《情困之時，我遇上了自稱情性的情聖》: [Case 14－我的米奇] PART 10
著住件白色既V領連身短裙加上白色平底涼鞋...企左喺公司間大廈既門口...諗下諗下...
諗下尋日喺羅海月屋企...佢所講既說話...
「我唔會應承幫你做事...我只係想...想得到一個...終結...」
終結…
羅海月口中所指既終結...係指D乜呢？
唔...
雖然話我同呢個羅海月只係見過一次面...
亦只係交流左大約半個鐘...
但佢呢個人俾我既感覺總係...總係好似...怪怪地咁...
羅海月既眼神...語氣...說話既內容...同佢身上所散發既氣息...都總係好怪奇...
就好似岳飛咁...
無錯喇...羅海月俾我既感覺就好似岳飛俾我既感覺一樣...都係咁深不可測...（我係唔係應該咁樣形容佢地兩個？）
而事實上...有時喺飛揚BB身上都會感受到呢種感覺...
總係有D唔同...有D特別...
佢地三個就好似...好似黎自火星一樣...
又話地球無幾多個火星人既？
我就已經遇到三個喇～～～
就喺我企喺道諗下諗下...呆下呆下之時...
「Emma～早晨呀～做乜咁早企左喺道？唔上去？」飛揚BB既呼喚就喺我耳邊出現～
『早呀～諗住等埋你先上去嘛～』我向飛揚BB笑一笑～好不自覺咁擺一擺動身體～
今日又可以同飛揚BB一齊工作～都係唔好諗～要好好享受快樂時光～
「Emma我地都係上去先...」飛揚BB都有D心急咁～
唔通飛揚BB都想快D同我單獨相處？
一入到升降機，飛揚BB就帶我到角落去～仲企左喺我面前～
我望住飛揚BB既背影...一直望住...一直望住...無理會過有幾多人入左𨋢...只係知好似有好多人入左𨋢...
雖然話飛揚BB唔係大隻～仲有D瘦～不過唔知點解...總係覺得好有安全感...
而且仲要一路靠近...一路貼近...
望住飛揚BB既背影慢慢貼近...越黎越有安全感...
呢隻安全既感覺...令我好想...令我好想好想...
我雙手攬住飛揚BB條腰...再將飛揚BB攬近埋我身...
我攬實左飛揚BB...
攬得好實...好實...
飛揚BB既身體好溫...令我可以好放心咁攬住...
我輕輕一聞...聞一聞飛揚BB既味道...
係飛揚BB既男人味～獨有既男人味～唔係太重～但就係好深刻...
我一定會好好記住飛揚BB既味道...同溫度...
升降機一直上...一路都有人出升降機...
飛揚BB行前兩步...
雖然我好唔捨得...但都鬆開返雙手...
唔可以做到咁出面...
喺仲有咁多未知既情況之下...唔可以咁出面...
雖然話嗰個Ashlynn已經喺我掌握之中...但而家出現多個羅海月...
飛揚BB既青鳥…我相信...應該就係羅海月...
『等我開門啦～』當行到去公司門前，我就喺手袋仔裏面拎出鎖匙～
我一跪低～插！條鎖匙入個窿道～
「係呢...點解你會有鎖匙既？」飛揚BB喺我身邊問一問～
『因為我尋日一早就叫隻肥豬拎條鎖匙俾我～』我扭左兩扭條鎖匙～
「Sorry呀！我唔記得左要交低條匙俾你...」飛揚BB有D唔係咁好意思既語氣～
『唔緊要～奴役下隻肥豬都好架～鬼叫佢成日都唔返工～』我企一企返起身～
咁耐以黎...就只有你一個工作...做到咁辛苦...搞到我心都痛埋...
「你有鎖匙做乜唔上黎先丫～」飛揚BB好奇咁問一問...
