[真人真事]那些年錯過的愛情: 中三１５

過左一個星期左右，我返學仍然帶住思蓓比我果條手鏈。就算返學，打波我都無除個。學校岩岩考左第一次中期測驗，今年第一次測驗成績竟然大幅進步，由上年全班二十多名躍升到全班頭十名，呢個分數令身邊既同學對我刮目相看。今次測驗成績亦超過我預期，不過英文仍然唔合格。 

　　有一日校隊要練波，準備最後一場既學界比賽。但我同啊山因為英文默書０分，放學就留左係課室罰抄生字１０００次。我地由朝早第一堂抄到放學五點終於抄完。抄完之後我就同啊山拎Ｄ改正上七樓教員室比天SIR。但當我地經過六樓果陣，聽到後樓梯傷殘廁所傳出聲音 

「唔..唔...啊...！」一種奇怪聲音由殘廁內傳出 

　　我望住啊山，手指示意佢去五樓一Ｄ隱蔽位置。我同啊山去到六樓前樓梯附近，我就問佢 

我：「聽唔聽到！？」 
啊山：「好似..有人係入面搞野...」佢講完係到淫笑 




我：「唔知邊個黎...」我在好奇著 
啊山：「你想知咩？對門好易開架昨喎」

我：「出面都開到架咩？？」 

　　啊山聽到我呢個問題，就係褲袋拎左個一蚊出黎 

啊山：「你拎住呢個一蚊，行去殘廁對住門口柄下面個中間位，咁就開到架啦」佢一臉專業地說 
我：「屌係咪架...我行到埋去果陣，佢地咁岩出黎我咪仆街？」我好驚咁講 
啊山：「去啦。開完鎖唔洗等，立即跑走」佢推住我去後樓梯 




我：「唉屌，你條仆街推我去死」 

　　我地兩個行埋去之後，啊山就用手勢教我開門，我拎住個一蚊硬幣卡左入個位後，吞左一下口水就扭左去右面。現在，殘廁的門比我打開了。 

「咔嚓！」 

　　對門開左之後立即比入面既人鎖返，入面更有一把男聲傳出 

「有人呀！」 





　　我同啊山行左去一個隱蔽位置等，睇下幾時有人出黎。由開左門果陣，我就緊張到流撚晒汗，啊山呢條仆街仲係到講風涼說話。 

啊山：「下次開完立即走啦！」 
我：「屌，仲有下次！？入面係足球隊班撚樣咁點算」我一邊抹汗一邊答 

「咔嚓！」 

　　我同啊山傾住計等左半個鐘，寧靜既走廊上終於聽到殘廁既開門聲。為左見呢對姦夫淫婦，我地不惜一切遲交罰抄，練波遲到。由殘廁出黎先係一個著住校服既男，呢個男出到黎周圍望。當佢望過黎前樓梯，我地就係隱蔽地方到見到佢個樣 

我：「屌...張權！？」

　　張權係入面行出黎！？我第一時間就諗，唔通同佢係殘廁搞野果個就係啊希！？ 

　　張權企左係後樓梯一分鐘左右，就自己一個落左樓梯。我地奇怪緊點解得佢一個出黎。當我同啊山諗住行去殘廁果陣，行到一半就再次聽到殘廁發出開門既聲音。我同啊山慢慢行，等呢個人行出黎。行到去後樓梯果陣，我地兩個就同呢個人撞到正一正。眼前呢個人係女仔黎，不過個樣就好生面口，應該係中六中七Ｄ姐姐黎。啊山見到佢竟然講 





啊山：「大獲...」 

　　我見到呢個女仔瞪大左隻眼望住啊山。我就拉左啊山上七樓教員室交左罰抄先。見到出黎呢個女仔唔係啊希，心入面竟然鬆一口氣。交完罰抄之後我地就落地下操場，我係落樓梯果陣不斷屌啊山。 

我：「屌你，差Ｄ出事呀！」 
啊山：「驚呀...你想我點姐...」佢笑住咁講 
我：「下次你咪撚搵我做呢Ｄ野！」我笑住向啊山講 
啊山：「明明你最認真！屌！」 

　　我換完衫之後就落左籃球場。由於張權單野玩左太耐，我練左十五分鐘就走得。解散個陣我見到啊希好快手咁執完個袋就走左。我見佢走得咁急，就拎起書包跟住佢行入操場。跟到去小食部果陣，終於比我見到啊希會合呢條超級大奸狗，呃蝦條之王－張權。為左保護籃球隊和平，我決定出手了 

我：「啊希，一齊返屋企啦不如」我笑住行過去 
啊希：「唔得啦今日...我約左朋友食飯，食完飯溫書。下次先！」 
我：「下...哦...」 
張權：「我地行啦？想食咩？」 





　　我望住佢地兩個慢慢離去。見到張權呢條仆街岩岩係六樓偷偷摸摸，依家又扮無野搵啊希。呢隻披著羊皮既狼，我一定要諗方法撕開佢既假面具。