《善惡的彼岸，或許都是愛》: 5-4

「我聽過晉然講小思既情史，我相信個黑袍人有機會係小思既第一個男友。」剛被釋放出來的健志說。

「嘩，小思咁吃得開既，連洋腸都食過。」靚女面帶妒意地說：「真係難為健志你對佢咁一往情深。

「唉，靚女，每個人都有佢既過去。為左一個人既過去而批評佢既現在同將來，太唔公平啦。」健志說。

「喂，而家唔係講呢Ｄ野既時候啦。而家點做好？救人，定當無事發生過？」金毛仔問道。

「當然要救！！一睇小思比佢捉走果時既神情就知佢跟本唔想見到果個鬼佬。」健志說。





「可能人地而家已經比條洋腸征服左呢？」靚女說。

「咁條鬼佬累我比人困左兩日，我要搵佢算帳都好應該姐。」

「好，既然係咁，我地出發啦！！！」金毛仔舉起雙手，大聲地說道。

「好！」靚女和健志也和應道。

「出發？去邊呀？」肌肉男冷冷地問道。





沉默...........................................................

「健志，你唔知佢地去左邊架咩？」金毛仔問。

「我連佢係咩人都係估估下渣喎，點知佢會去左邊？」健志回應。

「咁點呀？」靚女問道。

「唉，你地真係......」肌肉男搖頭道，然後拿出筆記。





「健志先生，你係筆記度搜尋「我愛的人」，咪可以傳送去小思身邊囉。」肌肉男道。

「係喎！！LET'S GO!!」健志急不及待地想要按下傳送。

「喂！！等陣！！」肌肉男喝止健志：「人地咩來頭你又唔知，人地係咩位置你又唔知。你都知道條友痴痴地線架啦，你一下子傳過去點知對面有無伏呀？花少少時間，問下Ｄ高人老頂，睇下起唔起到底先啦，最好睇下班唔班到馬添！」

其餘三人都用敬佩的目光望著肌肉男。

「望咩姐，唔係我醒，係你地低能姐。」肌肉男有點害羞地說