香港戰場: 珠海篇‧1.那份文件

1.那份文件
早上。
今天沒有太多課，因為早幾天教授呼籲，到港大聽Arthur Chamberlain教授演講。Chamberlain教授是國際政治學權威，難得從美國來港，珠海學院新傳系學生大部份都會去一睹風采。
學生會有一個專屬會址，其實就是個貨櫃。時候尚早，新傳系系會主席葉家明走入去會址，看到學生會會長吳少輝已在。
「嘩乜你咁早呀?」葉家明放下背囊。
吳少輝吃着麵包，看着電腦：「我打緊email，今日上午要寄晒去其他學生會......你有無發覺，今日網絡有D奇怪?海外網站上唔到。」
「食野唔好講野，一陣又噴到周圍都係。」葉家明皺起眉搖頭。
不久，電腦系學生丁文峰走過來用電腦，葉家明說：「你地唔好當呢度係電腦室喎!」
「無所謂啦，你都一齊上網。」吳少輝對着電腦目不轉睛：「聯校個論壇有新野，浸大叫我地傳開去喎，睇睇先......」
吳少輝下載了文件，葉家明也要看，所以先抄一份落USB再打開文件。




兩人打開文件，僅看到頭幾頁，同時神情嚴肅。
丁文峰看着覺得奇怪，此時，他的電腦彈出通知。
「學校網絡受攻擊!」丁文峰叫了起來。
「幾嚴重?」吳少輝才發問，就知道答案，他面前的電腦已沒有畫面。
「極嚴重。」丁文峰打電話，「關閉學校server!」
坐在一旁的葉家明道：「會唔會關呢份文件事?」
吳少輝想了一想：「好有可能，可惜我部電腦已經壞咗。」
葉家明移一移部手提電腦：「我部電腦無上網。」

枱面擺着那部沒有上網的電腦。




丁文峰說：「而家學校網絡關閉，檢查緊server資料。」
吳少輝拿抬了部printer來：「電腦駁上printer，印出嚟睇。」
新傳系學生施家文、徐可兒、陳偉文、胡文軒走了過來，他們四人本來約了葉家明一起去港大。
沒有人招呼他們，所以他們走去開電視。電視正在做新聞直播，講述軍方大規模出動，警方呼籲市民不要出外。
葉家明望一望電視，拿着印好的文件：「你地睇睇，呢份文件同新聞可能有關。」
幾個人讀着文件，吳少輝又將文件抄在幾隻USB內。
接下來幾分鐘，學生會室內靜得可以，連翻紙的聲音都顯得特別大聲。

還是丁文峰一句說話打破沉寂：「轉用後備server，但攻擊持續，決定暫時關閉所有server。」
胡文軒問：「攻擊同呢份文件有關?」




葉家明道：「可能有關係，我地下載呢份文件，無幾耐就有大規模攻擊。」
丁文峰望向吳少輝：「有能力短時間發動咁大規攻擊，除咗大型網絡保安公司，最大機會就係軍方。」
吳少輝望着文件，好一會才道：「電腦系應該通知咗校方，但如果軍方嘅目的係搶回文件，咁就唔止網絡攻擊咁簡單。」
「使唔使叫校方通知所有人離開?」徐可兒問。
「講出嚟有無人信?」葉家明道，「咁嘅情況，等於同東京政府講將會有大地震要疏散，無憑無據好難叫人相信。」
陳偉文接着說：「而且電視叫人唔好出外，照常理留係學校係安全過走上街，無咩人會理我地勸籲。」
胡文軒道：「我地無辦法通過官方渠道叫人走，可以做嘅只係盡自己能力叫身邊嘅人離開，最重要嘅，係大家帶住呢份文件，去安全嘅地方。」
「如果帶份文件去港大，搵Chamberlain教授，可唔可行?」徐可兒說着已整理好文件，放在自己的袋裡。
幾個人同時收起文件，道：「一於咁話!」