[真人真事]那些年錯過的愛情: 中二３５

過左幾日後，我就約左陳Sir出黎打籃球，咁耐冇見想大家聚舊下同教我新技術。點知前一兩日我約定左啊單同啊May，佢地約定個日先話唔得閒，搞到呢一日得我自己去。

由於唔洗同佢地兩個去，我就決定踩單車去，我去思蓓屋企借單車個陣仲拎埋頂粉紅色帽出黎，諗住比埋份手信佢。點知去到佢屋企門口，竟然冇人係入面。但係架單車就擺左係門口，於是我就擺左我架戰車係門口，話比佢知我黎個佢屋企拎車。

去到球場個陣，已經見到陳sir係到打緊。差唔多一年冇見，佢依然係高高大大，外表冷酷，留住小小鬍鬚。我高左好多都係覺得佢好高我好多，因為佢仲高我兩個頭。

打左一陣，佢就教左我小小新技術同射波，教既途中我問左佢一個問題

我： 「係啦，你今年教個隊咩成績？」
陳sir： 「三隊男籃都頭八啦」佢射住波講




我： 「咁勁既咩班人..好似唔太出名昨喎」
陳sir： 「同你差唔多，勝在多經驗，你有冇興趣轉校黎打？」

我： 「諗下先啦，依加我係個間學校幾好」
陳sir： 「遲D答我囉，我又唔急」佢笑左一笑應我

陳Sir講完呢句後就冇再提，佢仲用電話錄低我射姿，比返段片我睇後就幫我不斷改良。呢兩個鐘入面，我感覺到自己慢慢進步，擁有比以前更加準，更舒服既射姿。夜晚六點幾左右，我地差唔多走個陣，陳Sir拎住罐野飲比我

陳sir： 「請你飲！洗唔洗車你返屋企？」
我： 「唔洗啦，我有地方要去，渣左單車黎」我指住架單車說




陳sir： 「好，再聯絡啦 比心機呀！」佢摸一摸我個頭

同陳sir道別後，我就加快速度踩去藍藍屋企，送份手信比佢之餘，仲要趕返屋企食飯。踩到去藍藍屋企後，我拍一拍門，屋內就人開左對門

我： 「手信呀！岩唔岩size先?」我立即把帽套在她的頭上

「你係邊個？」這人把帽子脫下

「仆街...」我見到呢個人後立即想到呢兩個字





我： 「hi...auntie」我低著頭說

「你係邊個？送外賣？」這個女人拿著帽對我說 

　　屌，唔通呢個女人係思蓓啊媽？雖然間屋入面無開燈，但係呢個女人身高同思蓓差唔多喎，把聲又差唔多似。當我諗緊點解釋，思蓓就開左屋內既燈出左黎。 

思蓓：「媽咪？好多野拎咩？」佢走出黎說 

　　見到思蓓係到，我仲唔把握機會叫佢 

我：「喂，藍藍我黎搵你架」我大聲叫著 
思蓓：「係你？媽咪我出去傾陣計先，佢係我朋友」 
思蓓媽咪：「哦...係你朋友呀，咁傾一陣好返黎啦，Ｄ外賣差唔多到」佢比左頂帽藍藍 

　　我地兩個出左去之後，去左一條天橋上面傾計 





我：「喂，咩我個樣似外賣仔咩？你講呀！」我講笑咁問佢 
思蓓：「哈..都幾似架」佢笑到停唔到 
我：「我明明著緊籃球波衫...仲有，點解你屋企夜晚都唔開燈？搞到我岩岩咁柒」 
思蓓：「頂...煲劇做咩開燈呀...你真係幫我啊媽帶帽？？係啦，呢頂帽就係你送比我既手信？」佢拎住頂帽笑住問我 
我：「係呀...粉紅色應該岩你既...」 
思蓓：「唔...試下先」佢帶左頂帽 

　　佢帶左頂帽之後就用手機個MON反光睇下自己個樣，見到佢個樣笑得咁開心我就知自己無簡錯手信送比佢。 

思蓓：「你買比我...咁你無架？」 
我：「我有呀，我買左一頂藍色既」 
思蓓：「你買左藍色...咪姐係代表我？」佢笑住問我

我：「你會唔會太睇高自己？」我笑住問佢 




思蓓：「無特別意思架咩？..車..我返去食野啦」佢擰轉身走 
我：「我都走啦，遲Ｄ再搵你！」 

　　我同藍藍傾完計返到屋企都差唔多八點，遲左返屋企食飯一定比老豆罵。由於佢唔知我打完波去左搵思蓓傾計，遲左太多又無事先講低，返到屋企就比佢罵左一輪 

老豆：「唉...教而不善..叫左你早Ｄ返屋企」 
我：「下次會架啦」我是但答左佢 
老豆：「你係咪打波打到傻撚左呀？！」佢突然之間發牌氣 
我：「得啦...下次早Ｄ返，打電話返黎叫你地食先囉」 
老豆：「唉，食唔落。去人屋企撚雀」佢意思係出去打麻雀 

　　老豆飯都未食夠一半就出左去，我食完就照舊坐係部電腦前面打機。打機期間，望一望日曆，發覺家姐做交流生回流香港既日子差唔多到了，意味著我地一家人又可以齊齊整整，聚首一堂。但現實，往往是殘酷的。