我第一次竟然係比左我個miss: 22

「留喺度食飯啦！」
「好呀！我唔客氣啦！」
「冬菇公主，你讀緊中幾呀？」
「中六repeat 呀，中文唔合格入唔到Uni...」
「你唔係讀國際學校咩？」
「爹爹唔比呀，佢想我入到local uni, 佢話要spend more time with me!」
「係呀文迪，佢小學就過左去，係有讀中文，重搵左補習比佢添，不過學左咁多年，中文都麻麻地！不如你幫佢補習啦，除左英文，佢其他科都好水皮架。」
「係囉文迪哥哥！PLEASE!!!」
「我試下啦！」
「yeah!! Love you so much, my big brother!!」


「咁你想幾時補？喺邊度？」
「玩多個星期先啦，黎我呢度補！」
「ok!」
 
食完飯，我就返屋企，打開FB，見到琪琪like左我去美國啲相，重有fb msg
「你個妹好得意呀，我返黎要同佢玩！」
Last online 3hrs ago.
「等你！」
佢無再回應，應該已經訓左覺，我click 入佢個fb,見到好多佢同新同學影嘅相，笑得好開心，重有一個男仔，同佢行得好埋，唔通，係佢新男友？