《善惡的彼岸，或許都是愛》: 2-2

「我想斬死晒果班無義氣既人！」金毛仔憤怒地說

「嗯…..咁重殺氣，去做平天大聖果邊既學徙啦」老者說

「平天大聖？齊天大聖就聽過…..」金毛仔還未說完，就被老者一掌擊飛了。

「妖，咁多野講，平天大聖即係牛魔王呀。過去好好學下野啦。」老者說

「到你」老者指著肌肉男問道





「我想好好守護別人，唔想有人再好似我咁死得咁慘。」肌肉男回答道

「好，咁去跟福德正神果邊學下野啦。」老者說，又是一掌。但聰明的肌肉男早就運起魔力抵抗。

「哼哼，估到你啦。你點都要比我問埋先架啦。福德正神即係邊….」肌肉男還未說完，就被掌下再吐勁的老者擊飛。

「土地公呀即係！」老者說

「到你！」老者望著靚女。





「老爺爺麻煩輕手Ｄ，我想做有關掌控火既神靈，因為被燒死真係好痛苦，我想盡量減少呢方面既意外……」靚女嬌滴滴的說，並閉起雙眼準備接受老者的一掌。

「好，咁你去火神祝融氏果度學下野啦。拿，你而家拎你本筆記出黎，打開地圖，按一下「實習」，就可以傳送過去架啦，要比心機呀。」老者向靚女邊揮手邊說道。

「多謝老爺爺。」靚女笑說，按下筆記。
「嗯，乖啦。」老者也笑道。

「最後到你啦。」老者沈起面色問健志。

「我想做一個勾魂使者。」健志堅定地說





「早有目標，好事黎既。不過要做勾魂使者就有個比較特別既地方。」老者頓了頓再說：「勾魂使者因為要成日進出人間，所以一定要一對一咁教授。你既導師將會係…..係佢。」突然，一名身穿黑衣，西裝筆挺的男子憑空出現了。他和健志四目相投，異口同聲地說道：「係你？」