《善惡的彼岸，或許都是愛》: 1-3

「呵呵呵，好耐都未試過有一班咁有活力既新鬼黎報到啦。」老人用深厚的聲音低聲說道。他的聲音並不

響亮，但卻清晰地傳到每隻鬼的耳中，令場中所有鬼魂也別過頭來看一下誰在講話，一時之間場中突然安

靜起來。

「大家好，你地而家正身處於亡者學院的門前。你地黎到呢個世界，就唔洗再同人爭學位啦，呢間學院一

定有足夠既學位比每一隻鬼。加上大家都係啱啱死既新鮮鬼，你地既屋企人應該都無咁快燒Ｄ物資比你地





架啦，故此學費方面大家唔洗擔心，絕對全免。只希望各位畢業後可以好好地造福人群，做返Ｄ對社會有

益既事，咁我地呢班老野教授就放心啦。」老人說。

「要幾耐先畢到業呀請問？」健志問

老人回答道：「要睇你地既造化啦。曾經有鬼試過一星期就學晒所有野，畢業後去左做月老，結果做下做

下仲做到靈力大進，可以現身係凡人面前。佢將自己成個故事講左比個小說家知，結果個小說家將佢既故





事公開左出黎，令大量凡人非常感動，亦都間接令凡人了解多左死後既世界。好在個個人都當個小說家老

吹，如果唔係佢地得閒無事又搵呀司徙法正黎作下法就真係出事架啦。」老人再一次喋喋不休地說。

「丫，我又無睇開書喎。咁平均大約正常一隻鬼要幾耐先畢到業架。」金毛仔問。

「呵呵呵，唔洗心急，你地都死晒架啦，有大把時間。入黎先，慢慢講。」老人笑說，重複著勾魂使者對健志說的那段話。
「所有新黎既鬼聽住，而家大家請去Room101報到。」一名樣子還算年青、西裝筆挺的鬼魂正拿著咪高峰在說。

到達Room101，所有鬼魂都嘩然。





那是一個好像大學lecture hall 的地方，內裡的空間大得可容納場中大約一百多個鬼魂。

「大家請隨便坐，即使鬼魂唔會覺得攰。麻煩大家坐低，靜一靜，我地既新生歡迎儀式就快要開始架啦。」一名中年鬼魂站在講師台上說。

台下的鬼立時自動安靜起來。

「大家好，我個名係ＫＪ，係大家第一課既講師，請大家比少少掌聲黎。」ＫＪ面帶一個陽光笑容地說。

「好，多謝大家既掌聲。我知道大家都係啱啱死左無耐既新鬼，一定對我地而家身處既環境感覺好陌生。希望大家可以先忍住好奇心，唔好發問住，等我一次過講晒再問，好嘛？」ＫＪ說

場中各鬼魂紛紛點頭示意。