《情困之時，我遇上了自稱情性的情聖》: [Case 05－已讀不回] PART 03
天氣開始轉冷...尤其係夜晚...
街上既人比起之前明顯更少...
無乜人落黎七仔買野...
D情侶扑野都唔願落黎買Dom...
咁咪好囉～男人就有藉口唔帶套直接中出女朋友～
就算有人入去七仔買野，都係買熱既維他奶多～
講真句...又邊會有人好似我咁痴線，夜麻麻又凍冰冰，一條毒撚坐喺七仔出面吹住冷風飲啤酒？
真係劉馬車都唔會咁撚戇鳩...
劉馬車呢D時候，緊係去屌鳩D MK妹，搞鳩D MK妹啦！
係我先會咁戇鳩，風雨不改咁拎住支啤酒...坐喺七仔出面...
飲一口生力，拎起部電話...Send第一百一十一個Message...
眼定定咁睇住你上線...睇住你送個雙藍剔俾我...睇住你離線...
第一百一十一日喇...已經係第一百一十一晚喇...
你真係咁忍心嘛…陸珮琳...
難道你就唔可以念下舊情？
難道你就唔可以諗下我地之前既好？
我地之前真係無好過咩？
真係無野值得你留戀咩？
唔係丫…唔係丫…
我地都有好多開心既回憶...好多難忘既往事...
你話過我好傻...可以傻下傻下坐喺你面前坐左三個月...坐足六十日…
但就係因為我可以咁傻，你先會愛上左我...
你愛上我既傻...對你既傻...
我只會為你傻...
難道而家既我仲未夠傻？
傻傻咁一個人Send足一百一十一個Messages，就算無任何回覆，我都堅持住每晚都要Send一個Message俾你...
我真係好傻...愛得你好傻...
難道我對你唔夠好？
難道我唔夠愛你嗎？
雖然我地經常爭辯，但有邊一次，唔係我認低威先？
有邊一次唔係我講對唔住先？
有邊一次唔係我投降認輸先？
縱使你唔夠我講...話要走去吸收自由既空氣，又有邊次唔係等你抖夠，我就會走黎同你講“係我錯，對唔住。”？
我有幾愛你，難道你仲係唔明白？你仲係感受唔到？
定係你已經淡了？
愛都變淡了？
不再心動了？不再轟動了...
你話過...你喺我身上感覺到你所缺乏既野...
你攬住我...你攬實我...喺我胸口竊竊私語...
喺我身上...有一種久違既感覺...一種好似一直期待既感覺...
一種不能分開既感覺...
你總愛攬到我實一實，喺我條頸道用力索...
我亦都好鍾意攬實你，聞你既髮香...
我好掛住你既香味...好掛住你既體溫...
就喺呢個嚴冬夜深...更加勾起對你既思念...
我好掛住你...我真係好掛住你...
『我真係好掛住你呢...珮琳...』
我望住個Whatsapp飲一啖啤酒...
又望住珮琳既頭像飲一啖啤酒...
寒風吹入身，酒氣醉入心...
暗黃色既街燈下，漆黑既街道上再無路人...面前就只有七仔既燈光最光最亮...
好寞寂...好寞寂...沒有你既寒夜裏，倍感寞寂...
就喺我飲到最後一口既時候...
“只能說我輸了”
電話響？係阿儀？
我接一接聽：『喂阿儀？咁夜既？』
「喂～Timothy～係丫～你嗰邊好大風喎～仲喺街丫？唔阻你丫嘛？」電話傳黎阿儀把聲...
阿儀好似係…瞓左喺道講野…
『唔阻唔阻...我仲喺街道...就返屋企架喇...係呢咁夜搵我咩事？』我起一起身，掉埋支玻璃樽，擺下擺下咁行返屋企...
「係丫～我差D唔記得同你講，迦迦話約出黎食飯丫～～～」阿儀繼續講。
『哦？係丫？幾時丫？』係迦迦丫...都好似好耐無見...
有無一年呢？
好似唔止添喇...
中學畢業之後，雖然都有Keep住聯絡...久唔久都會出黎食下飯...
但係各有各既路要行，大家都各有各既忙...
雖然話我同迦迦就好少見面，但聽阿儀講，佢就成日都會同迦迦行街睇戲食飯去下旅行咁～
而且仲好好感情添～
女仔嘛～始終都係好感情D既～
「約好左喺聽晚丫～聽晚我地放工就一齊去搵迦迦～」阿儀好似好雀躍咁～
都係既，阿儀每次提起迦迦都係咁雀躍～
『哦～OK丫～反正我都無野做架啦...喂～呢D野，留返聽日返工見到面先講都得架姐～』我冷冷送一句...
可能係因為冷風影響到心情...心情影響到情緒...情緒影響到行為...
