香港戰場: 前傳‧5

5.
早上，張明德做完功課，在床上睡得像死豬。
「喂，起身!」胡洪清用力搖他、拍他。
「咩事呀，今朝無堂喎。」大學生無堂上、睡晚一點，有甚麼問題?
胡洪清又推了幾推：「起身呀，對面軍營嚟咗好多軍人!」
張明德一聽到，即時彈起床：「發生咩事?」
「比平時多咗好多軍人，有D而家係空地訓話，講咩就聽唔到。」
張明德到窗邊望了一望，的確是人頭湧湧。

萬大事都要吃飽再說，張明德刷過牙，正好黃海澄買了三份三文治過來。




「今日周吾請假，一陣無堂上。」黃海澄邊吃邊說。
張明德拍了一下枱：「早知係咁，昨晚唔使做到咁夜啦!」
「第二單料你聽完仲嬲呀，功課唔單止可以遲D做，仲可以遲D交。陳萬賢唔知咗，校方搵唔到佢。」
大家預期張明德有特別反應，誰知道他呆了。
好一會，張明德說話：「昨晚去買野食，見到陳教授好趕咗返屋企，仲畀咗隻USB我，話入面D野好重要，要放上網傳開去。」
胡洪清接着問：「咁你放咗上網未?」
「未呀，唔記得咗。」張明德從衣袋拿出USB來，插進電腦。
「等陣。」胡洪清走過來，「將文件抄落電腦，USB退出後先至傳上網。」
張明德依言做了：「好，傳出去之前，睇下咩嚟先。」





三個人圍在電腦旁，呆了。
他們只是看過前面一小部份，足以震驚得說不出話來。
突然一陣喧鬧，接着是一輪爆炸與槍聲。
三個人定一定神，張明德問：「傳到邊度好?」
胡洪清說：「放上論壇。」
張明德飛快打字：「上唔到......另一個論壇都上唔到......」
「仲有咩方法?」
「放上去......聯校學生會個網，仲上到。你地執定野走人。」

（前傳完）