『因為我想等埋你...我好怕一個人...』我推一推開道門～
其實一個人就唔係話好怕既～
之前喺日本留學，無岳飛陪既話都成日自己一個架啦～
返到黎又自己一個人住～
但想等埋你就真既～
“啪 啪 啪 啪”開晒D燈之後，我就行返埋自己個位～放一放低個手袋仔～
『我尋日已經搞掂晒E-mail裏面既所有工作～而且都無再彈返轉頭啦～』我坐定定托住個頭對飛揚BB笑一笑～
「咁...咁快搞掂晒？！」飛揚BB好似好驚訝咁～
『OK啦～咁我地今日咪可以得閒D囉～』我就向飛揚BB打左個眼色～
得閒D～可以傾多D～又可以輕鬆D～
仲可以拉近D我同飛揚BB之間既距離添～
『係呢～尋日同你細妹去左邊道玩丫～』係喎～打探下飛揚BB同佢細妹既事都好喎～
「無...佢學校搞左個天...才藝表演...我去睇佢咋嘛…」飛揚BB諗下諗下～
『你細妹就幸福啦～有個咁錫佢既哥哥～』我伸一伸長對腳～
做你細妹真係好幸福～
「都唔係既...」飛揚BB又諗下諗下咁～
『係呢～有無你細妹D相睇下？』由飛揚BB既細妹著手...
「你可以去我Facebook睇下～」飛揚BB毫無戒心咁講一講...
『咁你Facebook係咩丫～』我又毫無陰謀咁問一問...
「[email protected]...」飛揚BB諗都唔諗就講左出口...
『Accept～Accept～』YEAH～我終於都可以名正言順咁Add飛揚BB喇～
飛揚BB真係丫～好鬼死單純架姐～
「哦...哦...你等等...」飛揚BB撳下撳下隻Mouse...
又喺個Keyboard上打下打下...
「Accept左...」飛揚BB眼定定咁望住個Mon...
好野好野～唔使再偷偷摸摸咁偷窺飛揚BB個Facebook～
而家我就可以光明正大咁監視飛揚BB既一切動向喇～（監視？）
「八萬…」飛揚BB好似口噏噏咁～
我就睇睇飛揚BB個Facebook先～
而我一睇...就睇有個Tag...係由...
『嘩～你細妹好靚女喎～仲要用你同佢既合照做頭像～睇黎你地既感情都好好～』我睇到係飛揚BB個細妹攬住佢條頸影既合照...
我驚訝當然就唔係因為飛揚BB個細妹靚女啦...
而係...竟然會用同哥哥影既合照做頭像...
就好似我都用左同最愛既飛揚BB合照做頭像...
「下？係咩？我可唔可以過黎睇睇？」飛揚BB企左起身，正準備行過黎我身邊～
『嗯嗯～過黎一齊睇～』我又要同飛揚BB親密D！
飛揚BB企到埋我身邊...望一望個Mon...
「呢張相尋日喺佢間學校影～估唔到佢會用黎做頭像～」飛揚BB望住相中既...細妹...
好用心...好似眼中就只有細妹咁...
『你細妹攬得你好實喎～佢一定好愛你呢個哥哥～』我又指一指張相...
「OK啦...我地既關係都真係幾好...」飛揚BB又有D尷尷尬尬咁...
『就係一張頭像相都有成九千幾個Likes～你睇下你睇下個Caption～“邊個都唔可以掂我哥哥！”～你已被禁了～』係宣示主權呢...
就好似話俾全世界聽“哥哥係我既！”一樣...
『D comments都好正～呢個呢個～“世上又少左個靚仔揀喇～”～呢個呢個～“放低一蚊跟機得唔得？”～呢個都OK～“你放心～我會對你哥哥好好～我會令佢晚晚都可以開開心心瞓覺覺～”～』我一路碌D Comments…
好似有好多𡃁妹仔都好鍾意飛揚BB咁喎...
「D細路女係鍾意講笑...」飛揚BB又尷尷尬尬咁摸摸頭～
『你細妹D回覆都好正～“邊個夠膽搞我哥哥我一蚊都拎埋佢！”～仲有仲有～“姊妹都無情講！”～呢個正呀喂～“你係唔係想長眠？”～』我繼續睇飛揚BB個細妹D回覆。
「我細妹係好鍾意講笑...」飛揚BB都仲係尷尷尬尬咁～
一講到你細妹就尷尷尬尬咁...睇黎你都真係好在意你細妹喎...
