四舊水出黎呃蝦條？！

你唔係諗住爆房錢都要人地同你AA丫嘛？！

真係好撚心啦～無錢就返屋企自閉啦～

仲好意思咁大聲講出黎話自己帶得四舊水同女仔出街～

呢個都唔知係咩世界～～～



『你仲摷乜鬼姐～我請你丫～』我埋左張單之後，見Nikki仲喺道摷梗個黑洞…

「咁都要扮下野架嘛～」Nikki毫不諱言咁講出事實...

『你都幾搞笑架喎～』我不禁要恥笑一下Nikki～

「咩丫？」Nikki仲要扮晒天真樣～

『我都唔知話你老實好丫...定係唔怕面懵好...』我望住眼前呢個可愛小妹妹...

「咁有時D野，你知我知又怕咩講出口姐～」Nikki向我打左個眼色...

又好似好有道理咁喎...



反正大家都知咩事，何不直言呢～

所以話，而家D?妹仔真係好有腦～

唔怪之得有人話過，上左年紀既男人係唔夠D?妹仔玩～

個?妹仔要玩起你上黎，真係玩到你鳩Fing Fing～

鳩Fing Fing？我又喺道講梗乜？

『好喇～食飽喇～跟住想去邊？』無可否認，我真係有零點五秒係想Nikki話去爆房～

飽暖丫嘛～係會思下淫慾既～

不過只係零點五秒姐！

零點五秒後，我就變返個聖人～

「嗯...我想去迪士尼～」Nikki彈左幾下...

『下？迪士尼？』會唔會突然左D丫？

「嗯嗯～我突然想去迪士尼～」Nikki再彈左幾下...

『你都真係幾突然架喎...』我就望住Nikki對波彈下彈下...

著左咁多衫都咁彈...Nikki真係...好好波...

「我地呢D即興架嘛～放心喎～我有全年通架喎～」Nikki一邊彈，一邊向我打左個眼色...

『咁我都有全年通...』之前同珮琳一齊買既...

嗰陣時買完諗住一放假就走入去Hea～

點知隔左一個月左右...我地就鬧左交喇...

張全年通都係用過兩、三次咁大把...

「咁我地快D去啦～唔係排隊都有排排～～～」Nikki推住我行...

但係...會唔會真係...有D突然丫...

俾Nikki推住我行去搭港鐵...

Nikki一直都好似好興奮～又好期待咁既樣～

係唔係天下間既女仔，一話去迪士尼，都會又興奮，又期待咁架呢？

之前同珮琳去，珮琳又係咁架喎～

雙眼總係好似識發光咁～

又緊張到咬下嘴仔咁～

個身仲要不時擺下擺下咁～

究竟迪士尼有乜咁吸引呢？

搞到D女個個都好似高潮咁～

我真係唔明～真係好難明～

『你成日都同男仔去迪士尼架？』唔知點解，我硬係覺得Nikki身邊有好多狗公圍住黎轉...

「一時時啦～間唔中又會去下唱K～間唔中去飲下野～夏天既時候又會去下船P～游下水咁囉～」Nikki答得好自然...

『嘩…咁去玩法...你男朋友唔介意架咩？』好明顯我係打探梗口風...

「我無男朋友架～你放心啦～」Nikki向我打左個眼色...

咩叫“你放心啦”...

『哦～只收兵，不拍拖～』條女很清楚收兵好過嫁人～

係咁架喇～係咁架喇～

而家D女仔...細細個就識收兵架喇～

最好收D有收入既哥哥～

出黎食下野～買下野都有人找數丫嘛～

不過...其實我又唔係好介意既～

如果唔係話咁大貪既話...一千幾百既交際費...我都俾得起既～

「係丫係丫～收兵唔好咩？唔駛俾人私有～我又可以陪下佢地～鍾意既話...仲可以有D親密接觸添～」Nikki靠一靠近...摸一摸我大脾...

『喂喂…公眾地方黎架...』我推一推開Nikki隻手仔...

好滑...Nikki隻手...好滑...

不過就有D冰冷...

Nikki佢...覺得凍嘛？

「怕羞仔～」Nikki陰陰嘴笑…

我邊係怕羞姐...

只係...

我覺得...

咁快就...

好似...

急左D姐...

