[真人真事]那些年錯過的愛情: 中三１１
打左放學鐘，我就上左啊魚既樓層搵佢。上到佢果陣見到佢仲未落堂，我就企左係走廊等佢。企左一陣，啊魚果班就落堂。等到佢Ｄ同學差唔多走晒，佢就行出黎走廊搵我。我見佢出左黎就拎左個食物盒出黎。
我：「簡一舊啦，包你讚我」我打開食物盒
啊魚：「明明全部都一樣樣...有咩分別？」佢笑住咁簡左一件食
佢試食左一啖之後就讚我整得好好味。其實我都冇試食過，都唔知佢係咪講大話。我趁佢品嘗緊果陣，係褲袋拎左一支筆出黎，單手拎住係佢面前搖一搖。
啊魚：「做咩拎支筆出黎比我睇？」佢邊食邊講
我：「呢支筆...我暑假去台灣果陣買架，行過一間鋪頭見到就想送比你」我比左支筆佢
啊魚：「依家你先比我架？幾靚喎...仲有台灣兩隻字係上面，多謝！」佢笑住同我講
我：「我成日都唔記得要比你姐...順便祝你會考順順利利」
啊魚：「多謝晒，羅子傑！」
啊魚就黎食完果陣，啊嘉就係我地後面出現左。佢係食物盒拎左一舊蛋糕後就行走左。
我：「喂，做咩拎我Ｄ野食！？」我係走廊大聲叫佢
啊嘉：「無人叫你唔收埋個盒架！多謝晒喎！！」佢拎住行走左
我：「佢真係好狗...係啦，其實你憎唔憎啊嘉？」
啊魚：「唔好講人壞話啦，其實佢無咩野」
我：「係！？聽講佢呢排好似同啊希唔岩喎」我扮傻問啊魚
啊魚：「好似係，佢地係籃球隊無傾個計，無人知發生咩事」
我：「我以為你會知...仲諗住問下你」
啊魚：「唔知呀...傾第二樣野啦」
我同啊魚傾左一陣，佢就話要去補習要走先。我落到籃球場果陣又一個人都無。我又唔知點處理呢四件蛋糕。於是我就拎住袋野返屋企，行過街場果陣就比左一件粗口啊伯食，最後仲打左一陣波先返屋企。行去巴士站果陣，比我見到思蓓著住校服企係到等車。當時佢背向住我。我就決定玩一玩佢
我：「咪郁靚仔，打劫」我係佢身後說出
佢以飛快既速度轉身望向我，一見到我就「屌」左聲。咁耐無見，第一句就聽到佢用粗口問候我。
思蓓：「屌...你個死外賣仔嚇我！？」佢向後望見我講
我：「又叫我外賣仔...我認得你美麗既背影姐」我隨口說出
思蓓：「又口花花溝女啦！幾時咁大膽！」
我：「邊有...隨口講姐。唔通你真係好靚咩」我笑住講
思蓓：「哼...話時話，做咩你著住件黑色底衫加條西褲通街走？」佢打量我一身裝束
我：「打波唔通著住件恤衫咩...係啦，有野比你食」
我叫左思蓓坐係巴士站旁既櫈到後，就拎左個食物盒出黎。
我：「羅子傑親手做既香蕉蛋糕，你有福啦兄弟」
思蓓：「家政堂有得整蛋糕！？好，我試下先」
思蓓咬左一口後，二話不說咬了第二口。最後佢慢慢將蛋糕食完，期間佢無講過任何說話。
我：「點呀...好唔好食？」
思蓓：「你見我食得咁快就知結果啦，仲有冇先？」
我：「仲有兩舊，比埋你啦」我把食物盒給她
思蓓：「一齊食埋佢啦！妹妹餵你！」佢拎左一舊想餵我食
我：「你幾時做左我妹妹！？我自己黎得啦」我接過佢手中既蛋糕
我食左一啖後，發覺又真係幾好食。我一邊食一邊望向思蓓，見到佢食得咁開心。唔知做咩我又覺得好開心。大家食完就坐左係到傾計，好似仲係唔想搭巴士返屋企。
思蓓：「係啦，你幾時生日架？」
我：「無啦啦問呢個問題架...半個月後囉」我禁左電話個日曆比佢睇
思蓓：「好，等我送份禮物比你先得」
我：「咩黎架...？太貴我唔收架..」我搶心佢會用太多錢
思蓓：「得啦，你又送個頂帽比我。今次到我送返Ｄ野比你」
我：「多謝你先啦思蓓姐」我笑住同佢講
思蓓：「我細過你！叫妹妹啦」
我：「我先唔叫，都唔知你有咩陰謀」
思蓓：「邊有呀，你咁諗我既！」
我同思蓓傾到天黑先捨得上車返屋企。返到屋企岩岩好七點幾，正是家中開飯時間。老豆食左小小之後就坐左係到睇電視。最近都覺得佢細食左好多咁，應該是工作壓力所致。見佢無咩胃口，我就同佢捉下象棋，不過我仍然贏唔到佢，一直處於下風。捉緊棋果陣，佢無啦啦講
老豆：「果個啊妹好似同你好岩傾咁」佢笑住講
我：「邊個啊妹？我都無啊妹」
老豆：「藍藍呀...」
我：「哦...好朋友姐..」我諗左一陣，行左一步先回答佢
老豆：「你行錯呢一步，就真係永遠都係好朋友啦。將軍！冇棋！」
我：「頂！輸大意！」我望住盤棋大聲講
老豆：「知道就好，下次再玩啦」
我：「你岩岩好似說話有含意喎，講清楚先！」
老豆：「出街食煙呀，自己諗啦」
「屌..贏完又割禾青...」我心想
老豆：「果個啊妹好似同你好岩傾咁」佢笑住講
我：「邊個啊妹？我都無啊妹」
老豆：「藍藍呀...」
我：「哦...好朋友姐..」我諗左一陣，行左一步先回答佢
老豆：「你行錯呢一步，就真係永遠都係好朋友啦。將軍！冇棋！」
我：「頂！輸大意！」我望住盤棋大聲講
老豆：「知道就好，下次再玩啦」
我：「你岩岩好似說話有含意喎，講清楚先！」
老豆：「出街食煙呀，自己諗啦」
「屌..贏完又割禾青...」我心想