我就繼續睇下飛揚BB個細妹D相...
我碌下碌下...睇下睇下...搵下搵下...
當我睇到有一張係...
『你細妹真係好靚女丫～呢張呢張～“岩岩剪完頭髮”～又成四萬幾個Likes～D Comments 話佢好似黃河～我都真係覺得佢好似Heidi～』我扮晒驚訝咁...
其實我之前都已經睇過...
當時我都有咁既反應...
我第一眼睇到呢張相既時候...我都真係覺得...飛揚BB個細妹真係勁似Heidi...
而當時同而家既分別係...嗰時張相都只係幾千個Likes...事隔幾日就已經變左四萬幾個Likes...
「係咩...」飛揚BB呆下呆下咁～
『呢張呢張～嘩～未剪頭髮之前都好可愛～好有初戀Feel～仲有呢幾張～身材都好標準～』我繼續碌...
飛揚BB個細妹真係好可愛...勁有初戀Feel...
我相信唔止我會咁覺得...應該都會有好多人都係咁覺得...
『你細妹咁靚，一定好多男仔追啦～』我眼甘甘咁望住飛揚BB細妹D相...
我相信係男性見到...都會俾佢迷住...
唔好話男性…就連我都俾佢既燦爛笑容迷住...
「係掛...尋日去到學校俾佢攬住既時候，四方八面勁大殺氣殺埋黎囉...」飛揚BB勁委屈咁～
『嘩～你仲返到黎都算係奇蹟～哈哈哈～小心人地男朋友仔唔放過你丫～』我指一指住飛揚BB個鼻～
「咁又唔驚喎～佢話佢無拖拍喎～」飛揚BB眼定定咁望住佢細妹D相～
『無拖拍？咁靚女都無拖拍？』我就有D懷疑喇...
咁靚既女仔...都會無拖拍？
「嗯～不過佢話佢有深愛既人～」飛揚BB諗左一諗～
『咁你有無見過嗰個人係點樣架？』我就八八卦卦咁繼續追問一下...
「我都未見過喎～」飛揚BB繼續望住佢細妹D相擰擰頭～
『相都未睇過？』我繼續帶住懷疑追問...
「相都無俾我睇過～」飛揚BB仲係繼續望住佢細妹D相～
『嗯...或者係唔俾得你睇呢～』或者係同我一樣～
「下？」飛揚BB一頭問號咁～
『可能因為俾你見到你會唔鍾意～』同我一樣...係一個不能說的秘密～
「即係話我細妹鍾意左個壞男孩？」飛揚BB有D緊張～
『唔係～唔係～唉～少女心事你唔明架喇～』你咁蠢～
「你唔講又點會明呢？」飛揚BB帶住質疑既眼神咁問～
『所以話你唔明囉～少女心事就係要你估架嘛～』唔通我愛你又要講出口咩？
對於女仔黎講...好多野都係開不了口...
又好似唔想俾你猜到佢既心意...
就好似...就好似...
『渚薰講過“AT力場就是任何人都擁有的心之壁。”～』我對飛揚BB打左個眼色～
就好似有幅心之壁一樣～
「你要知道，渚薰既同步率之所以咁高，唔係因為佢係使徒。係因為...佢解開左佢自己既心之壁，去溶入別人內心～」飛揚BB扮晒學者咁既口吻～
『咁你解開左未？你未...你內心深處有一件寶物被厚厚既AT力場保護住...你唔係自由天使，你係司力量之天使Zeruel...』我望住飛揚BB對眼...
你內心深處既寶物...俾厚厚既AT力場保護住...你心中既青鳥...
我望住飛揚BB對眼...呆下呆下咁...飛揚BB好似呆下呆下放空緊咁望住我...
『飛揚～喂喂喂～』我就叫一叫飛揚BB～
「Sorry...我...諗起D野...」飛揚BB又尷尷尬尬咁～
『唔緊要～我都好鍾意俾你咁樣望住～』我甜絲絲咁笑左一笑～
只要俾你望住...俾深愛既人望住...
