衝動性.行為: 第十六節

加幅咨詢，還有草擬大維修顧問的標書。
 
草擬標書並不太難，一般管理公司早已有一份Template讓其他同事跟從或使用，緊接的便是交予法團成員過目和核准後作公開招標，亦可以說現階段在處理大維修事項的工作並不太繁重。
 
「鈴……鈴……」突然間，桌上的電話響起。
 
「你好！美麗花園管理處，我姓詹，請問有咩幫到你？」我如常的說出了標準語句，而一如所料的來電者是公司分區經理曾生，我相信他來電的目的是要責備我昨晚在會議內的態度。
 
曾生不客氣的說：「阿詹，你癲撚左呀？昨日有住客打電話黎投訴你態度唔好，又叫住客搵老廉，你點解釋呀？」
 




聽到曾生的粗言，我內心不禁一怯，慌忙解釋道：「我唔係態度唔好，我只係據理力爭，同其他住戶講道理啫，你可以問下其他法團成員，問下施主席，好在有我響到幫手解圍，如果唔係昨晚件事就好大獲架啦！」
 
「大獲？而家唔慌唔大獲啦！十幾個住客投訴，佢地話你發脾氣擺官威，我吊你！你之前跟邊個架？咁撚樣出黎做野既？而家啲客話要唔再見到你，你答我！我應該點撚樣處理！你教我啦！我而家唔撚知點處理呀！」曾生在激動的責罵著。
 
「其實昨晚既情況，如果我唔係咁做就真係收唔到科……」
 
「收唔到科？你第一日出黎撈呀？你食屎大架？昨晚咁既情況，管理公司緊係唔出聲，由得法團同住客自己打生打死咪得囉！屋苑大維修關我地管理公司撚事呀？你用下個腦啦！你昨晚以為自己係蝙蝠俠呀？以為自己好撚型呀？」
 
「曾生……不如你問下法團成員既意見，又或者問下施主席佢既意見，佢地對我昨晚既表現好滿意……」
 




「好在施主席讚你，如果唔係我抄撚左你啦！你醒醒定定！你未過試用期架，唔好要我做野呀！」
 
「知道，我會留意下架啦……我可唔可以知道邊個人投訴我？咁我下次見到佢地既時候，可以招呼得佢地好啲……」
 
「我轉頭發個電郵俾你！你自己睇路呀！明白未？」曾生以恐嚇的語氣說著。
 
「我明白架啦！唔好意思，曾生！我會留意下！」
 
緊接，是曾生清脆的掛斷電話聲：「咔察！」
 




死狗！
 
面如死灰的死狗！
 
那管昨晚在法團會議是如何扭轉乾坤，在高層面前我也只是一個可憐的應聲蟲。
 
任自己是多麼的有大志也好，是多麼想扭轉住戶對管理公司的觀感也好，在總公司或高層面前，彷彿未經陪審團商議，或未有自辨的機會下，我們已經被判死罪，被判下「莫須有」的罪名。
 
保安部主管黃正才神情凝重的行到我面前問：「詹生，俾曾生罵完呀？」
 
對於同事的問候我有點感動，我勉強的擠了一點笑容回應：「俾曾生罵？唔係呀，我只係諗緊商場啲野點跟啫，你知啦，我得一個星期時間，而家諗緊辦法。」
 
撒謊，並不是因為我要面子，怕被人知道我剛被曾生訓示完而面如死灰。我只認為自己作為屋苑主管，實不必要把負面情緒宣揚開去，作為這艘戰艦的船長在作戰期間，需要的是勇往直前，而不是表現得毫無頭緒，方寸大亂。
 
想起了還要處理商場漏水一事，我說：「阿才！你坐低！我有啲野想同你傾傾。」




 
阿才坐在我辦公桌前說：「詹生，你係想問關於商場既事？」
 
「可以話俾我知所謂既‘黑社會’勢力究竟有幾大，而之前我地試過用咩方法去整條游，而又被佢地阻止？」
 
阿才嘆了一口氣：「成件事要由一年前，法團第一次接到投訴開始講起。」