「好野～話咁快就黎到迪士尼～～～」一踏出迪士尼車站，Nikki就好似一個天真無邪氣既小妹妹咁彈下彈下～

的確～坐港鐵，話咁快就到～（無故障既話...）

「不過就好凍呢...」Nikki彈多兩彈，就攬住自己震下震下咁...

『都話左你下身就係著條熱褲黑絲...緊係凍啦...』我除一除件大褸，披到Nikki身上。

「都話左黑絲係冬暖夏涼架咯～唔識野～之不過...你咁樣披件大褸俾我，等陣你一定會後悔～」Nikki古古惑惑咁望住我笑一笑...

『後悔？點解會咁講呢？』因為我會凍親？

其實...我又無話好怕凍既～

或者係...已經習慣左凍掛...

習慣左每晚都自己一個人凍...

都凍左好多好多個寂寞冬夜...

「你唔知道你咁樣披件大褸喺我身上既話，唔駛一陣，你成件褸都會吸晒我D味～」Nikki陰險咁偷笑...

會吸晒...Nikki身上既氣味...

「你要知道呢...女仔身上既香味，係會勾起男人既情感～一旦勾起...就會成日都心掛掛...」Nikki借顧靠一靠近...

一旦勾起...就會成日都心掛掛...

我記得...岩岩同珮琳拍拖既時候...我都會帶定外套出街...

因為珮琳總係鍾意兩手Fing Fing…但一入到商場又會覺得D冷氣好凍...

每次一入到商場，我都會喺個大袋裏面拎件外套出黎，披到珮琳身上...

珮琳都會面帶微笑咁同我講：「好體貼呢～」

對住深愛既人，當然要體貼D...

而每次珮琳俾返件外套我之時，我都會聞到件外套上有著珮琳身上既點點芳香...

呢陣點點芳香...總會令我無時無刻記起...

總會令我想起你...

想起你充滿謝意既微笑...充滿幸福既微笑...充滿溫馨既微笑...

「到時...你仲唔係我既？」Nikki蹬一蹬起對腳，喺我耳邊吹一吹氣...

俾Nikki咁樣吹一吹...我成個人都震左一震...

『天氣夠晒凍...我仲要俾埋件褸你...你仲要喺我耳邊吹一吹氣...我真係會凍到入心架...』我立即彈一彈開...

「咁駛唔駛我俾返D溫暖你？」Nikki又古古惑惑咁既樣...

『點俾溫暖丫...』又想點樣挑逗我丫...

「我地先去玩D刺激D既野～熱熱身先～」Nikki拉住我走入香港迪士尼樂園...

玩D…刺激D既野先？

等等先！我唔玩得太刺激既機動遊戲架！！！

一入到迪士尼樂園，Nikki就拉到我去明日世界嗰邊...

明日世界…唔通Nikki想帶我去...

我都仲未將“飛越太空山”諗出黎，Nikki就已經拉左我去排隊...

「好多人呢～好多人呢～咁早就咁多人呢～」Nikki拉左我黎飛越太空山條隊...

人龍都真係幾長...顯示牌所顯示起碼要等四十五分鐘...

不過呢個都唔係重點...

重點係...

『可唔可以唔玩過山車丫...我會死架...』之前同珮琳黎玩，珮琳次次都會捉我黎坐過山車...

我就次次都死下死下咁搭住喺珮琳身上死返出黎...

「你咁大個男仔唔係咁弱丫嘛～」Nikki谷一谷起塊面豬登，啤一啤住我...

『我...我真係咁弱架咋...』每次同珮琳玩完，珮琳都係咁恥笑我架啦...

「唔得咁架～女仔都唔怕～男仔怕乜鬼～」Nikki已經捉實我...唔俾我逃走...

就好似第一次俾珮琳拉住過黎咁...唔俾我有逃走既機會...

『點同呢...』我仲係想逃避...

「有乜唔同呢？」Nikki打量一下我...

『女仔係無速度感...所以唔知驚...但男仔就唔同喇...男仔係好有速度感...係會好驚坐喺D咁快既野上面...』特別係唔係自己控制梗既野...

「咩藉口黎架？咁都噏得出既？」Nikki完全無視我...

我都估到架喇...

我都估到Nikki會咁無視我架喇...

