《情困之時，我遇上了自稱情性的情聖》: [Case 02－痴情女子] PART 12

又故意連續幾日O自己T，又故意等埋Chris先一齊走～

呢種生活方式，慢慢變成一個習慣～

Chris好習慣咁一出房門就行到埋我個位道：「行得未丫？」

我亦都好習慣咁回答：『行得～』

好習慣同Chris一齊等?～



好習慣同Chris一齊行去停車場～

好習慣行去Chris個車位～

好習慣坐上架紅色既Mini Cooper～

好習慣咁望一望個平安符～

Chris一直都用梗我送俾佢既平安符～



並無換返舊嗰個上去～

其實，打從我故意將舊既平安符放到落Chris手中之時，我已經盤算梗，佢會唔會偷偷將舊嗰個換返上去呢？

老實講，如果Chris真係將舊嗰個換返上去既話，我真係會心都碎了...

心碎唔係因為Chris枉費我一番心思...

心碎既係Chris竟然會仲對背棄佢既女人念念不忘...



容我理性咁講一句，一個男人對背棄佢既女人仲念念不忘既話，呢種唔係長情...唔係專一…唔係死心塌地既好男人...

呢D叫做蠢！

人地都唔愛你喇，你仲要為佢企喺原地等？

一直望住佢既背影等？

等咩呀等？等心死呀？

由佢決定離你而去之時，你就應該心死啦！

一個女人講得出唔愛你，做得出頭也不回轉身走左去，就等於狠狠咁喺你胸口插一刀！

無架喇！死左架喇！



你就別再妄想可以等到佢返你同你講：「別喜歡她！你跟我以後抱著回家～」

最多只會送你一句：「很感激...喜歡我十年仍不休...」

醒下啦～麥浚龍～

「你肚餓嘛？」Chris扣上安全帶。

『嗯～都有D丫～』我都扣一扣上安全帶。

「不如食埋野先返去咯～好嘛？」Chris帶住微笑問。

我先係呆一呆，然後急不可待咁點住頭：『嗯嗯～好丫～』



無諗過...Chris會提出同我去食野...

咁講法...我同Chris之間既關係...算唔算有進展呢？

全段車程，我都Keep住自High Mode咁，帶住甜絲絲既笑意，面紅紅咁偷望Chris～

直至黎到目的地...

『三聖？』Chris轉左入黎三聖，搵個位泊低架車。

「嗯～要你呢個女仔跟我黎食大排檔，會唔會唔係咁方便？」Chris搵到個位，將架車停落黎。

『我OK架～久唔久都會同D姊妹黎食既～』由中學到而家，間唔時都會同珮琳仲有Stella過黎食下小菜既～

某D節日，我地仲會去買D海鮮過黎添～



三個少女，落手落腳食海鮮既情況，真係十足十傻大姐咁架～

不過又講返轉頭，我又估唔到Chris會識得黎呢道食野喎～

「有D乜唔食得架你？」同Chris坐低之後，佢就拎起疊Menu黎睇。

『我咩都食得架～』唔怕肥既話～

「真係？咁我發板架喇～」Chris望左我一眼。

『嗯～你話事啦～』我聽晒你話架喇～

「咁好喇～唔該～」Chris就叫左個伙記過黎。



而個肥佬伙記一行到埋黎，就?左我幾眼...

係喎…都唔留意到自己今日著件粉藍色薄紗連身短裙返工...

胸前一塊白色Lace，被牛角風扇吹到飄下飄下...

乳溝都要跑出來了！

我急忙用手掩一掩住，但可別忘記，仲有下面！

肥佬伙記一見到我掩住上胸，立即將目光放到我一對雪白既大腿上...

同樣被牛角風扇吹到飄下飄下既白色Lace裙邊更能喚醒男人既獸性！

飄下飄下...飄下飄下...底底邊就快要走出黎！

我左手掩住上胸，右手急忙掩住條裙...盡量保護一下自己...

「有無黃金蝦丫？」Chris繼續點菜...

我就橫視一下四周...

原來坐喺四周既男人，不論高矮肥瘦老中青，個個既目光都投射左喺我身上...