「咁我怕我會唔記得呀嘛～你知我一直都好無記性架啦～趁住仲記得，講左俾你聽先～聽日就有你提我啦嘛～」阿儀仲要大安旨意咁...
『哦...你都係快D搵返個人照顧你啦！』咁大個人，都仲係咁依賴人...
「好難搵到個好似冬甩咁好既男神照顧我架...」阿儀帶點無奈咁講...
『又係嗰個大作家呀？算罷啦～人地係大作家～唔需要有女朋友架～』
「你又知人地唔需要女朋友？」
『大作家都係D痴線佬～你幾時見過D痴線佬要女朋友？』
「我唔准你咁話冬甩！」
『咁係丫嘛～佢地D愛情觀都離晒地既～點搵女朋友呀？』
「冬甩好著地架囉好唔好？！」
『有你呢個宅宅Fans就知佢離晒地架啦～』
「我唔准你咁話冬甩呀！」
同阿儀吹多一陣水之後，我都返左上屋企沖個涼，吹乾個頭瞓落床...
每晚都係咁...每日都係咁...渾渾噩噩咁...
渾渾噩噩咁瞓醒一覺...渾渾噩噩咁第一時間睇一睇個Whatsapp...渾渾噩噩咁失望攤喺張床道...渾渾噩噩咁起身梳洗出門返工...
返到去公司，又要扮晒精神奕奕咁對住D客：『Welcome To 5CM～』
笑臉迎人對住班臭嘴臉...
有時我都真係會覺得，自己係唔係有精神分裂？
為左生存，不斷做自己唔想做既事...
面對住自己唔想面對既人...
仲要烚熟狗頭咁對住佢地，任佢地指指點點...
究竟我地為左生存，可以去到幾盡？
「好～收工～」阿儀已經拎齊晒自己野。
『嗯...你Whatsapp問下迦迦去到邊。』我都整理一下疲憊不堪既身軀...
「迦迦？呀！係喎！差D唔記得迦迦約左我地今晚出黎食飯添～」阿儀好似恍然大悟咁既樣...
『喂！你真係可以唔記得架喎...』我冷眼望一望阿儀...
差咩D姐？明明就係已經忘記得一乾二淨！
「嘻嘻...我不嬲都無記性架啦～你知架～不過唔怕啦～有你提我丫嘛～」阿儀伸一伸脷之後，拎起部電話，撳撳撳撳...
『我唔可以喺你身邊，照顧你一世架...你都係快D搵返個人照顧你啦...』我就扶住阿儀行出舖頭...
呢個阿儀，每次撳親電話都唔識得睇路...
總係盲盅盅咁四圍撞...
好鬼弱架真係…
「迦迦話已經入左去，坐定定，仲開埋茶添喇～搵？搵咩丫？你估話搵就搵咩～呢個世界上，邊有咁多好男人俾我搵丫～」阿儀收返埋部電話之後，擰一擰頭。
『超～係你自己要求過高姐～』我又冷眼望一望阿儀...
「咩高姐？我只係想搵個對我溫柔既體貼既專一既錫我既聽晒我話既咋嘛～」阿儀一輪嘴喺道數...
『咁都叫唔高要求丫？』真係同奴工處嗰D八千蚊請神人一鳩樣～
「好高咩？我都未講埋要靚仔得黎要型型地啦～型型地得黎要有D Man Man地啦～Man Man地得黎唔可以太過佬啦～高大得黎唔可以一舊二舊咁啦～文靜得黎又要識搞下笑啦...」我無再等阿儀講落去...
『世上邊有咁既男仔架？！』我就截停左阿儀既FF！
有都唔輪到你啦下話～
「咩無丫？冬甩咪係一個咁既男仔囉～佢筆下寫出好多好多呢種男主角架！」阿儀托一托副眼鏡，谷一谷起塊面豬登...
『你都識講啦...喺佢筆下呀嘛…唔係佢本人呀嘛…』睇黎阿儀係唔識得分咩野係現實，咩野係FF...
「咁如果佢唔係一個咁樣既人，又點會寫得出咁樣既角色呢？」阿儀一對堅定既眼神啤住我...
『FF出黎架咋…你唔好咁...傻啦...』我真係唔知話阿儀係傻定係蠢好...
「咁FF都要有藍本架嘛～」阿儀仲係唔服氣...
『咁藍本都可以係喺自己身上無既野FF出黎架嘛～唔通男作家寫女角既時候，要自宮左先寫得出咩？』咁D作家個個都係變性人啦～
「我唔准你咁話冬甩！」阿儀又谷起塊面豬登，扮晒嬲嬲豬...
