我的女神老婆奴日記，你可以完整地恥笑下去: Chapter 03 出賣朋友

晚飯過後，她們兩老懷著快樂的心情回家，
而我則苦惱著是否應該出賣朋友這個問題。
 
「老公，你依家話點好啦，唉。俾至豪佢地知道既話，一定寧願死都唔去。」
 
對，我相信他們在食慾和友情面前，他們絕對會選擇食慾。
 
我:「你仲好講，你奶奶同你媽咪一早夾定，你仲順佢地意。」
 
她:「喂，第一，我完全唔知情，第二，就算你唔順佢地意，佢地總會諗到計嫁啦，而且佢地今日提過想換現代果部大車。」




 
我:「現代果部？喂，老闆，果部油渣貨VAN，只不過個樣似七人車。」
她:「佢地見我舅父出左部話好好坐。」
 
我:「你舅父做運輸，出就緊係無問題啦。我由GTR變做七人車，依家真係變做貨van，我真係唔制。」
 
她:「咁你想我點姐，有時候夾係佢地中間討好佢地，總好過日日為小事而嘈。」
 
無可否認，打好關係的這一件事，汶淇做得絕對合格，
只不過有時候過火一點，不過都是無可奈何，




畢竟做人媳婦甚艱難，一個攪不好的話，煩惱的只會是我。
 
我:「知道老婆辛苦啦。」
她:「仲係度怪我，死人頭。」
我:「唔好嬲啦。」
她:「我唔想睬你，係咁啦。」
 
說罷後，汶淇便走回床上睡了。
我知道，她會覺得我從不理解她身為媳婦的立場，
有時候我真的明白，結婚真的不單止是兩個人的事。




 
「老婆，唔好嬲啦。」
 
「哼，同你生仔經已辛苦嫁啦，你估我唔知道你好多不滿？」
 
「我點會有不滿呢，有個咁好既老婆。」
 
「換車單野你估我唔知你好唔鍾意呀。」
 
「咁，我真係好鍾意果部車。」
 
「咁你要老婆定要車呀？你知唔知道我大住個肚坐GTR條腰真係好辛苦？」
 
「要老婆啦，咁依家都換左啦，最緊要老婆開心就得啦。」
 




我立即走上前親了她一口，發現汶淇在笑著。
 
她:「其實我知道你錫我，為左我介煙啦，為左我換車啦，為左我唔打機啦，為左我慳錢啦，仲學煮飯做家務。」
 
我:「你知道就好啦。」
 
她:「老公，我答應你啦，BB出左世，俾你換返部GTR啦，好無？」
我:「多謝老婆，不過到時候做左老豆，可能想法又會變左啦。」
她:「變咩都得，唔準變心。」
我:「我唔會變心呀。」
她:「你個樣最近好似好dry咁。」
我:「咁無計嫁，都唔掂得。」
她:「既然你咁乖，雖然唔掂得，但可以用.....」
 
她微微地張開口，再淫笑地望著我。




我這個老婆，有時候真的可愛得很。
 
久違的感覺，令我驚喜萬分，同時慾仙慾死。
老婆，你真好。
經過她吹奏的一會後，我按耐不住在她口中射了，
我立即叫她吐出來，畢竟她吃什麼，我的寶寶都會吸收到，
而道理，你懂的。
 
不過快樂過後，再次煩惱著明天應該如何向林至豪等人開口，唉。
 
因為要出賣兄弟的事宜，而令我整晚都不能入睡，
閉目養神一會後，醒來驚見汶淇在煮著早餐。
 
「老婆大人，你咁早起身既？想食早餐同我講，我煮俾你。」
 




「唔係呀，我係煮俾你食嫁。」
 
汶淇願意入廚只有三個原因，
第一，有朋友到我家作客，不過到最後都是我出手煮的。
第二，做錯事情，希望我原諒，這個在我跟她戀愛後從未試過，
只是從她媽媽口中聽過。
第三，就是有求於我，這個可能性最大。
 
我:「老婆，你今日咁有興致煮野食。」
她:「係呀，見你琴晚諗野諗得咁辛苦。」
我:「傻瓜，好好休息下呀。」
她:「我依家一日到黑都係食同訓，仲唔夠休息咩？」
我:「你又岩既。」
最後，汶淇做了火腿午餐肉出前一丁給我，
而廚房頓時亂作一團，唉，最後還是我清理。




 
經過早上突然其來的忙碌，回到公司的我更已累得差點睡著。
 
「喂，柏文，今日至豪同傑仔話一齊食Lunch。」
 
李安把我從白日夢中喚過來，
 
我:「今日去邊度食呀?」
他:「佢地係去法國餐廳(大家樂)，都唔飽又貴。」
 
這時我心中暗道，份量少都好的，免得他們待會浪費食物。
 
我:「咁好啦，轉頭公司門口等啦。」
 
午飯時間的法國餐廳(大家樂)真他媽的多自由行，
我還以為我回到了大陸。
 
最後，我點了一個叉燒飯就算了。
而至豪，聖人傑和李安他們三人點了一客焗豬扒飯，
希望待會你們還有胃口吧，這三客豬扒飯真他媽的應景。
 
豪:「柏文兄，你食咁小野既？」
我:「係呀，無胃口姐。」
 
這裡的叉燒我還以為是澳門的豬肉乾，
而且我一想起珠女和九妹就不禁從胃中有股暖流湧上來。
 
傑:「無胃口，少有喎。」
 
我只是苦笑地回答聖人傑的對話，
因為我還在爭札應該如何跟他們二人開口，
更何況，他們還在大口大口地品嚐著他們的豬扒飯，
我真的害怕他們會吐了出來。
 
「你地下個星期日有咩做呀？」
 
豪:「想約我地呀？汶淇竟然會放監。」
傑:「我無野做呀。」
安:「我約左女朋友呀。」
傑:「得啦得啦，知你有個明星女朋友好叻叻啦。」
安:「你都可以叫柏文介紹俾你。」
傑:「哈哈，柏文你有既一定介紹俾我呀。」
 
既然你這樣要求，我唯有答應吧。
 
「咁即係你地得閒啦。」
 
至豪和聖人傑點頭答道，以示有空。
 
我:「是咁的，我母親大人有兩位女士介紹俾你地，求下你地俾我可以有個交代。」
豪:「等等先，根據你母親大人手上得四個女性經常sell開。」
 
傑:「一個係柏文你妹妹啦，但佢有男朋友啦，第二個係你表妹啦，上個月結左婚，我地仲去左飲，即係得返......你唔係呀嘛，對我地咁好。」
 
豪:「嘩，你條仆街仔，你唔係見我失戀立即介紹個獸醫同魔鬼臉孔，天使身材俾我地呀。」
 
傑:「你失戀獸醫咪岩你囉，醫下你，衣冠禽獸，哈哈。」
豪:「頂你啦，我禽獸起上黎係唔需要衣冠嫁。」
傑:「你岩喎。」
我:「我求下你地，我知道你地唔會見死不救。」
豪:「你有咩會死呢?」
我:「我部七人車，就快變成貨Van啦。」
傑:「由GTR變做貨Van，柏文，除左破産人士，你係第一個經歷男人最痛既人。」
豪:「遲下「五十鈴」佢都要換嫁啦，哈哈。」
 
你們恥笑我吧，只要你們答應，我可以任你們恥笑。
 
我:「咁兩位大人，可唔可以救救小弟。」
 
至豪跟聖人傑二人互相點頭，然後笑著回答著我。