[真人真事]那些年錯過的愛情: 中二３４

藍藍送左我出路口後，我就渣住架滑板車返屋企。踩左一兩步後，我又踩返轉頭 

我：「喂...等陣呀」我踩返轉頭叫佢 
藍藍：「做咩呀，諗到買咩手信比我？」 
我：「咁我以後叫你藍藍定思蓓呀？」 
藍藍：「你想點叫我丫？」 
我：「咁....叫你做思蓓得唔得，好似好聽Ｄ」我傻笑住講 
藍藍：「咩意思呀你依家？走啦返屋企啦」佢轉身離開 

　　同思蓓道別過後，我就返左屋企收恰物品，準備一連五日既台灣之旅。去左台灣之後，我地一家人都係跟住導遊時間表黎玩，旅程第二日果陣，係九份見到有一間買帽既鋪頭，我同老豆入左去之後就周圍睇。睇到一頂粉紅色既帽，我就拎左上手睇 



老豆：「喂，粉紅色你都岩架咩？」 
我：「唔岩架...想買比人姐」 
老豆：「買比邊個架？」 
我：「買比藍藍囉...上次黎食飯果個女仔，你記唔記得佢？」 
老豆：「記得，你係送比佢既話我幫你出埋錢！你買多一頂帽比自己啦」 

　　我精挑細選之下，自己就簡左頂藍色帽，簡左頂粉紅色帽比思蓓。佢頂粉紅色帽上面有FOREVER字既字樣，我老豆就同樣簡左一頂藍色帽。行到去第二間鋪頭果陣，唔知做咩見到兩樣野就想送比啊希同啊魚。一個係一支筆既鎖匙扣，一個就係心心鎖匙扣。見呢兩樣野平平地我就自己買左落黎，決定開學果陣送Ｄ小手信比佢地。 

　　去到第四日，呢一日係比我地自由活動既時間。本身我地計劃晒去邊到玩，但因為老豆隻腳當日尿酸令到佢行唔到路，於是我地成日就留左係酒店。去到走果日，我地就一早處理好晒Ｄ野離開，落車去機場果陣，老豆都係捉住我膊頭行 

老豆：「屌，去旅行都搞到咁」 
我：「我揹你囉，上黎啦」我紮左一個馬 
老豆：「我好撚重喎，你頂住啦」佢真係上左黎 
我：「哇，減肥啦好唔好呀」我揹住佢講 


老豆：「見你咁乖，等我同藍藍講，加你分先得」 
我：「唔洗啦，快Ｄ返到香港得架啦」我邊行邊講 

　　我就係台灣機場揹住自己一百八十磅既父親周圍行，等上飛機期間佢地兩公婆就坐係到睇相機入面Ｄ相等上飛機。我就無聊係到用電話玩遊戲。玩玩下果陣收到一個訊息 

「唉...我留班呀...」啊嘉傳了一個訊息比我 

　　雖然我知道啊嘉留班想安慰下佢，但唔知傳個訊息返香港洗唔洗收錢，我就決定返到香港先應佢。但當我返到香港已經唔記得左呢件事。返到香港後第二日，我就約左啊單啊金返學校打波，行返學校途中。好幸運地比我見到啊魚。