男人喔...二十四小時都係咁鹹濕架！

「唔該晒～」Chris點完菜之後，好似留意到我有D唔自然...

Chris將件外套放到上我大腿上。

『唔...唔該…』我被Chris體貼既舉動嚇左一嚇...

「應該係我唔好意思...帶你黎呢D地方食野...」Chris面上有D尷尬之情。

『唔～唔～』我擰一擰頭，『其實都無乜問題既～』

「但係...」我無等Chris講落去...

『真係OK架～叫唔叫D酒飲下？』轉移一下視線，等Chris唔駛咁難堪～

「飲酒？」Chris疑惑咁望住我。

『嗯～我同D姊妹黎食野，都會嗌支藍妹飲下架～』而且珮琳每次都會飲到大醉～仲會發酒瘋咁大吵大鬧～

次次都搞到我同Stella要送佢返屋企！仲要幫佢換衫！

有次Stella話除晒佢D衫，Dom佢落床算～

結果第二日，珮琳勁驚咁打俾我地，問尋晚係唔係俾人施暴～

笑鬼死我地～

「嗯...飲少少都好...」Chris點一點頭。

『嗯～靚女～俾支藍妹黎丫唔該～』我立即揮晒手咁換召賣酒靚女～

「一支藍妹～」靚女放低啤酒後，我就幫Chris斟一斟～

Chris望住杯黃色既啤酒，諗左諗...再諗左諗...眼定定咁望到實一實...

究竟Chris諗梗D乜呢？

有人曾經講過，男人總愛望住D黃色物體思考...

特別係D通透既液體...

至於佢地思考D乜？咁嗰個人就無講...

只係...好多時都係一D...有關過去既事...

一D...回憶...

回憶返起...過去既回憶...

Chris拎起酒杯，放到嘴邊，蜻蜓點水咁沾一沾…

成個人就好似定左格一樣...

可惜Chris既靈魂所停留既...應該唔係而家呢一刻...

靈魂所停留之處...應該係更遠...更久遠之時...

“叮”一聲響，我將手上既酒杯，敲到Chris酒杯上。

『飲杯～』我大口大口把酒杯裏既啤酒全數灌到嘴裏～灌到身體裏～

「嗯...飲杯～」Chris見到我咁豪氣，亦都跟住我咁樣，一口飲晒成杯酒～

無錯喇！要一啖飲晒佢！

『再黎！』我再幫Chris斟一斟酒。

唔好俾佢停！

喺餸菜未黎到之前，都唔好俾佢停！

「飲杯…」同Chris邊食邊飲...

『靚女～再黎多半打～』不知不覺已飲左成打啤酒...

Chris飲到有D面紅紅...飲到而家，都只係面紅紅咋？

估唔到Chris都幾飲得～

你唔好以為一打啤酒兩份飲，飲得幾多？

事實上，呢一打啤酒，有大半打都係Chris飲晒～

無錯丫～我係刻意隊佢架～

就好似平時隊珮琳咁隊Chris～

我好似好衰咁呢？

其實我又唔係真係咁衰既～

當一個人唔開心既時候，總會想飲下酒～

但又怕好易醉，唔敢飲咁多…

因為越係唔開心，越容易醉丫嘛～

而唔開心想飲酒既原因，就係想可以舒發晒內心既傷心之情～

但又因為怕醉左易失控，又唔夠膽飲...

好矛盾呢？

係丫～人就係咁矛盾架啦～

就好似珮琳咁～佢就係矛盾之中既佼佼者～

而而家面前既Chris...亦都係一樣...

“叮”一聲響...

『飲杯～』我故意將手上既酒杯敲到Chris酒杯上。

再扮晒飲梗咁既樣偷望Chris...

「飲杯…」Chris面紅紅咁一口飲晒成杯啤酒，「嗄...點解呢...點解會咁呢...」

飲過第十支啤酒既Chris，開始口噏噏咁既樣...

睇黎...好似...終於黎料喇喎～

「點解...點解...點解要咁...」但係Chris口中仲係一路噏住點解點解...

『黎～再飲杯～』我再敲一敲Chris酒杯...

