《情困之時，我遇上了自稱情性的情聖》: [Case 02－痴情女子] PART 13
我一個人，萬無目的咁喺西九龍海濱長廊上行下行...
自上次同Chris瞓埋同一張床...都有一個月喇...
呢一個月黎，我都無再刻意OT...
應該話，我好準時咁放工離開公司。
甚至喺公司，我都盡可能少D同Chris接觸。
無錯，我係有心唔同Chris一齊食Lunch...
我係有心唔同Chris一齊入茶水間...
我係有心唔同Chris一齊放工...
我係有心唔駛Chris送我返屋企...
我係有心避開Chris...
點解我要咁樣做？
或者...或者珮琳同Stella都講得岩啦...
「下？！你地咁都無野發生到？！」坐喺珮琳張床上面，珮琳聽完有關我同Chris共度良宵，卻並沒有發生任何關係而一面驚訝。
『嗯嗯...無丫...』乜事都無發生過丫...
「下？！就連攬攬錫錫都無丫？！」Stella又一面驚訝咁問。
『無意識咁握住我個胸同我主動錫落佢道算唔算？』夾硬話有，都可以話有既...
Stella眉頭一皺，擰擰頭：「嗰D就緊係唔算啦！我意思係佢主動搞你呀！」
『無喎…』一點點主動都無呢...
珮琳焦急咁追問：「佢一睜大眼見到瞓左喺你隔離有乜反應丫？」
『佢第一時間望一望我全身...再睇一睇自己下身...囉...』頭先咪講左囉...又要我再講多次...
Stella又焦急咁追問：「你嗰陣時仲有著住衫架嘛？」
『嗯...只係疊起晒又移晒位咁...Bra同底底都露晒出黎...』頭先咪講左囉...又要我再講多次...
珮琳又焦急咁追問：「佢見到你咁都無反應丫？」
『無丫…佢第一時間就問我地尋晚有無搞到...我咪同佢講無囉...』頭先咪講左囉...又要我再講多次...
Stella又焦急咁追問：「之後呢？之後佢無色色迷咁同你講“不如而家就搞搞咯”咁咩？」
『無丫…之後佢立即跳落床，仲不斷咁同我講對唔住囉...』頭先咪講左囉...又要我再講多次...
珮琳又焦急咁追問：「之後呢？之後你地點丫？」
『之後...我咪話唔緊要囉...我地都無做過D乜...之後佢就話咁佢都係唔打擾我，返去先喎...』頭先咪講左囉...又要我再講多次！
Stella又焦急咁追問：「咁你無留住佢咩？」
『無丫…點留喎...』唔通同Chris講，話我想同佢咩咩？
珮琳同Stella對望一下，再擰一擰頭：「你都係止水啦...」
『下？』止咩水丫...
「唉～」珮琳長嘆一口，「你都衣衫襤褸咁瞓左喺床上，佢都話要返去先...你唔止水既話仲可以點？」
『下...情況真係咁差咩？』會唔會誇張左D丫...
「唉～」Stella又長嘆一口，「何止差？直頭係惡劣添啦...你要知道，個個男人都好似方力申咁咋～」
『方力申佢點丫？』做乜無啦啦講起方力申？
「咪就係食左先講囉～」珮琳擰一擰頭。
Stella接住講：「係咯～食左先講嘛～男人對住個女人，如果唔係話個女人差得太緊要，佢都總會想食左先算～」
珮琳接住講：「有食唔食，罪大惡極～男人都係咁架喇～最多食完真係無Feel，咪放下一句“對唔住，我唔係有心架...”當無事發生過囉～」
Stella又接住講：「但如果話孤男寡女你仲要衣衫襤褸咁瞓左喺床上，佢都無反應既話...」
珮琳接住講：「睇黎佢真係對你無意思喇...」
『真係咁咩？會唔會係...』我都未將要講既野講完...
「算啦～」珮琳捉一捉住我隻手，「唔好再俾藉口自己喇...」
『但係...』我都未將要講既野講完...
「乖啦～」Stella捉一捉住我隻手，「女人既青春好寶貴架...」
『之但係...』我都未將要講既野講完...
珮琳同Stella異口同聲咁講：「唔好再將自己既青春，浪費喺一個唔愛你既男人身上喇...好姊妹～」
唔好再浪費喺一個唔愛你既男人身上...
或者...兩位姊妹講得岩...
女人既青春好寶貴...
女人既青春好有限...
一個女人...過左二十五歲都仲未搵到一個穩定既男朋友，咁就好危險...
因為女人一過二十五，外貌都開始變老...
身體機能都開始變老...
唔知點解，身形都好易走樣...
唔好好Keep住既話，就好易變肥...
過多幾年，到人老珠黃既時候，想搵個人要都難...
好現實嘛？
就係咁現實...
而更現實既係，今日正正就係我二十五歲既生日...
二十五歲喇...我既珍貴青春開始流逝...
如果仲企喺原位，偷偷咁暗戀住一個唔愛你既人...
