[真人真事]那些年錯過的愛情: 中三５７

「啊飛！接住！」我大叫著啊飛的名字 

　　我在中場遭兩個防守者夾擊，立即把球傳落站在底線的啊飛。啊飛在底線三分線接了球後便立即出手，最後應聲入網。啊飛回來防守時，我伸出手掌與他拍一下 

我：「好波喎，咁快出手都入到」我拍一拍啊飛的手 

啊飛：「輕鬆到仆街」佢細細聲地說 

　　比賽進行到第四節，我同啊飛就坐左係場邊休息，比後備球員出場。由於我地出面呢隊波參加左一個十六歲以下既比賽，收左好多新力軍加入，當中也包括了北仔。我同啊飛兩個老臣子就成為球隊主力。呢一場決定能否入八強既比賽，比我想象中贏得輕鬆。比賽過後，比我們大幾年的教練啊豪把我們集合後便開始訓話。由於大家年齡相近，所以沒什麼隔膜。 





啊豪：「啊飛，你入左幾多球三分？」 

啊飛：「四粒呀好似」 

啊豪：「啊傑，你呢？」佢笑著問 

我：「三球囉...我估到你想串我輸比啊飛架啦...」 

啊豪：「比你個衰仔估中tim....唔玩啦，講下大家今日要注意既地方我就放人啦....」 





------------------------ 

啊豪：「我無野講架啦，有問題就留低啦！下星期八強你地要keep住團火！」 

「好！！」 

　　出到體育館外，啊飛同北仔就提議返我地主場再打波。於是我就打算打電話詢問一下啊媽，怎知一打過去就聽了一個壞消息。 

啊媽：「你老豆...今朝入左醫院呀...你依家黎啦」 





我：「下？咁突然？我依家過黎啦」

　　我離開體育館後便立即趕去醫院。當我去到醫院病房，已經見到老豆換左衫訓左係病床上。我入到病房後見到啊媽，便立即走過去 

我：「發生咩事？做咩無啦啦入左醫院？」 

啊媽：「你老豆話個肚同Ｄ骨好痛，忍左好多日先出聲話要入醫院...岩岩醫生幫佢打左支麻醉，依加先精神Ｄ」 

我：「做咩唔打比我？搞到我依加先黎」我激動向啊媽說 

老豆：「咁你比賽...唔想你擔心姐，遲小小話比你知都得」老豆在床上笑著說 

我：「做咩身體頂唔到..依加先肯入醫院？」 

老豆：「我以為我支持到姐....仲有今次入得黎應該出唔返去」佢苦笑著說 





　　我聽到後一言不發，只靜靜地坐左病床旁邊，伸出手掌握緊啊爹的手。當晚回到家我便致電給思蓓，打左幾次都沒有人接聽。 

　　「唔通佢仲未返香港？」我心中想著 

　　為左求證呢件事，食過晚飯後我就踩左架單車去思蓓屋企。只見她屋企不像平時一樣開了門口的燈，按了門鐘也沒有人回應。按了多次門鐘發現沒有人開門我才離開。走左之後，我就自己一個人係橋上看著街景。一想起近日發生的事，眼淚又開始出現了。 

　　近日的一連串壓力真的令我不知所措，當我想搵人分擔時，第一個人就會想起思蓓。但係今日我竟然搵唔到佢，佢就好似消失左係世界一樣。今天，我在天橋流的眼淚，一半是為老豆，一半是為了思蓓。 

　　「現在的我，真的很需要你...你快點回來我身邊支持我...好嗎...？」