Chris一啖飲晒杯酒後：「嗄...嗄...點解你要走呢...」

點解你要走？

Chris所指既係...

『你係指...你個未婚妻？』我大膽D，探一下口風...

「未婚妻？哈...未婚妻...」Chris冷冷一笑，擰一擰頭。

睇黎埋藏喺Chris內心深處既感受，快要湧出黎...

「佢...佢...我由中學就識佢到而家...拍左拖都有五年...五年喇...五年黎我就係一直都唔知...唔知...乜都唔知...」Chris又一啖飲晒成杯啤酒...

我一邊幫Chris斟酒，一邊喺道諗...

唔知？唔知D乜呢？

「我對佢唔好咩？我唔夠好咩？我有咩唔好？我...我...」Chris又一啖飲晒成杯啤酒...

『你好好～你好好～』我一邊幫Chris斟酒，一邊安撫佢...

「細個暗戀佢...我一直暗戀住佢...佢好靚...好靚...有好多人追...我呢？我...我一直都喺佢身邊...喺佢身邊...佢有乜唔開心...我都會喺佢身邊...」Chris又一啖飲晒成杯啤酒...

我又幫Chris斟一斟酒...

「到終於俾我等到...等到有機會同佢一齊...我都好盡力去做好男朋友既本份...我真係好盡力...好盡力...我真係好為你...一切都係為左你...」Chris痴痴迷迷咁點點頭...

Chris既好，我當然清楚...

對同事又好，對客都好...

Chris總係又親切，又體貼...身上總會散發住好男人既氣息...

我相信，佢對住深愛既人既時候，會更加親切...更加體貼...更加溫柔...更加無微不至...

「五年喇...我同你相處已經有五年時間喇...呢五年黎...我一直都...我一直都...」Chris又一啖飲晒成杯啤酒...

我又幫Chris斟一斟酒...

「我一直都有好好照顧你...我一直都好努力為做個好丈夫作好準備...我要令你生活過得好...我唔要你捱苦...我唔要...我唔要...我乜都唔要...」Chris擰一擰頭…

見到Chris呢個樣，我有D心痛...

「你鍾意D乜...你唔鍾意D乜...你需要D乜...你唔需要D乜...我都好清楚...我都好好記喺心裏...」Chris又一啖飲晒成杯啤酒...

我又幫Chris斟一斟酒...

「我好努力咁工作...我好努力咁進修...我好努力學好烹飪...就係因為知你唔鍾意對住油煙...唔緊要！真係唔緊要！乜都唔緊要...」Chris擰一擰頭…

我仲見到Chris眼濕濕咁...

「我乜都唔要...乜都唔緊要...我就只係想要你...我就只係想你好！我好愛你...你係知道我有幾咁愛你架...你係知道架...但點解...點解...」Chris拍一拍張檯...

Chris激動起黎...

我撫摸住Chris隻手，緩和一下Chris既情緒...

「點解你一句對唔住...一句感激多年黎既照顧...你就跟高...高...高...你就跟高...高...高...嗚...嗚...」Chris終於忍不住淚水...流下男兒淚...

我由手袋仔裏面拎出紙巾，幫Chris抹去面上既淚水...

可是Chris既淚水總係源源不絕咁由眼裏湧出...

睇黎…儲得太耐喇...

有人話過，人既眼淚一生就只有一公升...

我從來都唔認同...

因為我自己...都流過超過一公升既眼淚...

過往既情傷下，我無一次唔係喊到成隻豬頭咁～

珮琳同Stella都係咁話架～

珮琳話受過情傷多了...傷透了...喊夠了...心死了...成長了...成為有經歷的女人了，淚水不再流了～

呢個就係點解人既眼淚一生就只有一公升既原因。

當你流夠一公升既眼淚，你學懂了堅強。

但係唔知點解，我好似從來都未學懂堅強...

我總係想得到別人既保護...別人既愛護...

我經常會躲喺珮琳身後...躲喺Stella身後...

我更希望有一日，可以躲喺Chris既懷抱當中...

至於而家眼前哭成淚人既Chris...

我諗...佢堅強得太耐喇...