「係咩係咩...」飛揚BB又諗下諗下...
『你細妹真係好靚...又青春...又可愛...』我望住飛揚BB既細妹D相...
如果我都好似佢咁又靚...又青春...又可愛...我同飛揚BB既感情...又會唔會咁好呢？
「其實你都已經好靚...好迷人...」飛揚喺我身邊講一講...
我聽完飛揚BB咁講之後，視線轉到去佢眼裏...
四目交投...
成間Office都好靜...
好靜...好靜...
靜到好似可以聽到對方既心跳聲...
聽到對方心裏面諗緊咩...
呢種係唔係就係...同步？
「你幫我做晒D野，我應該要報答返你既～我請你食早餐～想食D乜我叫外賣～」飛揚BB行返埋自己位...
叫外賣咁Dry...
『不如我地出去食啦～』我就跟住飛揚BB行左過佢個位道～
同飛揚BB出去行下撐下檯腳都唔錯丫～
「不過...返緊工架喎...」飛揚BB有D不安咁～
『唔怕啦～隻肥豬今日唔會返架喇～』我就已經拉住左飛揚BB隻手～
「係姐...但有細路電視...」飛揚BB指一指天花上面黑色既半圓球體。
『就係有呢舊野我先唔想喺道～』俾佢睇住晒咁...
咦？！咪住先...
我都無留意過原來Office係CCTV架添...
咁即係話...我尋日坐喺飛揚BB個位道既時候...咪...錄晒？！
呢個CCTV平日係邊個睇架？
會唔會就係飛揚BB丫？
咪傻啦～飛揚BB又點會咁無聊走去開D錄影黎睇丫～
又無失竊又無意外發生～
除非話飛揚BB想偷窺下我架姐...
如果係咁...都唔錯丫...
起碼叫做都算係對我有興趣丫嘛～
「係姐...但...」我無等到飛揚BB再講落去...
『行啦～』我就拉住飛揚BB走出公司～
「你想食D咩？」一落到黎公司樓下，飛揚BB就問一問我～
食乜呢～其實我就無乜所謂既～
只要係同飛揚BB一齊食，食乜都係咁滿足～咁幸福～
而更重要既係...我唔想使飛揚BB太多錢～
我知道...飛揚BB既錢唔易搵～全部都係辛苦錢～
所以...
「我想食茶記～」我搖一搖飛揚BB隻手～
茶記係一個好好既選擇～
唔係太貴～又有返少少風味～
「茶記…」飛揚BB諗左一諗，「咁太興好唔好？」
『OK～我都想試下佢個冰鎮奶茶～』成日都睇到佢個廣告好似好正咁～
一直都好想去試下～而家仲可以同飛揚BB一齊去試添～
『個冰鎮奶茶飲完今晚都唔使瞓～』飛揚BB講到好似言之鑿鑿咁～
「係唔係咁厲害丫？我唔信～」不過我就覺得佢講得好假囉～
『真架～我嗰次飲完之後真係精神到可以打十個～』飛揚BB再扮得真D～
「唔信～唔信～唔信～」你越係扮得真，我就越係難相信～
轉幾個街口，去到太興～
「兩位隨便坐～」一個男侍應好有禮貌咁歡迎我地～
仲要眼甘甘咁望住我添～
其實D男仔真係好奇怪～
我身邊明明就已經有飛揚BB～但都仲係咁明目張膽咁望住我...
不可貪戀別人的妻子喔～
「睇下食D咩～」飛揚BB遞左份Menu俾我～
我望下望下份Menu：『嗯...我要個B～』
睇圖就已經覺得好吸引咁～
「一個B餐，一個C餐，兩杯冰鎮奶茶。」飛揚BB幫我落埋單～
「一個B餐～一個C餐～兩杯冰鎮奶茶～請兩位慢慢等等～」個男侍應好有禮貌笑晒口咁望住我黎講～
哎呀～真係丫...而家係飛揚BB同你講～唔係我同你講丫～
你可唔可以有禮貌D～望住飛揚BB覆一次呢？
唉～不過算啦～我都係唔好咁介意～
唔係既話只會令飛揚BB尷尬～
之不過...呢道既冷氣都有D凍...再加上...黎緊M...
