我的臥底日記: 第四節

今日係2月20日,不知不覺間..原來我已經做0左卧底半年… 
我已經由一個泊車仔…變0左做幫人做送貨..
當然送貨..唔係順豐速遞送貨啦..… 
而我而家係負責運送毒品.. 
不過講真送一單..0既錢其實都唔少… 
例如我一單貨..價值50000..我從中可以抽10%.. 
即係送一哩貨..我已經執到5000蚊,
你都咪話唔和味… 
雖然我所得0既收入..都會報返上苗SIR…
 




先講下D..題外話… 
我平時做”送貨”…平時都係送俾d好食難飛0既富二代.. 
間唔中送下d貨俾d明星仔… 
(明星仔..真係明星仔…大明星…唔到我哩個LEVEL送)
當然我唔會係到爆俾你聽邊幾個明星仔啦…
就算我係到爆邊幾個明星仔..我估你0地都唔會信..
因為現實生活0既佢0地…同電視/電影..太大差別啦.. 

或者你0地又會問..點解D明星仔或者d富二代..咁鐘意吸毒.. 
其實我都有8掛下..我都問過佢0地哩個問題…… 




佢0地d答案..都外乎個幾樣… 
“大壓力””招呼朋友””人食我又食””唔食有咩做”哩d答法… 
我到而家哩一刻都唔明點解佢0地要咁做…
或者佢0地雖然有名有利.. 但其實個個都空虛..寂寞啦… 


 
你0地又可能問..你送貨咁多次..無試過出事咩? 
無俾人拉過?無俾人逗過咩?搜過身咩?
我答你有…但你唔好忘記我之前做邊行..




我當然識得走位啦!
或者我分享一次我係蘭桂芳送貨0既經歷..
 
 
 
 
 
 
 
 
回想起個一次送貨經歷..
個日收到白粉強ORDER..要我送貨去去蘭桂芳d club …
(個次係一個明星仔開PARTY…我要去中環某間鐵竇送貨)
 
突然間我聽到好熟悉0既語調叫我..




「0靚仔企係到…」
我潛意識叫我跑..但我知一跑就仆硬街…
所以用意志力禁住0左我個反應…
 
差人好撚惡0既語氣: 「咁夜係到做咩?」
頂你個肺呀?咁夜係中環..梗係去蒲…唔通我去圖書館呀?
咩而家0岩0岩出0黎學堂原來都唔洗通過智力測驗架?
定係原來而家d差人都係請晒d毒撚..唔出0黎玩?
雖然當時我勁想咁串佢..但我當時有幾萬蚊貨係身…
我唔可以咁串…唔係一陣間為左啖氣..俾人拉鳩0左…咁我就”金翅仆街鳥”..
而家最緊要諗點樣過骨..唔洗俾佢搜身…唔洗俾佢拉…
 
 
 
 




 
 
 
 
 
 
 
 
 
 
 
 
 
 
 




 
 
好在我之前擁有一年0既行咇經驗..
我知扮大陸人一定無事..
點解我知扮大陸人會無事?
因為當年我熟讀晒所有行咇指引…
(我突然覺得自己行0必行0左個一年..係無白費)
我記得當時個行咇指引..係盡量唔好搜鳩大陸人身..尤其係D自由行
點解?係因為上頭驚我0地隨時唔小心搜到d大陸高官..搜鳩到d富二代…
你都知d大陸高官,d富二代幾撚閪煩架啦…
如果你搜到d高官身,官二代,大陸d富二代..
佢0地一個唔滿意..就會投訴…
你知俾到d高官投訴..d警察高層就至撚驚..
萬一俾人投訴之後..佢0地無得退休返去撈返一官半職點算呀?
所以平時行咇佢0地都叫我0地盡量唔為難d大陸人…




所以你地而家明白點解中環,灣仔個頭..d私家車亂鳩咁泊..違例泊車…
d差人都唔會去抄牌0既原因啦!
 
 
 
當時我試圖北京腔盡量扮一個大陸自由行:「你好…公安大哥!!」
差人試圖用佢好爛0既普通話同我講: 「你…做…什…麼..的..」
我依然操滿口流利普通話:「公安們..我是來買東西的...」
差人依然好爛0既普通話同我講: 「這麼晚在蘭桂芳附近有什麼買?」
係WOR…咁撚夜…而家成1點半..我做自由行…
買0野?!而家仲有咩0野買?
買白花油?邊鳩到搵到間藥房仲有開…
哩獲閪啦..捉虫入屎忽…!
點解我會無啦啦講買0野… 哩舖真係棋差一著…
我滿面尷尬地說: 「當然有啦…………..」
正當我腦海係咁搵各種籍口解釋0既時侯…
突然俾我望到眼前有間莎莎仲未閂門…
不過點解1點半..莎莎仲未閂..?
唔鳩理啦… 過到骨我理撚得你半夜3點都未閂..…
我指住面前黃光十色0既莎莎招牌: 「你看..我就是來莎莎買東西哩…買什麼香奈兒香水給我女朋友…」
差人突然變得好親切: 「香奈兒香水?不錯呀不錯呀!!好吧好吧..不阻先生你時間..香港歡迎你!」
 
 
 
平時我會好憎大陸0既自由行
但經過今次經歷之後..我就開始感激佢0地…
因為佢0地係我犯法0既護身符….
無佢0地幫助…我0既臥底生涯可能就會從此完結….
 
我真係係到講聲感謝黨…呀…唔係感謝內地人先0岩..
真的沒有你們…我這個香港臥底真的完旦了…