[真人真事]那些年錯過的愛情: 中三１９
我拿起手機，像以前一樣純熟地按了幾個數字鍵回覆她
我：「比人追斬緊」
不用一會，啊君便回覆了我的訊息。她的回覆還是像從前一樣快。於是我一邊行去搭車一邊同佢SMS傾計
啊君：「比人追砍？搞咩？」
我：「今日有個班際常識問答比賽，我同個矮仔上台做代表幫自己班拎左第一名。我地依家得罪左拎唔到獎既人」我一邊打一邊笑
啊君：「下，真架！？點解既？」她看似相信了我的說話
我：「講笑姐...你做咩會黎左我學校呢面？」
啊君：「又呃我...頂！因為我約左朋友出黎傾計」
我：「哦...你仲有冇食煙？」
啊君：「緊係有啦，遲Ｄ再傾」
今日啊君搵返我，但當晚佢無再搵我，應該只是純粹見到我先同我傾一陣計同唔想回應食煙呢個問題。
最近，思蓓差唔多每日都會打去我屋企電話同我傾計。佢仲約左我一星期後放學一齊出觀塘，陪佢去親戚屋企拎Ｄ野。對於思蓓這個要求我當然答應佢。但至於拎Ｄ咩野，我就唔多清楚了，我亦都無追問佢。
呢一個星期入面，我仍然好似以前咁返學，上堂睇書同啊竹啊山傾計。有一日放學前，天SIR就係班上宣佈一件事
天SIR：「放完聖誕假就係上學期考試。今次我決定班上面考到頭十名有得簡一個同學陪你坐。換言之，姐係有十個同學可以簡人同你坐。有冇人有意見？」
大家聽完就係到起哄，好明顯呢個消息太吸引。因為考十名以下既都可以叫頭十名比較熟既同學簡同佢地坐。由於我同啊竹上次考左頭十名，好多人叫我同啊竹簡佢地坐。
啊山：「我考尾幾喎，你地其中一個會同我坐？」佢捉住我同啊竹
啊竹：「得啦，我簡同你坐。啊傑簡同啊森坐」佢好有自信地說出
啊山：「竹哥你考第一名當然冇問題。傑哥有無問題？」
我：「嗯...上次我都有頭十名，今次應該都得」
放學前五分鐘，班上面既啊螢傳左個訊息黎
啊螢：「點呀頭十名，不如一齊坐呢」
我：「你咁巴渣，有頭十名都唔同你坐」
我望向佢個位置，見到佢係櫃桶睇完個訊息後，佢好有殺氣咁啤去我到
啊螢：「唉，得晒。唔識人」
我：「睇下點先啦」
呢一日放左學之後，大約返多一星期左右學就放聖誕假。我要陪思蓓出觀塘前一日，係面書比我見到啊希的近況有所更新。雖然只有四隻大字，但卻有過百讚好。
「日久生情？」
望到呢四個字，唔係聯想到啊洪，我只係聯想到張權。因為啊希係籃球隊個MSN群組講左要準備溫書，現實啊洪由十月開始慢慢同啊希無玩得咁埋，仲聽到北仔講佢有新對象，只不過唔知係邊個。我望到呢個近況覺得佢有心愛既人，但係我無傷心的感覺，係咪我已經唔愛啊希了？如果佢搵到一個有膽量既男仔同佢拍拖，我會祝福佢。但如果係張權呢隻四隻吳尊做佢男朋友，我寧願啊洪當初一早食左啊希佢算。
第二日放學之後，我就係指定時間到左巴士站。但當我到左巴士站果陣，就見到思蓓企左係到等我，佢係一個十分守時既人。一個紮高馬尾高高地既著校服女仔，果然係人群中十分易認。我行埋去打左個招呼後就等上車。去緊觀塘果陣，我問思蓓有咩拎，但佢都唔肯講。
我：「搵我出到咁遠有咩做架...拎咩姐」
思蓓：「你咁八掛架，幫我搬Ｄ野囉..」
我：「搬野？有冇錢收架？」我講笑咁講
思蓓：「你搬得開心我就請你食糖水」佢笑左一笑
「屌，搬野都有分開心都唔開心？」
經過左唔知幾耐既車程，轉左兩次車。終於到左思蓓親戚屋企，由於唔知佢親戚係咩野人，怕羞之下我就企左係佢後面比較遠既位置。當佢親戚開左門後，我發覺開門既唔係佢親戚，係思蓓媽咪。
思蓓媽咪：「黎左啦？咦，你搵左傑仔黎呀？」經過外賣仔一事佢已經知我咩名
我：「你好伯母」
思蓓媽咪：「入黎先啦，都幾多野拎」
入到屋之後仲有一個姨姨同一個四五歲既細路女坐左係到。我同姨姨打完招呼後就坐左係到。姨姨同思蓓兩母女就係桌上唔知搞緊Ｄ咩。我就同個細路女坐係到睇套放學ICU。睇緊果陣佢仲係隔離捉我件衫
「哥哥...你遮住左我睇電視」
我：「你叫我靚仔我就同你換位」
細路女：「靚仔哥哥」
呢個時候，思蓓就渣住一大袋野行埋黎。
思蓓：「痴線..教小朋友講大話」佢笑住同我講
我：「我係到訓練自信心姐...」
思蓓：「走得啦，你拎住呢袋野啦」佢比左一大袋野我拎
我：「哇！好重呀。你唔洗拎？」
思蓓：「我要拖我表妹呀，返我屋企前都係要你拎架啦」
我：「下？拎呢袋野去你屋企？拖埋你表妹？姐係你表妹要去你屋企？」