就正如珮琳一樣...無視我講既真理...

唉...明架喇...掙扎都係無謂既...

我都係安心上路罷喇...

同Nikki喺一堆人當中排隊...

帶住驚心動魄既心情排下排下...不知不覺就排左四十分鐘...

不知不覺就到我地...

Nikki仲要揀左個車頭位...

係唔係個個女仔都係咁鍾意揀坐最頭既呢？

珮琳又係咁...次次都話要坐最頭...

唉...是旦喇...一、兩分鐘既事姐...

合埋對眼...當俾鬼...

『壓...嗚呀！！！！！！！！！！！』話咁快...就開始喇！！！

喺呢一、兩分鐘既時間，我一直都好似聽到珮琳把聲...

我好似聽到...珮琳坐喺我身邊嗌梗咁...

就好似每次黎坐過山車一樣...我都要聽住珮琳把叫聲...我個心先可以定落黎...

每次都係...每次都係咁...

聽住珮琳把聲...感受住佢係我身邊...我先可以平靜落黎...安心落黎...

但而家既我係好清楚...身邊既唔係珮琳...

而家坐喺我身邊既係...Nik

『ki...嗚呀！！！！！！！！！！！』

喺短短既一、兩分鐘轉左兩、三個圈...（其實我真係唔知有幾多個圈...）

「你真係好弱架～」Nikki扶住我行出飛越太空山出口...

就好似搭住珮琳咁..搭住Nikki...

『我都話左...我...我唔得...唔得架喇...』我真係會死架...

「唉～你咁樣唔得架～會俾女仔覺得你無安全感架～」Nikki掃一掃我背脊...

就好似珮琳咁...溫柔咁掃下掃下我背脊...

『痴線既…關安全感咩事姐...』係唔係個個女仔都係咁架呢？

都係覺得坐唔到過山車就係無安全感架呢？

坐到過山車就好有安全感架喇喎？

咁你鍾意架車得啦～架車夠晒安全感啦～

「唔得唔得～要幫你特訓先得～」Nikki掃多兩掃...又拍左一拍...

『特訓？特咩訓丫？』等等先...

唔通係…

「我地去灰熊山谷～～～」Nikki又拉住我行...

果然！果然同珮琳一樣！

見我玩完飛越太空山都仲未死得晒，就拉我去玩灰熊山極速礦車！

俾Nikki拉住行去灰熊山谷...

都未抖順條氣姐...就已經輪到我地...

Nikki當然又係話要坐車頭啦...

雖然話灰熊山極速礦車已經無飛越太空山咁快...

D彎都無咁急...

但係...

『嗚呀！！！！！！！』我都係頂唔順架！！！

「哈哈哈～嘩～～～哈哈哈～～～」但坐喺我身邊既珮琳就好開心咁...

無錯喇...每次同珮琳黎坐灰熊山極速礦車...佢都會笑得好天真...

仲會話：「D熊好似你丫～咁樣衰丫～」

我都有試過睜開雙眼，睇清楚D熊係唔係真係咁樣衰...

但望唔夠兩眼，我都係會將注意力放返喺坐喺我身邊既珮琳身上...

坐喺我身邊既...而家坐喺我身邊既...係Nik

『ki...嗚呀！！！！！！！！！！！』

喺短短既一、兩分鐘轉左兩、三個圈...（其實我真係唔知有幾多個圈...）

『唔得喇...唔得喇...我死喇...我死喇...』我成個人都浮下浮下咁步出灰熊山極速礦車出口...

「你真係好鬼弱架～」Nikki掃一掃我背脊...

『你地D女人...係唔係變態架...』珮琳又係咁...Nikki又係咁...

呢個香港既女人，真係無一個正常架？

「咩變態丫？黎到緊係要玩到盡架啦～」Nikki扶一扶住我...又幫我掃左幾下背...

『咁就一定係有被虐狂啦...』咁都仲話唔係變態丫？

我成日都話，諗到要搞D機動遊戲出黎俾人玩既人，都一定係有虐待狂！

睇住D人俾D機動遊戲玩到死下死下，得返半條人命咁...仲唔係有虐待狂？！

所以我真心覺得盛智文係變態既虐待狂！

你睇佢搞左個海洋公園同老蘭出黎就知啦！

而嗰班鍾意去海洋公園同老蘭既人，有邊個係正常架？

個個都係同盛智文一樣係變態既！

分別只在於佢地係有被虐狂姐！

所以話，究竟係有雞先定係有雞蟲先？我就不得而知喇～

我而家就係知，我仲未回到氣姐...