一諗到呢點...我個身就震左一震...
「Emma～著住佢～」飛揚BB除左自己件西裝褸，遞左俾我～
我只係輕輕咁震左一震...飛揚BB都留意到...
飛揚BB真係好細心...
『唔該～不過...你唔驚俾你女朋友聞到你件褸有第二個女仔既味咩？』我一邊摟住一邊問～
難得有咁既機會...探下口風都好...
「佢都唔知去左邊～」飛揚BB擰擰頭...
『下？唔知去左邊？』我就繼續追問一下...
睇黎…飛揚BB仲未知…
「係丫...佢話要飛喎～但又無話飛去邊...又無話飛幾耐...」飛揚BB好似無乜野咁...
『咁你唔擔心架咩？』點解飛揚BB可以答得咁平淡？
「佢久唔久就係咁架啦～過幾日就出現返～」飛揚BB好似唔緊唔緊咁...
唔緊唔緊...懶懶閒咁...
去邊又唔知..又唔理...又唔問...
就連自己個女朋友同緊第二個男人鬼混都唔知...
真係愛一個人既話...會係咁架咩？
『你愛唔愛你女朋友？』我望住飛揚BB...
「愛，梗係愛！」飛揚BB諗都無諗過就講左出口！
可以諗都唔諗下...
我就更加疑惑咁講：『根據弗洛伊德所講，人喺清醒既時候保護機制特別強...如果你話愛，即係唔愛...如果你越答得堅決、快速，即係話你內心既力場越厚...心之壁丫...』
「哈哈哈...原來弗洛伊德就係渚薰～終於都補完成功～」飛揚BB好天真咁傻笑...
逃避...用開玩笑既方式去逃避...
「我講真架...你...唔係真係咁愛你女朋友...」我眼定定望住飛揚BB...
飛揚BB立即拎左部電話出黎，撳左幾撳...掃左幾掃…隊俾我睇：「我女朋友，成個連詩雅咁既樣我點會唔愛佢？」
我望左一眼...係Ashlynn...
『我靚唔靚？你愛唔愛我？』我再眼定定咁望實飛揚BB...
計靚既話...我絕對靚過嗰條港女八婆Ashlynn！
唔單止係咁...
我比起你心中既青鳥...羅海月更靚更好身材更動人...
你話我自大都係咁話...
之但係...如果...
『如果係單單因為佢靚而愛，呢種唔係真正既愛...真正愛一個人包含好多好多好多，絕對唔係只係因為佢靚...睇黎你唔係好知咩叫愛...』我憐憫咁望住飛揚BB...
飛揚BB...你對羅海月既愛...一定唔係單單因為佢靚...
唔係只在乎佢既外表...
我明白...我感受得到...
由羅海月身上所散發出黎既氣息...我可以感受到...你同佢...係黎自同一個星球...
佢...就好似你既命中注定一樣...
只可惜...你唔係佢既命中注定...
由佢既說話之中...我感受到佢對你...就只有...只有“欠”...
或者呢個就係佢所講既“想得到一個...終結...”...
我望住飛揚BB...飛揚BB好似定晒格咁既樣...
『飛揚...飛揚...Sorry丫～我係唔係講錯野？』我捉住飛揚BB隻手...搖一搖...
「唔係...唔係...」飛揚BB勉勉強強咁笑一笑…
『Sorry...』睇黎…我真係講多左…
不知不覺之間...講左D唔應該講出口既野...
因為...羅海月...
『真係無野喎～你同我之間唔需要講Sorry～』飛揚BB對住我笑一笑...
飛揚BB係話...係話我同佢之間唔需要講Sorry...
係話...我地既關係...唔需要講Sorry...
我對住飛揚BB點點頭～好溫馨咁笑～
雖然...我地而家仲未可以叫得上係愛情～
但我相信...就算未去到愛情...亦都不下於友情～