《善惡的彼岸，或許都是愛》: 5-3

「李...李小思，同果個老勾點呀？」少女月老醒來後，關心的卻是別人。

「李小思既靈魂被帶走左，而元神就被勾魂使者健志封死左係肉體內。至於該名勾魂使者健志亦都比我地以非法使用魔力罪拉左返去啦，你可以放心，不過遲下可能需要你幫手指證佢。」博士帶同手下，趕到醫院對月老二人組進行筆錄。

「指證佢？指證Ｄ咩？指證條傻佬差Ｄ想命都唔要去救我地兩個同李小思呀？」男月老突然氣得彈起床來說。

「佢救左你地？」博士不解地道。

「我地本來去幫李小思結姻緣，一路都好地地，點知結左紅繩之後，果個傳說中既月老紅線殺手就出現啦。」少女月老道。





「月老紅線殺手？」博士更為一頭霧水了。

「係月老界，近呢幾年有個黑袍人出現左，專斬一個女仔手上既紅線，我地本來都唔信，以為係Ｄ無聊月老諗出黎偷懶既借口，點知今日真係比我地遇上左呢個黑袍人。」男月老猶有餘悸地說道。

「繼續。」博士回龐。

「佢無啦啦出現係我地面前攻擊我地，好彩個老勾出盡全力用魔力保護我地，我地先仲可以完完整整咁係度渣。之後個黑袍人講左一堆英文，就夾硬拉走李小思既魂魄。個老勾再一次聚起魔力去封死李小思既元神肉體，咁李小思先得以繼續生存，如果唔係，李小思已經係一個死人黎啦。」男月老一口氣地說明當日的情況。

「短時間聚起兩次咁強大既魔力，有可能咩？吹水都吹真Ｄ丫你兩個。」博士說。





「佢第一次既魔力係黑色，好似黑洞咁；但第二次我依稀係暈死前見到係白色，充滿光明同希望咁。」少女回憶說道。

「嗯，黑白雙色魔力，係健志。睇黎你地真係無講大話。」博士滿意地點頭說。

「快，而家即刻去放人！」博士對手下道。

然後大家都在病房內沉思，到底黑袍人的身份是......?