我第一次竟然係比左我個miss: 17

我開始思索同琪琪嘅關係，我肯定我愛佢，佢都愛我，但兩個人一齊得耐，點都會悶⋯

兩個星期後，我做左個好重要嘅決定
「琪琪，你之前咪話過想去new Zealand 讀Master嘅？不如嚟緊個Sem，我地一齊去啦。」
「下？做咩嘅突然咁講呀？」
「無呀，想同你一齊做學生囉！」
「我考慮下⋯」

佢無我想像中嘅興奮。其實我呢個決定，
一黎係想過去有新開始，我地可以一齊體驗新生活，


等我地兩個關係可以保持新鮮感。二黎我唔想佢同陳Sir有咩新發展⋯

「bb諗左成個星期，你諗好未？」
我食飯嘅時候問佢⋯
點知佢比我嘅答案係
「我地分開下啦」

我呆左⋯
「你講咩話？分開？」
「係，我覺得你好唔成熟，你突然話要同我出國，你有無諗過我想唔想？我太了解你，你根本就係怕我同陳sir有嘢!」


「唔係咁架！」
「你敢講你少少都無諗過？歐陽文迪我唔細架啦，我唔想跟你過去然後又比你掉埋一邊，永遠等你返黎睇下我，曾經我以為你係我嘅永遠，因為你錫我。但我發現你根本未玩夠，將來喺你身上，距離重係好遠！」