我的女神老婆奴日記，你可以完整地恥笑下去: Chapter 04 節食

「我地一致決定，唔幫。」
 
傑:「你知唔知道你結婚果晚，珠女佢地果枱係我地隔離，望到佢個食相，我地果圍幾多野食唔曬。」
 
豪:「有幾個兄弟直頭早走。我地兩日唔敢食豬，依家我有小小想嘔。」
 
「我遲識你地，我未見識過果兩位女士有咁勁既野？」
 
李安這個問題問得真好，只可惜的是他有女朋友，
如果他有這麼大的興趣，我會讓他去見識。




 
傑:「你呢個問題問得真係好。」
豪:「珠女既經典野唔好提住，呢度始終係大家樂，我怕其他人聽到會嘔。」
 
傑:「你有無睇盛女Mandy？我敢講，如果九妹上電視既話，Mandy一定可以行開。」
 
的確，如果對比下，Mandy的樣貌比九妹正常。
至少Mandy的五官是放對位，而九妹應該是畢卡索的畫中人。
 
安:「九妹就Mandy，咁珠女呢？」




 
「頂你，話左唔提住。」
至豪跟聖人傑異口同聲地回答。
 
我:「兩位大哥，可唔可以真係救下小弟呀。」
傑:「唔係救你既問題，九妹個樣我可以唔望，但珠女就真係......」
豪:「一個肥婆著住對高跟鞋。」
傑:「跟住行到出曬汗都算啦，仲要有味果下真係好難頂囉。」
豪:「都叫你唔好講呢點囉，大佬。」
傑:「呢樣真係唔提唔得囉，大佬會死人嫁。」




 
你們二人別要說吧，這樣一提，我有點想吐。
對不起，兄弟，但我還是要出賣你們。
 
我:「雖然，我知道要你地去同兩件極品食飯係對你地好唔公平。」
 
傑:「你老婆雖然唔叫得上溫柔，但樣得身材得，你抱得美人歸，而叫我地食豬扒。」
 
豪:「食豬扒都唔緊要，以為汶淇有左之後會走樣同肥，諗住笑下你啦，點知無，都算啦，個樣仲愈來愈有氣質，講真柏文兄，你有危機。」
 
我:「唔會既，我老婆對我好專一。」
 
該死的聖人傑，林至豪，別再研究我老婆，接著扯開話題好嗎？
雖然我都覺得自己很幸運，有這個真正美若天仙的太太。
 




「其實，你地都可以去幫下柏文既，最多等價交換姐。」
 
李安這個兄弟終於說出一句像兄弟的人話。
 
豪:「點等價交換呀?你個仆街，有女朋友就叫我地去死。」
傑:「幫你都得，見大家係中學同學，未來兩個月既膳食你既。」
豪:「話你係聖人傑姐，你唔係聖人，你仲食得落飯至講啦。」
傑:「係喎，咁......我地唔貪心既，我地要iphone 5s 。」(那時剛出)
豪:「係一人一部，仲有我地唔要16G要64G。」
 
你們二人一早夾定了嗎？這麼齊心。
約七千元一台，兩台經已一萬多元，
你們二人真的想把我呑掉嗎？
 
我:「皮幾野，就算我願意，汶淇都唔會願意啦。」




傑:「今年聽講你分紅分唔小，唔知道你有無上報呢？」
 
竟然被你們發現我沒有上報，真是好兄弟，可以讀懂我的心。
 
我:「邊個同你講嫁？」
豪:「會計部Crystal，想溝傑仔既。」
我:「32G得唔得呀?」
 
唉，被逼就範，你們有種，出賣兄弟！
 
「得，粗粗地要住先。」
 
「多謝老闆，到時一手交機一手交人啦。」
「唉，真係慘啦，未來兩個月要節食。」
 




「肥仔傑你咪當減肥囉。」
 
「你又岩喎。」
 
雖然代價真的很沉重，但總算完成任務，
好讓我星期日有個交代吧。
 
你們兩位好兄弟，我真的不能忘記你們。