『唉...好喇好喇好喇...唔講喇唔講喇...我地都係行快幾步，唔好要迦迦等太耐喇...』再同呢D死忠糾纏落去都係無意思...
「好丫好丫～～～好想快D見到迦迦丫～」阿儀就急急腳咁衝住行...
『喂喂…等…等埋！』
講真一句，我就真係唔信呢個世界上有咁完美既男仔～
就算真係有，又幾時會輪到你？
就正如D高登仔嫌D港女點點點貪錢～又點點點公廁～
有得你揀，你就係老闆啦～
到有窿喺你面前，你咪又係狗衝左先算～
狗公呀嘛，緊係狗衝架啦～
到中出完咯，咪又聖人上身～
一句“對唔住，我唔係想咁架...”著返條褲，起身鬆人～
呢D賽後包膠Post真係睇得唔少～
所以話港女Cheap既話，港男又好得幾多？
「喂～黎左喇～～～」一入到酒樓，就見到高貴大方，清純脫俗既迦迦向我地揮揮手。
「對唔住丫迦迦～我地黎遲左丫～都係佢囉～行得鬼咁慢～」阿儀第一時間翹住迦迦手臂，指一指我...
『我？！』仲好意思話我架喎...你自己仲要唔記得迦迦約左我地添啦！
「唔緊要啦～我已經點好菜架喇～好快就有得食～」迦迦真係好溫柔～
講真嗰句，由中學生涯到而家，迦迦有齊晒高登仔所FF出黎既要求～
絕對係眾人既女神～
中學既時期，都真係有幾多人追迦迦～
其實我都有段時間幾迷戀迦迦...
不過就係唔知點解...我又無真係去追過迦迦...
應該話完全無非分之想...
唔知點解呢～迦迦總係俾我有一種...有一種只可以欣賞既感覺...
係囉～欣賞佢既美，唔等於要佔有佢既美～
而奇怪既係，雖然話迦迦有好傾慕者，但就係唔聽見...唔聽見佢喺中學生涯中有拖拍...
係咯…好似真係唔聽講過佢喺中學生涯時有男朋友喎...
「係呢～近排點丫你～搵到工未丫？」阿儀斟過茶後，開始問起迦迦。
「嗯～搵到喇～喺返之前實習嗰間學校做囉～」迦迦帶住微笑點點頭。
「係丫？咁咪好囉～你一直都話好想做教師，而家恨到啦～」阿儀向迦迦打左個眼色。
「嗯～都真係幾開心架～實習既時候都好想去返呢間學校做～咁岩...又真係有空缺...」迦迦諗左一諗...
「咁咪好囉～得賞所願～」阿儀點一點頭。
「嗯...丫！係丫～我...我下年結婚喇...」迦迦突然講出驚人既消息！
迦迦…原來迦迦...要結婚喇？
「真係架？恭喜你丫～」阿儀急不可耐咁捉住迦迦對手...
估唔到...迦迦會咁早就結婚...
迦迦同我地同年，同樣都係二十三歲，只係大過我地幾個月...咁快就決定要結婚？
『恭喜晒你...又會咁快諗住結婚既？』會唔會係因為...
「多謝多謝...多謝你地～唔...其實都唔快喇...」迦迦諗左一諗...
「唔快啦～」阿儀搶住黎幫迦迦回答，「Chris由中學就暗戀迦迦～仲要為左迦迦留左自己三年班，目的係想同迦迦一齊上大學～繼續喺迦迦身邊～你地都拍左...四年拖？」
「嗯...拍左四年喇...所以就打算...第五年既時候結婚...」迦迦好似心事重重咁...
又真係奇怪...以前既迦迦，一講到愛情，總係敢愛敢恨...
絕對唔會好似而家咁...吞吞吐吐咁...
唔通真係…奉子成婚？
唔會既～
如果係奉子成婚，又點會等到下年先結？
唔通想等到生左出黎先結咩？
咁又唔係無可能架喎...
生左出黎先結既話，咁又唔駛怕見肚～
又可以有多D時間修返靚個身～
不過講返轉頭，我又唔覺得Chris會咁唔小心喎～
老實講，以Chris呢種絕世好男人，仲要咁錫迦迦，每次扑野都一定會戴套架啦～
分分鐘仲會戴住套都抽返出黎先射～
你唔好話丫，Chris呢個師兄真係好愛迦迦架～
講返起上黎…就要由迦迦第一日上中學講起...