我真係會變成一個老孤婆呢...
我唔想...我亦都唔可以...
我唔係一個堅強既女人...我唔係一個可以獨自生活既女人...
我都想有個依靠...我都想有人錫...
就好似珮琳有Timothy黐身，Stella有曉揚既照顧...
我都好想...我都好想好似佢地咁...
有一個我愛佢...佢又愛我既男人黐我身...照顧我...疼錫我...
所以，我已經決定左...為左我既將來...我唔可以再浪費時間...我唔可以再等...我唔可以再FF喇...
我要離開...
離開Chris...離開唔愛我既Chris...
爭取時間...利用僅餘既青春，喺茫茫人海中，尋覓一個愛我又會珍惜我既好男人！
一個人喺西九龍海濱長廊上行下行...
唔會有電話來電打擾...
因為我已經將電話開啟飛航模式...
生日之時失蹤下，自己一個人靜下，睇下呢一個世界，唔錯丫...
幾對年輕父母帶住D仔囡跑下跳下～
幾對小戀人坐喺草地上攬攬錫錫～
幾對公公婆婆漫步人生～
一對新人帶埋一班兄弟姊妹黎影結婚相～
結婚相呢...
究竟幸福既感覺係點樣架呢？
究竟我又有無可能感受得到呢...
繼續沿住海濱長廊一直行...孤單咁一直行...
行到去幾張木凳附近，我見到有一對年輕男女坐左喺道。
呢對男女一直吸引住我既視線...
女既帶上冷帽，坐喺輪椅上，帶住幸福既笑容挨喺男既膊頭上。
而個男既亦都一面安慰咁攬住女既膊頭。
兩人對向夕陽，欣賞住夕陽無限好既良辰美景。
見到佢地兩個如此陶醉，我忍唔住拎出手機，打開相機App...
“咔嚓”一聲，將一對溫馨幸福既戀人攝落黎...
我拎住部電話，細步細步咁行到一對戀人身邊：『唔好意思，打擾你地一下...頭先我見到你地咁溫馨咁...所以忍唔住就影左落黎～』
女既一望到張相之後，帶住燦爛既笑容：「好靚丫～真係好靚呢～」
喺近距離望清楚一D...
個女仔...面色蒼白...說一句話都要花上大量氣力...
男既笑裏帶著點點哀愁：「嗯～真係好靚呢～」
女既再吸一吸口氣：「小姐...可唔可以Send呢張相...俾我地呢？」
『當然可以啦～』我連忙點頭。
「嗯～用我部電話～」男既隨即拎出電話。
經過AirDrop好快咁過再張相之後...
「多謝你呢小姐～你為我地兩公婆留下最美既倩影呢～」男既仍然笑裏帶著點點哀愁...
『唔...唔駛客氣～』望住呢個男人...深心總有一份傷痛...
「老婆～等等返去既時候，我將呢張相曬出黎～放喺我地床頭道好唔好丫？」男既摸一摸女既蒼白小手...
「嗯～好丫～」女既仍然帶住燦爛既笑容...
「呀！老婆你夠鐘食藥喇...無水添...ER...小姐...你介唔介意幫我睇一睇住我老婆...我去買支水好快返黎...」男既一面緊張又尷尬咁問一問我。
『嗯～無問題～放心交你老婆俾我喇～』我輕鬆回答，等人地個老公唔好咁緊張。
「嗯～有勞有勞～老婆～你等等我～我好快返黎～」男既錫一錫女既面頰後，跑住去買水。
「小心D丫～」女既用盡氣力，但都仲係好細聲。
睇住男既身影越黎越遠...
『你地...結左婚架喇？睇你地都好後生喎～』就咁睇...男既最多都係廿六、七…女既大約都係廿二、三…
「嗯...」女既摸一摸無名指上既戒指，「呢個傻佬...銀包都無拎～點買水呢～」
『竟然係咁？』呢個老公，又會唔會粗心大意左少少呢？
「佢個傻佬～一直都話要好好照顧我～所以一知道我有病之後，立即要同我結婚～但佢就係咁粗心大意...你叫我點放心呢～」女既拎起左個男裝銀包，笑裏帶著點點哀愁...
『你...係咩病？』我知我咁問有D唐突...
但好奇心之下，我又忍唔住要問出口...
「白血病...」女既向我展露燦爛既笑容。
白血...血癌？！
「醫生話已經係去到最後...我時間無多…個傻佬話要一直照顧住我...陪伴住我...帶我去想去既地方～但係佢咁粗心大意...你叫我...點放心呢...」女既望住遠處...望向男既方向...
已經...時間無多…
已經黎到生命既最後...
『雖然你老公係有D粗心大意～但係...佢都好努力去照顧你～好盡責去滿足你～一直陪伴你～遵守對你既諾言～我相信，佢一定可以好好照顧自己！』我明白，佢擔心D乜野...
佢係擔心當佢走左之後，佢老公唔識得照顧自己...
人要離開呢個塵世，無乜野放唔低...
反而係會擔心身邊既人...
