香港戰場: 城大篇‧7.又一村潛逃（下）

很鬰悶。
行到路口，往左是又一居道，路口兩旁寫着各「又一居」三個字。
突然，左方有幾個市民衝出來，後面有幾個軍人追着。
「別走!再走就開槍!」
龍子維又望住陳sir，陳sir看一看他，吐出兩個字：「郁手!」
眾人佔住兩邊牆角向又一居道開槍。
嘭嘭嘭嘭嘭嘭嘭......
嘭嘭嘭嘭......
幾個逃走的市民被軍人擊中跌倒，但軍人在馬路中央追趕，沒有遮擋，也都中槍倒下。
陳sir招一招手，伍少國、夏理基兩個警員從左右兩邊上前，林志剛、李顯明、屈遠標和石山聰也跟上，幾個人三爬兩撥，將政府軍身上的裝備都卸下來。




有兩個人從逃走的市民人堆中爬起來，似乎只受了輕傷，見有其他人在，連忙走了過去。接着又有兩個人掙扎着，林志剛把他們扶起來。
「你有無受傷?」周偉峰問。
「無事，皮外傷啫。」年約五十歲的男人答。
「我係陳sir，而家帶住大家離開，想唔想跟埋嚟?」
「好，小姓余，叫我日明得啦，佢係我個女文詩。」他指着旁邊大約20歲的女子說。
「我地都跟埋嚟，」另外兩個逃走的居民說，「多個人多個照應。」
伍少國把槍分給四人：「拎住枝槍，我教你地點開槍。」
林志剛說：「此地不宜久留，政府軍一定會嚟睇發生咩事，快d走。」

眾人轉入達之路向南走，路很靜，街上有不少雀鳥三五成群的散步。




林志剛說：「附近無人。」
李佩欣道：「大佬，你咁都知?」
林志剛說：「條街咁多雀仔慢行，即係話一段時間無人係度活動，我睇佢地應該集中晒係又一居入面，只要唔驚動佢地，呢程路應該安全。」
「咁都知，真係來自車臣的你。」李佩欣道。
林志剛說：「唔好以為車臣好亂，其實好和平，近年仲起咗好多超現代建築物，你有上高登睇旅遊版就知。講亂我地呢度仲大鑊，直頭有d似內戰時嘅蕯拉熱窩。」
薩拉熱窩原是南斯拉夫首都，分裂內戰時飽受戰火摧殘，人民為了生活被逼全副武裝，過着晝伏夜出的日子。
德雅、陳樹渠兩所中學都人去樓空，轉入斜路，左方是花墟公園，右方是住宅，都較馬路為高。李佩欣真心希望林志剛講中，因為在這裡埋伏，他們必定十死無生。
附近樹木沒有異動，也沒有雀鳥成群起飛的現象。眾人屏息靜氣，小心奕奕的前行，很快就到達之路與大坑東道的交匯處。
前方是大坑東遊樂場，如要前往警察體育會，應該左邊轉入界限街前進。