我地第一日返中學既時候，個個男仔都被迦迦既可愛美麗高貴優雅既氣息所吸引！
中一時既迦迦就已經成個雅典娜咁既樣～
而事實上唔單止我地D中一仔，就連D師兄都成日會喺小息或者Lunch既時候，專登走落黎，?下迦迦～
迦迦真係我地既女神～
而當中，Chris師兄可以話係最虔誠既兵...聖鬥士...信徒～
Chris一直都喺迦迦身邊，好照顧佢，好愛護佢～
小息又買定迦迦最鍾意食既魚蛋俾佢～
又幫迦迦開汽水蓋～
放左學又陪住迦迦整壁報～
只要迦迦有乜野需要，Chris都會第一時間出現喺迦迦面前！
唔止咁...我仲好記得中二嗰年既校運會...迦迦跑四百米，跑到最後一百米既時候仆親...
Chris第一時間就由台上飛跳落去抱起迦迦，衝埋過終點！
嗰一刻，真係全場尖叫加掌聲～
講真嗰句，咁既兵...男仔喺女神身邊，仲邊有得輸丫？
你都唔敢將自己同Chris比啦～
雖然成間學校既男仔都好鍾意迦迦～有好多男仔追迦迦～但每個都係本住必死既心去轟轟烈烈死一次～俾自己死左條心～
事實上，我地一直都期待住Chris同迦迦喺埋一齊...應該話大家都覺得佢地會喺埋一齊～
只係時間問題～只係差公開一句“我地拍拖了”～
但又好奇怪...成個中學生涯都唔聽見佢地話一齊...
就算係Chris每年自我留班，合共留足三年，終於可以同到迦迦一班，一齊讀書，都唔聽見佢地話成為情侶喎...
直至到上左大學，Chris跟住迦迦上同一間大學，讀同一科，佢地先開始拍拖...
呢D算唔算得上係有情人守得雲開終成眷屬呢？
我都唔知...
愛情呢家野...我都好困惑...我都好迷茫...
不過講到尾...奉子成婚就無可能架喇～
點解我會知？
因為迦迦係一個虔誠既基督徒～
虔誠既基督徒係唔容許婚前性行為架嘛～
「到時我要搵你做伴娘架～」迦迦捉一捉住阿儀隻手。
「嗯嗯～好丫好丫～」阿儀好開心咁點點頭。
阿儀做伴娘？
都好既～
一個無乜女人味既女人做伴娘，就唔會搶走新娘既風頭啦～
不過迦迦咁靚女，都唔駛怕呢樣野啦～
「係呢～近排你地點丫？」迦迦關一關心下我地兩個。
「我就無乜點喇～佢就大件事D～」阿儀拍一拍我膊頭...
「係？Timothy～你有乜野大件事丫～」迦迦打量我一眼...
『我...我...我女朋友嬲左我...』講真...一直以黎...我都覺得迦迦好似一個姐姐咁...
只係大幾個月姐...點解會咁有姐姐Feel架呢？
「鬧交好平常姐...兩個人相處...唔鬧交先有問題丫...」迦迦點一點頭...
『唔...不過佢而家玩失蹤...想鬧都無得鬧...』我都想聽下珮琳把聲...
「係？咁你唔去搵下佢？」迦迦飲一啖茶，再打量一下我...
『我有Whatsapp佢架...不過佢已讀不回囉...』我真係好憎雙藍剔呢個設計！
「雙藍剔嘛？其實雙藍剔已經叫做好...雙灰剔先夠灰...」迦迦對眼有D遊離...
雙灰剔？
「咁你無上去佢屋企搵佢咩？」迦迦再打量一下我...
『無…佢唔鍾意我貿貿然上佢道搵佢...特別係鬧交...佢都話要D空間靜下...每次我都係等佢靜完之後先打俾佢或者Whatsapp佢，同佢Say Sorry…每次佢都會願諒我...但今次...四個月喇...過左差唔多四個月都唔理我...』珮琳就係咁架喇...
「唔...咁佢D朋友呢？你可以搵下佢地幫你架～」迦迦對我點一點頭。
『我唔識佢D朋友...佢無帶過我去見佢D朋友...』我只聽過下佢講好似有兩個好姊妹...
不過就連叫咩名，我都唔知...
「係丫…原來係咁...」迦迦諗左一諗...
「唉呀～」阿儀加把嘴，「我都叫左佢睇下冬甩既專頁架啦～」
又係嗰個冬甩...
「冬甩？」迦迦好似好有興趣咁。
『嗯...係作家黎既～阿儀好迷佢架～成日都當冬甩講既野係真理咁～』係阿儀咁單純先會咁信架姐～
「咩喎咩喎～冬甩佢講D野真係好岩架！」阿儀叉住條纖腰，谷起塊面豬登...
『吹水野就吹水野啦～』
「我唔准你咁話冬甩呀！」
『唔吹水點做作家呀？』
「我唔准你咁話冬甩呀！」
『係喇係喇～食野喇～食冬甩啦～』
「我唔准你食冬甩呀！」
「係喇係喇～大家都食左野先再傾啦～」