我第一次竟然係比左我個miss: 16

一對情侶就算幾甜蜜都會有鬧交嘅時候，有人話初戀唔會係永久，我好唔想相信，但始終要接受。DSE我考得都算唔錯，入到間唔錯嘅U，讀唔錯嘅科。大學生會多姿多彩，好多活動，而我同Miss Yu嘅分歧，亦係由我嘅新同學開始。

「迪迪，你幾時得閒陪我呀，我地好耐都無拍拖啦！」
「你乖啦，呢排攪緊上莊嘅事，係要用多啲時間，我搞掂就比晒啲時間你，好冇？」
「真係咁忙咩？你次次都咁講⋯」
講完佢就開初扁咀重想喊想喊咁，我開始有啲唔耐煩，咁小事點解要喊？
「錫返啦！」
「嗯⋯」

我 無比呢個話題發展落去，我都唔知自己係真係忙定係因為我太enjoy同其他人一齊玩嘅時間，


我係好愛琪琪，但係悶左咁多年，想玩下姐，唔係唔得呀？
呢個情況持續左半年，半年黎佢對我嘅抱怨有增無減，
鬧交次數同做愛係成反比⋯
呢個幾月黎我見到佢對我要求小左，覺得有啲怪，到我意識到發生咩事嘅時候，一切都太遲了⋯

滋滋，滋滋，原來係msg
陳sir 「今日搞咁耐，攰唔攰呀？不如下星期再去？」
陳sir 「今晚有啲涼，小心身體」

搞？搞咩咁攰呀？


呢個時候，琪琪返左入房，我猶豫緊好唔好直接問佢咩事，我唔想無左佢，但我未必接受到現實。
諗左陣，我決定左開口。

「你頭先有msg，我手快攞左黎睇？」
佢先係一陣錯愕，然後用好平常嘅語氣同我講
「哦」
「哦？你無嘢同我講架咩？」
「有咩好講？都無事發生」
「至少講比我知搞咩搞咁攰呀？」
「搞咩？你當我係咩人？你就生日，我報蛋糕班，佢要二人一組，得佢得閑，我先叫佢咋！」


「咁⋯我點知姐，你咩都無講！」
「我咩都無講，你由幾時開始有興趣知我嘅嘢呀？我上個月以為自己有左你又知唔知？」
我無言，的確，呢半年我真係少關心佢⋯
「你點呀？」
「無嘢呀！訓教！」