思蓓：「係呀，上到車慢慢講啦」
我：「比人追斬緊」
不用一會，啊君便回覆了我的訊息。她的回覆還是像從前一樣快。於是我一邊行去搭車一邊同佢SMS傾計
啊君：「比人追砍？搞咩？」
我：「今日有個班際常識問答比賽，我同個矮仔上台做代表幫自己班拎左第一名。我地依家得罪左拎唔到獎既人」我一邊打一邊笑
啊君：「下，真架！？點解既？」她看似相信了我的說話
我：「講笑姐...你做咩會黎左我學校呢面？」
啊君：「又呃我...頂！因為我約左朋友出黎傾計」
我：「哦...你仲有冇食煙？」
啊君：「緊係有啦，遲Ｄ再傾」
今日啊君搵返我，但當晚佢無再搵我，應該只是純粹見到我先同我傾一陣計同唔想回應食煙呢個問題。
最近，思蓓差唔多每日都會打去我屋企電話同我傾計。佢仲約左我一星期後放學一齊出觀塘，陪佢去親戚屋企拎Ｄ野。對於思蓓這個要求我當然答應佢。但至於拎Ｄ咩野，我就唔多清楚了，我亦都無追問佢。
呢一個星期入面，我仍然好似以前咁返學，上堂睇書同啊竹啊山傾計。有一日放學前，天SIR就係班上宣佈一件事
天SIR：「放完聖誕假就係上學期考試。今次我決定班上面考到頭十名有得簡一個同學陪你坐。換言之，姐係有十個同學可以簡人同你坐。有冇人有意見？」
大家聽完就係到起哄，好明顯呢個消息太吸引。因為考十名以下既都可以叫頭十名比較熟既同學簡同佢地坐。由於我同啊竹上次考左頭十名，好多人叫我同啊竹簡佢地坐。
啊山：「我考尾幾喎，你地其中一個會同我坐？」佢捉住我同啊竹
啊竹：「得啦，我簡同你坐。啊傑簡同啊森坐」佢好有自信地說出
啊山：「竹哥你考第一名當然冇問題。傑哥有無問題？」
我：「嗯...上次我都有頭十名，今次應該都得」
放學前五分鐘，班上面既啊螢傳左個訊息黎
啊螢：「點呀頭十名，不如一齊坐呢」
我：「你咁巴渣，有頭十名都唔同你坐」
我望向佢個位置，見到佢係櫃桶睇完個訊息後，佢好有殺氣咁啤去我到
啊螢：「唉，得晒。唔識人」
我：「睇下點先啦」
呢一日放左學之後，大約返多一星期左右學就放聖誕假。我要陪思蓓出觀塘前一日，係面書比我見到啊希的近況有所更新。雖然只有四隻大字，但卻有過百讚好。
「日久生情？」
望到呢四個字，唔係聯想到啊洪，我只係聯想到張權。因為啊希係籃球隊個MSN群組講左要準備溫書，現實啊洪由十月開始慢慢同啊希無玩得咁埋，仲聽到北仔講佢有新對象，只不過唔知係邊個。我望到呢個近況覺得佢有心愛既人，但係我無傷心的感覺，係咪我已經唔愛啊希了？如果佢搵到一個有膽量既男仔同佢拍拖，我會祝福佢。但如果係張權呢隻四隻吳尊做佢男朋友，我寧願啊洪當初一早食左啊希佢算。
第二日放學之後，我就係指定時間到左巴士站。但當我到左巴士站果陣，就見到思蓓企左係到等我，佢係一個十分守時既人。一個紮高馬尾高高地既著校服女仔，果然係人群中十分易認。我行埋去打左個招呼後就等上車。去緊觀塘果陣，我問思蓓有咩拎，但佢都唔肯講。
我：「搵我出到咁遠有咩做架...拎咩姐」
思蓓：「你咁八掛架，幫我搬Ｄ野囉..」
我：「搬野？有冇錢收架？」我講笑咁講
思蓓：「你搬得開心我就請你食糖水」佢笑左一笑
「屌，搬野都有分開心都唔開心？」
經過左唔知幾耐既車程，轉左兩次車。終於到左思蓓親戚屋企，由於唔知佢親戚係咩野人，怕羞之下我就企左係佢後面比較遠既位置。當佢親戚開左門後，我發覺開門既唔係佢親戚，係思蓓媽咪。
思蓓媽咪：「黎左啦？咦，你搵左傑仔黎呀？」經過外賣仔一事佢已經知我咩名
我：「你好伯母」
思蓓媽咪：「入黎先啦，都幾多野拎」
入到屋之後仲有一個姨姨同一個四五歲既細路女坐左係到。我同姨姨打完招呼後就坐左係到。姨姨同思蓓兩母女就係桌上唔知搞緊Ｄ咩。我就同個細路女坐係到睇套放學ICU。睇緊果陣佢仲係隔離捉我件衫
「哥哥...你遮住左我睇電視」
我：「你叫我靚仔我就同你換位」
細路女：「靚仔哥哥」
呢個時候，思蓓就渣住一大袋野行埋黎。
思蓓：「痴線..教小朋友講大話」佢笑住同我講
我：「我係到訓練自信心姐...」
思蓓：「走得啦，你拎住呢袋野啦」佢比左一大袋野我拎
我：「哇！好重呀。你唔洗拎？」
思蓓：「我要拖我表妹呀，返我屋企前都係要你拎架啦」
我：「下？拎呢袋野去你屋企？拖埋你表妹？姐係你表妹要去你屋企？」
思蓓：「係呀，上到車慢慢講啦」