擔心自己離開之後，身邊既人可唔可以好好過...
無左我喺你身邊...你要過得更好...
「嗯～你講得岩～佢一定可以好好照顧自己～多謝你呢～」女既向我展露燦爛既笑容。
『唔...唔駛客氣～』我摸一摸一對冰冷既小手...
「嗄...嗄...老婆～水丫～嗄...嗄...」男既好快咁拎住支水跑到返黎。
「慢慢唔駛急嘛～跑到成身大汗～仲有你都無帶銀包～點買到支水返黎架？偷返黎架？」女既幫佢老公抹抹汗。
「唔係唔係～咁岩遇到一對好心地既情侶幫我俾錢～真係好彩～哈哈～」男既幫佢老婆拎D藥出黎。
「以後要小心D～唔好咁粗心大意喇知嘛？」女既摸一摸佢老公塊面。
「嗯嗯～知道喇老婆大人～」男既亦都摸一摸佢老婆塊面。
『咁我唔阻你地浪漫喇～拜拜喇～』我向一對恩愛既夫妻揮揮手～
「多謝晒你張靚相～拜拜喇～」兩公婆帶住甜蜜溫馨既笑容同我揮揮手～
我諗...我有D野一定要做...
時間無多…
人既生命真係好脆弱...
我地永遠都唔知道，終結既一刻幾時會來...
所以...我地應該要喺有限既時間，做自己想做既事！
縱使個結局未必係美完...亦唔可以俾自己有後悔既機會！
我拎出手機，關閉飛航模式，正要打俾Chris向佢表白之時...
*噹*
六十幾個Whatsapp？！
打開一望...先唔好理嗰D群組...
我見到Chris既Messages都有四十幾個...
再打開Chris既黎睇...
“Chris:Carol？打俾你唔通既？”
“Chris:你喺邊呢？”
“Chris:我想搵你...”
“Chris:如果你見到我既Messages 打俾我...”
好多好多個Messages...
最早既係早上十一點...最後一個係...岩岩十五分鐘之前既事？！
Chris搵得我咁急，做咩呢？
先唔好諗咁多…打返俾Chris先！
電話接通唔夠兩秒...
「Carol？你喺邊丫？」Chris焦急咁問...
『我...我出左去行下...』點解Chris好似仲急過我咁架呢？
「你出左去邊？我而家黎搵你！」Chris比起之前就更焦急...
『我？我喺西九龍海濱長廊...』我一頭霧水咁...
「你唔好行開！我而家立即過黎！等我！」
「哦...哦...」
收左線之後，我真係傻下傻下咁企左喺道等...
望住個夕陽...呆下呆下...
點解好似...奇奇怪怪咁既？
大約呆左半個鐘之後...我見到有架紅色既Mini Cooper駛近...
係Chris…半個鐘就過到黎？！會唔會快左D丫？！
“依”一聲響...
「Carol～」Chris一泊停架車，就急住跑到我身邊。
我仲見到Chris手中仲拎住盒野...
『Chris？你搵得我咁急...有咩事？』我困惑咁望住Chris。
「我知你今日生日～」Chris一邊折開個盒，「所以我親手造左個蛋糕送俾你～」
望住Chris折開個盒...望住裏面一個黑森林蛋糕...
我眼前既影像...越黎越模糊...
淚水...淚水要湧出...
Chris…點解你...點解你要對我...
「做咩喊丫？生日唔可以喊架～」Chris將個蛋糕放喺車頭後...
我攬住左Chris！
「Carol…」我唔等Chris講落去...
要狠...愛就要狠一次！
『Chris…其實我...其實我鍾意左你好耐...你既溫柔...你既體貼...令我無法自拔咁愛上你...我...我真係好愛你...』我唔理結果會係點，我都要狠狠咁將我既心意表達俾Chris知！
就算係Sad End都好！最緊要係唔好令自己後悔！
過左一陣...只係一陣間...我感覺到Chris攬住我...越攬越緊...緊緊咁緊抱著我...
「其實...我都鍾意左你...係不知不覺間...我已經愛上左你...上次喺你張床上...我唔肯定你對我係點...所以...我唔敢奢望有乜野會發生...亦好怕你會討厭我...誤以為我係一個偽君子...我以為...你要避開我...就係因為你怕我會想侵犯你...但而家...我想講既係...我真係好愛你...可以讓我做你男朋友嘛？Carol...」Chris包實左我...
我全個人...包括靈魂...都俾Chris緊緊包圍...
『嗯...我愛你...男朋友～』我錫一錫Chris...
Chris亦攬實我...擁吻起黎...
原來...幸福並唔掛喺天空...幸福並唔係遙不可及...
幸福係可以咁簡單...
只要唔好俾自己後悔，狠狠地愛一次，幸福就在面前！
狠狠地愛一次，你就可以同你所愛既人開始了...
我同Chris...開始了。
「我地上車食蛋糕先咯～女朋友～」
『嗯～男朋友～』
Case 02 ｜ Close File