「點丫你～有無好D丫？」Nikki扶左我行左去一二邊...

『無…』好想嘔...但又嘔唔出...

「你真係好鬼弱架呢～」Nikki坐喺我身邊，踢下踢下對腳仔...

我就望住Nikki對腳仔...一對著上黑絲既腳仔...

人地話頭暈暈最好就搵下D野望...分散下D注意力...

我而家搵Nikki對腳仔黎望下...都不為過丫...

而且仲好似幾Work咁喎...

眼定定咁望住Nikki對腳仔...又真係好似無咁暈喇喎...

「喂～～～做乜眼甘甘咁望住人地對腳？係唔係想摸下丫？」Nikki伸左隻腳仔埋我道...

『痴線…摸乜鬼？搵D野望下無咁暈咋嘛…』我先唔會咁變態...大庭廣眾無啦啦摸?妹隻腳…

「你都真係幾搞笑架喎～有得俾你摸都唔摸～」Nikki仲係用隻腳仔喺我面前擺下擺下...搖下搖下...

『街黎架...一陣俾人拍片放上網丫...』如果真係摸既話，唔駛一陣就會有一個名為“迪迪尼梗火情侶摸大脾”既片喺網上瘋傳...

而家D人，乜春都放上網架啦～

真係唔怕阻人扑野，死後要燒春袋架喎～

「喺街既話就話唔摸得...咁如果喺無人既地方呢？」Nikki意淫未盡咁望住我...

『有乜野地方係無人架…』我眼定定咁望住Nikki對淫眼...

Nikki靠近我耳仔...細細聲咁講：「殘廁囉～」

我一聽到Nikki咁淫咁講出“殘廁”呢兩個字，吞左啖口水...

殘...殘廁...

同Nikki喺殘廁道...點止摸下大脾咁簡單...

仲可以...仲可以...同Nikki呢個?妹仔...

「講下笑咋～我先唔會喺殘廁道搞丫～咁污糟～」Nikki古古惑惑咁笑一笑…

車…講到咁...等我仲以為...

以為乜丫？

可以以為D乜丫？

好心啦...咪FF咁多啦～

無啦啦真係會有飛來蜢同你扑野咩？

豬扒都話丫～

好似Nikki咁細細粒粒波大大，樣子又甜美既?妹仔，最多都係搵下D步兵丫～水兵丫出黎陪佢行下街～食下野～買下野～玩下咁～

邊得黎咁多甜位發生？

你估好似高登D甜故咁咩？

著地D啦高登仔～

「望左我對腳咁耐，有無好D丫？」Nikki帶住意淫未盡既眼神打量一下我...

點解我會成日都覺得Nikki對眼咁淫咁架呢？

『好左好多喇...』望腳呢個方法又真係幾有效...

特別係望住我最鍾意既薄身黑絲...

加上Nikki對腳仔幼幼咁...真係好好望...

「?夠就行喇喎～」Nikki除一除我件喺佢身上既大褸...

『你唔凍咩？』我打量一下Nikki...對豐乳又要彈出黎...

「熱完身無咁凍啦～而且...你咁弱，著返件褸會好D既～」Nikki將我件大褸披到我身上...

當我吸一吸氣既一剎那...

好香...

件大褸…好香...

呢種香味...係少女既幽香...

Nikki身上既體香...

真係好香…

喺Nikki身邊既時候...我都有聞到佢身上散發出陣陣幽香...

不過始終都有一定既距離...所以我都唔係好在意...

但而家...披到我身上既大褸...完完全全吸收晒Nikki身上既體香...

當我而家察覺到既時候...已經...已經太遲...

我已經...已經俾Nikki既體香...迷惑住...

Nikki…Nikki…Nikki…

「好好搵過個...會懂得珍惜你架啦～」情性？！

「點丫你～仲想呆幾耐丫～再唔快D行，玩唔晒架喇～」Nikki回頭拉一拉我...

『哦哦...』點解我又會諗起情性呢句話？！