衝動性.行為: 第八節

六位美麗花園業主立案法團成員和管理處共五位代表，正式宣佈會議開始。
 
依次序是跟進上次會議記錄，而管理處則對屋苑管理事務作出匯報，這部分很順利，其他人一致通過下便到下一個議題，會所泳池救生員及保養合約。
 
「管理處響早前委員成員既監管之下，於標書截止日期後既翌日開啟標書，並已經為標書裡面既報價做出分析。今年既泳池合約較上年上升大約20%，而最低標既依次序係藍豐，A&P，豐寶，永樂，恩沾記。大家可以睇一睇手上既文件。」
 
「管理處既建議係選用邊間公司？」陳小姐問。
 
「我地建議選用第二標既A&P，佢地係屋苑上年泳池合約既承辦商，表現同價錢亦都合理......」
 




施主席說：「但佢比我地既第一標價錢相距多左10%，點解我地唔選擇藍豐？」
 
「藍豐所報既價錢的確比其他公司為低，相對地救生員既人工亦係咁多間公司裡面最少既，過去呢幾年康文署既救生員經常罷工，康文署就出高價響市場上面搶人，如果人工太低，我怕到時開池既時候搵唔到救生員返工。」
 
廖牧師問：「咁救生員上年既工作表現係點？我情願出較高既價錢去請啲有質素既救生員，咁屋苑既住客游水先會放心。」
 
由於上年度泳季我還未在美麗花園上班，所以救生員表現部分，我交予林靜兒回答，她說：「救生員既表現可以叫做不過不失，而且去年時間基本上沒發生過甩更情況，我覺得表現可以接受.....」
 
此時，一個四眼男住客卻從人群中大叫：「唔係喎！我上年游水見到救生員響更台度瞓著左，有時候又玩電話同聽歌，我真係唔同意你地管理處所講，救生員既表現可以接受喎！」
 




面對著被人公開質問，林靜兒一時間不知道如何是好。
 
我低聲問阿健：「之前法團會議裡面，法團有冇設定到議事規則架？」
 
阿健低聲回答：「冇架！之前因為冇人落黎，所以一直都冇設定到議事規則，如果有人旁聽，佢地會叫埋旁聽既住客一齊開會，話可以聽多啲住客意見。」
 
「天真！真係太天真！」我心中暗道。
 
施主席說：「咁呢位住客，你對於改善救生員既工作表現又有咩睇法呢？」
 




也許覺得自己被受尊重，四眼男住客趾高氣揚地大聲向旁聽的住客道：「治亂世，用重典！如果救生員既表現真係咁差，我地就罰佢地錢！當值睡覺扣五百元，講電話扣一百元，救生員知道自己犯錯會被人扣錢，咁佢地就自然會認真工作！大家話係咪！？」
 
「好！講得好！」
「呢位先生有講野有遠見呀！」
「一早就應該咁做啦，我地俾錢請佢地，佢地緊係要俾足服務我地啦！」
 
旁聽住客的讚賞聲始起彼落。
 
不知怎的，我總感覺到現場環境隨著剛才男住客的說話開始產生了微妙的變化，直覺上告訴我，法團成員和管理處現正處於劣勢。
 
同屬行家的委員林先生此時道：「既然呢位住客有咁既意見，我地不如叫佢地黎做一次Tender Interview，到時講返我地既要求出黎，睇下對方接唔接受囉。」
 
四眼男住客聽罷自己的意見被接納，面露喜悅的回到自己的坐位。
 
住客不明白，他們天真的以為救生員比現好壞，責任在於管理公司。我同意部分上我們需負上一定責任，只是現在新建成的樓宇大部分均設有泳池，每到夏季各大泳池公司均要在行內搶人以符合食環署的牌照條例，亦此，不要說聘請高質素的救生員，某程度上有救生員返工已經叫萬幸。




 
再說，現時救生員大部分均為兼職或學生哥，如果沒有室內泳池吸引救生員作長工的話，每年返工的救生員均是新面孔，什或至天天也可以有不同救生員上班，所以在管理救生員質素上我們是有一定難度。
 
為此部分來個總結，我向林靜兒說：「咁靜兒你記住林生同埋之前位住客所講，約晒所有泳池承辦商黎開個Tender Interview，到時我地再邀請其他委員列席。」
 
「明白，詹生！」