【高登英雄世紀】Golden Heroes Universe　: 第七話 (一)

第七話（一）
角色：雪哈拉莎德、灰棍、Secret Operation Society


Ivan 繼續係學校入面扮演透明人既角色。當佢望到枱後面既空櫈，佢仍然好難相信噚日一切發生既事。係疏離既關係入面，同學間根本唔會在意失蹤既同學去咗邊度，但肯定既係，係更衣室目睹一切既另一位同學同樣被消失。


雖然我唔想相信一切發生既事，我想去證明所有野都係幻覺，呢個世界無怪物，無巫女，無同學被殺．．．　






但實際情況就係要迫人去接受現實，我身後既一班不良同學拎起新買既一個雞蛋體積咁大彈彈波，準備掟向我既後腦嚟搏取女同學歡心，我潛意識下知道我避唔開，我亦都唔需要避．


當彈彈波接近我頭部五厘米既一刻，影子一下將波打回去，彈彈波一下打到本來掟向我既嗰位同學，但佢最後都成功引起女同學發笑，只不過係恥笑。


放學後，我如常換上我灰色既衞衣，但我發現衞衣背面被人用油漆寫上　


「　ＡＳＨ　ＣＵＤＧＥＬ　」






我知道除咗佢，無邊個咁得閒做啲咁既整蠱。


我一邊行出學校門口，一邊發現身旁既影好活潑跳住咁走動，究竟我會唔會以後都唔再孤獨，做咩事都會多咗一個影監視住我，即使做最私人既事嗰陣．．．


差唔多五點鐘，學校既人已經全部都走晒。但門外泊住一部 從未見過既長身豪華房車，一個着西裝既男人由車上面走落嚟，係佢隔離係一個同我差唔多年紀既少年，個少年向起手指着我。






如果我無認錯，嗰位少年應該就係噚日更衣室見到朋友變成怪物，然後瞬間離開既嗰一位，佢指住我既呢個動作我都知道凶多吉少，我即刻轉身就向另一個方向逃跑，跑咗大約二十米，我前面就出現一個身材極高大既男人。佢雙手雖然被鐵鏈鎖起，但仍然一手將我舉起。


係掙扎既瞬間，我從書包拎起亞木漏低既嗰把匕首，一下拋落地下，身後既影子隨即接上，一下斬向捉住我既手，佢頓時將我放開。



此時，着西裝既男人凝視着鎖鏈男，細聲說下命令

「　限制解除　」

然後鎖鏈男動作變得瘋狂，一手扯開手上既珈鎖變成兩條長形既鐵鏈。佢用鐵鏈不停向我鞭打，影子奮力用匕首擋隔，但影子同我加埋根本唔係佢既對手，佢每一下鐵鏈都將附近既石屎牆打碎，我需要盡快逃走。






「　呢面啊，灰棍！　」


一架的士正係我後方十米既馬路出現，的士上呼叫我做灰棍既就係噚晚認識既巫女－雪哈拉莎德。


呢一刻我都唔理得咁多，因為的士司機見到恐怖既鐵鏈男似乎唔想停車。

我拼命咁跑向的士，身後既影子幫我拖延時間，最後我成功走入的士車廂。影子一下將匕首拋過嚟，正正插住我個書包。


「　好危險，好在一隻老鼠話我知有人跟蹤你，我先知你係度，我噚晚通宵無訓，查到好多關於藍寶石同埋亞木既資料，我諗我地要搵更多人幫手將佢救出嚟，


成立一個黃金英雄聯盟　－　ＧＯＬＤＥＮ　ＨＥＲＯ　ＵＮＩＴＥＤ






諗起都好興奮啊！好興奮！好興奮！


而你就係第一個英雄　－　ＡＳＨ　ＣＵＤＧＥＬ　灰棍，係你件衫話我知佢鍾意呢個名。」



呢個時侯，我只係得一個表情，雙眼睜大，口合唔埋。









鐵鏈又再次緊扣係手，與西裝男一同走回房車，西裝男除下眼鏡，他正是Faker

「　估唔到會遇到一位異能人，藍寶石一定要清除所有阻礙教義發展既人。少年，你做得唔錯，幫我地搵到一個叫做　ＡＳＨ　ＣＵＤＧＥＬ　既異能人，但你既任務已經完成」


Faker 凝視着少年，然後少年拿起袋裏既鉛筆，一下刺入自己頸部。




第七話（一）完