是咁的，唔想去謝師宴嘅毒撚，竟然嚟咗酒店

每年五六七月，都係中學為畢業生搞謝師宴嘅時候。但其實個個都知，謝師宴未必講心，反而係講金居多：一嚟，去親（甚至你唔去都好）都要夾錢俾搞手租酒店宴會廳；二嚟，習慣上個dress code通常係男西裝、女禮服。所以對於肥矮窮柒毒撚嚟講，點樣硬着頭皮去謝師宴而不失霸氣，的而且確係好大嘅挑戰；當然佢哋有另一個選擇，就係索性唔去。 終於輪到呢個毒撚遇到年經一樣嘅煩惱啦。佢本來都唔想去，但卒之竟然嚟到酒店。結果會係點？ 本文乃真人真事改編；如有雷同，實非巧合。