我第一次竟然係比左我個miss: 23

我點起一支煙，腦入面不停諗住呢個問題，
電腦播住嘅係趙學而嘅最佳位置。

誰待你好都不礙事 我都會衷心支持
未必所有關係亦受得起刺激 但我可以
虔誠地熱戀一輩子 共你也許真的不容易
喜歡你最好不要講 安守這位置

滋滋，滋滋
「喂？」


「文迪哥哥，起身未呀？」
「冬菇？依家起啦！」
嘩？原本已經兩點幾。
「don't call me 冬菇！叫我冬茹or 冬冬都得，你今日有咩做？」
「哈哈！冬菇幾好聽呀，無嘢做呀，你想約我？」
「no way! 一啲都唔好聽！我想同你行街，去銅鑼灣好無？」
「好！比二十分鐘我，我一陣黎接你。」
「ok! See you soon!!」

「去銅鑼灣做咩呀？」


「無呀，耐無見你想同你傾計行街得唔得？」
「得！咁你想去邊？」
「我想去竉物店」
「買狗？」
「我加拿大隻狗仔聽日到，I need to buy food for her!」
「let's go!」

入到竉物店，我又諗起琪琪⋯⋯
「迪迪，睇下隻狗仔幾得意？不如養佢啦！」



「文迪哥哥？做咩呆左咁望住隻狗仔呀？」
「無呀，得意咪望囉！」
「不如你養左佢啦，你自己住，有佢陪你無咁boring呀！」
養佢？真係好？我望住隻狗仔，佢對住我擺尾，望住佢對眼，有種好熟悉嘅感覺，佢對眼都好似琪琪咁，水汪汪，識講嘢咁。
「小姐唔該，我要佢！」
就係咁，我做左佢主人。