厚厚既堤壩擋住滾滾既淚水...

一旦缺堤，就真係一發不可收拾...

「嗚…嗚…迦迦…嗚…嗚…迦迦…嗚...嗚...嗚...」撫摸住Chris背脊，望住佢趴喺檯上喊...

我除左好難過之外，仲有就係措手不及...

點算呢...我可以點樣安撫Chris呢？

而更加不知所措既係...

『Chris…Chris？』Chris好似醉到瞓著左咁...

死喇...你叫我一個女仔...點樣抬Chris返去？

『嘩嘩嘩…Chris丫～你好重丫...可唔可以自己俾D力丫...』埋完張單後，我就一個女仔，抬住Chris喺路邊擺下擺下咁行...

「迦迦…唔唔...迦迦…」Chris就係識得胡言亂語咁...

救命丫～真係好重丫～我真係無力喇～

我將Chris扶到去一二邊抖抖…

『嗄…嗄...攰死人喇...嗄...嗄...』而且仲有D Wing Wing地...

死喇...我自己都飲多左...有D迷迷地添...

點算好呢...我仲要唔知Chris住邊添架...

『Chris～Chris～你住邊架？』我搖一搖仲係全身軟柔柔既Chris...

「天水...天水...」Chris醉到連個圍字都噏唔出...

『天水圍邊道丫？喂～喂～Chris～唔好瞓住丫～』我再搖多兩搖...

「天水圍喺香港...香港...」Chris完完全全進入無意識形態...

『我夠知喺香港啦～我係問你你住天水圍邊忽丫～』我又再搖多兩搖...

「天水...天...唔唔...」Chris就好似一個渴睡既小朋友咁...

『Chris…Chris…喂～喂～』唉...我被Chris激死喇...

不過...又唔可以怪Chris既...

係我自己衰...係我要隊Chris既...

係我無諗過，隊冧左Chris之後點收科姐...（仲要都唔係好清楚佢同前女友之間發生左乜事...）

係咯…點算好呢？

可以帶Chris去邊好呢？

去邊...好？

「今次要主動獻身！」

突然...我諗起Stella講過既呢句話...

主動...獻身？

去...我屋企...

而呢個...又真係一個...幾好既...機會...

「咁就緊係最好有D酒精催下情啦～」

我地仲飲過酒...

「無錯～無錯～男人掂過酒，就更加想掂女人～」

仲要飲得唔少…Chris都醉都不醒人事咁制...

呢個真係一個...主動獻身既...大好時機...

我再望一望搭住喺我身上...合埋左雙眼...口噏噏咁...成個小朋友咁既Chris...

「有時候，愛情就係要狠一點～」

有時候...愛情...就係要...狠一點...

唔...好喇！

『的士！』

扶住Chris坐上的士後，司機大佬都不時會偷偷瞄過黎我地後面幾眼...

仲會偷偷咁淫笑一笑…

我總係覺得...司機大佬好似已經喺我地身上，睇得到將會發生既影像...

係唔係我太多心？

當我扶住醉昏昏既Chris行入屋企樓下之時，個看更叔叔都係笑淫淫咁望住我地...

唔通...我個樣真係咁猴擒？

幾經辛苦，終於都開到道門，入到屋...

當我扶住Chris去到床邊之時...

『丫...丫...呀～』我俾Chris推倒落床上...

Chris成個身都壓實左我...

『好重丫...Chris丫～你...你好重丫...』我用力推一推Chris...

但瞓左喺床上既我...根本就推唔郁Chris...

Chris亦都好似無意識咁，一直壓住我...攬住我...

「唔唔...唔唔唔...」Chris個嘴仲要喺我耳邊噏下噏下...

又呼左幾啖氣...

『丫...好痕丫...Chris...』我俾Chris吹到有少少怕羞...

但Chris仲係無乜反應咁，只係識得“唔唔...唔唔唔...唔唔...”咁聲...

『Chris…Chris…』真係要咁做？

真係要…同Chris…

Chris再用力咁攬一攬住我...

我感覺到Chris個身好熱...呼出黎既空氣都好熱...

