《善惡的彼岸，或許都是愛》: 1-4

「非常好。大家知道嘛，你地大家聚首呢度，其實並唔係偶然黎架。」ＫＪ說。

「吓，我地唔係咁啱死左比人勾黎呢度架渣咩？」健志問

「喂喂喂，我頭先係咪講左唔好問住呀，有少少耳性好嘛？」ＫＪ罵得健志慚愧地低下頭來，然後續說：

「係亡者之國入面，有好多間類似呢間野咁既亡者學院，唔同地域既亡者學院所接收既鬼魂都唔同既。我

地呢個學院係專收一Ｄ因意外而死亡既亡魂，我地學院個名叫做「不甘之院」，我地既院歌就係「不甘





心，人人不甘心，尢其不甘心，就像不甘心，得我不甘心，不甘心甘心～」，我相信大家應該都識唱架

啦，麻煩大家比少少掌聲我，同埋首院歌唔該。」ＫＪ說

「好，多謝大家既掌聲。頭先我地講到院校。其實係第二Ｄ地域都會有其他學院，例如專收自殺死既「怨

靈之院」；專收一Ｄ抵死既人，例如Ｄ人人得而硃果Ｄ殺人犯既「善教之院」；專收Ｄ自然老死既人既

「休生之院」；專收Ｄ未成年死鬼既「十一之院」……等等。大家遲Ｄ畢業後就可能會有機會遇到佢地架





啦，明白嗎大家？請大家再比少少掌聲我，同埋其他既學院，唔該。」

「好，麻煩晒大家既掌聲。由於死亡性質既唔同，只有我地不甘之院既學生先有機會去人間做守護神或者

勾魂使者之類既服務人間性行業。「怨靈之院」果班友多數都有精神病，情緒鬼死咁唔穩定，所以只可以

做下Ｄ掌管天氣之類果Ｄ職位。順帶一提，Ｄ天災呢，咪多數都係因為果班友病發而搞成架囉。次次佢地

一病發，我地「不甘之院」就會忙到仆街架啦。」ＫＪ說。





聽見ＫＪ說了一句粗口，場中有數十名新鬼在打著冷顛。