[真人真事]那些年錯過的愛情: 中三１８

我：「屌，又係張權呢條仆街仔」 

啊山：「唔..係喎」佢拉一拉我衣服 
啊森：「中六坐中間果個？做咩話佢」一向八掛的啊森問出 
啊山：「無野無野，望上面啦」 

　　啊山以為我講呢句係因為上次係六樓件事，其實我只係純粹唔想見到呢個四眼仔。佢拉一拉我件衫示意唔好再講。自從佢上次係殘廁妹面前講左句大獲之後就一直提心吊膽，作賊心虛驚得罪左高中既人。我地兩個更協定呢件殘廁事件唔可以對任何人講，包括班中好兄弟啊竹。 

　　台上問答比賽開始左之後，司儀就問每班代表二十條問題，一條十分。當問到啊魚果班，佢地就暫時以最高分的一百八十分領先。最後問到張權果班既時候，呢條外校生張權差唔多條條問題都秒殺，呢條友擺明做過資料搜集先黎。最後張權果班中六更答岩全部問題，台下中六中七個面就傳黎雷鳴般既掌聲。有Ｄ人仲係台下大聲讚佢。 





「中六吳尊！！好野！！」 

啊山：「收皮啦，吳尊帶眼鏡架咩」佢笑住同我講 
我：「長頭髮就似架啦，咁撚認真做咩」 

　　去到問答比賽最精彩既搶答環節，就係中五同中六既戰鬥。當司儀問完問題，啊魚同張權就係到禁鐘搶答。台上三班只有食花生的份。當問到最後一條問題果陣，啊魚同張權個班分數一樣。台下既我仲興奮過睇籃球比賽。呢一條問題，就係決勝負既關鍵。一諗起張權贏左之後個囂張樣，我就好想啊魚做低佢。 

　　點知最後呢條問題問完之後，張權個班比啊魚個班更快禁左個制。最後張權個班仲答岩左，成為呢個問答比賽既冠軍。宣佈佢個班係第一名後，台上既張權立即顯露出一個囂張得戚樣，仲要撥一撥自己把長髮，見到條友咁串就引起我極度不滿。 

　　放學後，我同啊單企左係走廊望向地下籃球場傾計。傾傾下見到啊嘉係前樓梯跳下跳下咁走埋黎。 





啊嘉：「啊單啊傑，你地企係到做咩？」

啊單：「我屌你個仆街仔，差我錢唔撚還！？」佢無啦啦踢我 
我：「做咩尻呀？」 

　　當我望向啊單，啊單就打左個眼色，我估佢意思係叫我快Ｄ走 

我：「哦...你講緊我差你Ｄ錢呀？我無錢還呀」講完我跑走 
啊單：「丫你個仆街仔。差我錢唔撚還？？」佢開始追住我 





　　我地笑住跑緊去後樓梯果陣，聽到啊嘉係走廊大叫 

「搞錯呀！你地去邊呀？」 

　　跑到落地下，我同啊單坐左係操場。 

我：「屌...岩岩我地應都無應佢，會唔會狗左Ｄ」我喘著氣問 
啊單：「佢好撚煩呀。呢排MSN係咁搵我，我就黎封撚左佢」 
我：「佢搵你傾Ｄ咩？？」我好奇問一問佢 
啊單：「屌，著通傾計姐...返屋企啦不如」 
我：「唔打波？好早昨喎...」 
啊單：「唔...我有Ｄ野做...行啦」 
我：「好啦，我陪埋你走」 





　　當我地行到出學校門口，啊嘉又係後面叫我地 

「啊單！啊傑！」 

啊單：「屌你差我錢！」啊單又重施故技 
我：「無錢還呀！」我笑住跑走 
校工啊姨：「唔好講粗口呀同學！」 

　　我同啊單跑到去學校附近一間便利店就各自回家。當我同啊單分開後行左一段路，電話震左一震，收到了一個訊息。 

「做咩你同個矮仔著住校服周街跑架...」 

「啊君？」　呢個電話號碼傳黎既訊息，好耐都無見個