而且我仲聞到...Chris身上發出陣陣酒氣...

「唔唔...唔唔唔...Ca...唔...」Chris再用力攬一攬住我...

我胸前兩舊肉都被Chris壓扁左...

我感覺得到Chris既心跳...比起我既心跳...比較自然...

係我太緊張嘛？

除左心跳之外...我仲感覺得到...

我右邊大腿仲感覺得到...Chris好似...好似...好似有D硬...

我感覺到Chris下面有D硬...

呢種硬道...唔通已經...已經勃起左？

我唔係太肯定，只係覺得硬硬地...仲有D粗...

我大膽D伸隻手落去...隔住Chris條褲...摸一摸...

『嘩…』我不禁嘩左一聲...

呢種硬度...已經可以...可以進入我濕濕地既陰道裏面...

而且...

我輕輕手咁Chok左兩Chok....

而且仲越黎越硬…越黎越粗...

可以...我相信一定可以...

只要拎佢出黎...只要我除一除條底底...只要對好位...我都可以令佢進入我體內...

但...真係要咁做嘛？

每當我一諗到呢點，我都總係有份羞澀既感覺...

俾Chris既陰莖...俾Chris既陰莖插入...

「唔唔...唔...唔...」Chris再用力攬一攬住我...下身擺一擺動...

『啊…Chris...』Chris既陰莖就再粗多D...再硬多D...

我...我而家就好似...好似幫梗Chris...

「唔...Ca...唔...我...唔唔...」Chris再擺一擺動下身...

好似想要我再...要我再Chok多D...

我真係...

我雙手放到Chris既陰莖上...Chok一Chok...

我真係要...

再將雙手放到褲鏈上...

我真係要...同Chris...

『Chris…我...我愛...』我面紅紅咁錫一錫Chris個嘴後...

突然有道酒氣直沖上腦...

『好...好暈...喔...』

被Chris緊抱下，我都唔知自己瞓左幾耐...

我只係覺得...呢一覺...好舒服...好溫暖...

好有安全感...

我一直都缺少既...安全感...

呢一覺真係瞓得好冧...

好似瞓左好耐...好耐咁～

直到我自然醒來，望住眼前仲喺熟睡中既Chris...

陽光由窗簾之間透入...照射到Chris既背後...

Chris就好似識發光一樣...

我既男神喔～

而我既左邊乳房...感覺到...Chris隻手...壓左落黎...

Chris握住左我左邊胸...

呢種感覺...俾自己深愛既人，撫摸住...

『唔...』有D難為情...

而呢種難為情既感覺...令我更想...更想...親吻一下Chris...

我矇一矇起對眼...偷偷地...親一親吻Chris...

當我錫左落去Chris個嘴...過左一陣...

我感覺到Chris隻右手喺我乳房上用一用力...搓左一搓...

『嗯...』我...其實我最敏感既地方就係對乳房...

「唔...唔...」我感覺到Chris吸左兩啖氣...

右手再搓一搓我乳房後...

「唔！」Chris睜開雙眼！

Chris退一退開，望一望自己隻右手...

「對...對唔住丫！」Chris立即縮開佢隻右手！

Chris既表情顯得相當震驚...

過左兩三秒後，Chris再望一下我上半身...

事實上，我件粉藍薄紗連身短裙已經衣不蔽體咁...

上半身已經露出成個Bra...

下半身條裙扯到上條腰…白色既底底都露晒出黎...

Chris望到呢種情況，再望一下自己仲著住條褲：「我地無...無發生到...嘛？」

『無…我地咩都無...無發生過...』事實上，有無發生過，自己最清楚...

「嗯...太好喇...唔係...都係我唔岩...我唔應該同你瞓埋一齊...對唔住...我尋晚飲到咩都唔記得...對唔住...對唔住...」Chris落一落床，將張被包到我身上...

『唔...唔緊要...唔緊要...』唔知點解...我總有一點點...失落...

望住Chris一直向我道歉...我...真係好失落...

我同Chris...孤男寡女...乾柴烈火...仲要醉住咁瞓喺同一張床...竟然咩事都無發過...

咁既情況...則係...