[真人真事]那些年錯過的愛情: 中二３１
啊希：「學緊Ｄ人囉，有Ｄ人都鍾意寫歌詞係Ｄ野上面」
我聽到啊希咁講，我又出左去黑板到寫
我：「邊個鍾意寫歌詞係Ｄ野到呀？」我一邊寫歌詞一邊講
啊希：「其實我都唔知」佢放低左部電話，一邊寫一邊笑住答
啊單：「我更加唔知啦」啊單又寫埋一份
唔洗十分鐘左右，我地三個就寫到成板都係歌詞。啊希拎左部電話係到影相，我同啊單就諗緊一個計劃，玩尻班上既啊美。
我：「喂，不如玩尻啊美」
啊單：「點玩呀？我諗辦法你去做，你夠唔夠膽？」
我：「屌，你唔夠膽姐！」
啊單：「屌，你傻啦」佢笑住同我講
我地兩個最後決定拎啊希同我個水樽去廁所裝水，諗住一陣倒晒Ｄ水落啊美兩個儲物櫃到。由於啊美同班女仔一人霸兩個儲物櫃，令到男仔不滿左好耐。我同啊單決定學期尾再一次玩尻啊美，我地裝完水之後，就倒水落佢第一個櫃Ｄ書到，再用第二支水倒落佢裝PE服裝同運動鞋既櫃到。大功告成後，啊單就去拎個地拖拖乾個地下先，我就上四樓還返個水樽個啊希。
當我上到課室，歌曲照樣擋緊，DAVID仲未訓醒，PATER又唔知幾時訓左教，啊希就唔見左。我望住佢部電話擺左係電腦桌上，心思思想睇下佢有同邊個SMS。我出走廊望下啊希係唔係到，見無人我就衝埋去電腦桌上，拎起佢電話後，我禁左一個制
「７個未讀訊息，現在讀取？」
我看著手機上的這行字，思考應否按下這按鈕。突然間後面有人拍我膊頭
啊單：「你做咩睇尻人電話？」佢笑笑口搭住我膊頭講
我：「屌，嚇尻我！...想睇下佢有同邊個SMS姐...」我細細聲講
啊單：「咁你仲唔快Ｄ禁入去睇？」佢想幫我禁個制
我：「好似唔太好...睇人私隱」
啊單：「睇完扮唔知就得啦，睇完你熄左部電話佢，扮電話壞左自動熄機」
我：「咁好啦...你唔好講出去呀...」
啊單：「得啦，我出門口睇水先」佢出了門外睇著
我拎起啊希部電話，按了幾個按鈕按到了「訊息」，進入後只看見了幾個男生的名字傳訊息給她。這幾個訊息第一句分別是
「仲未覆既？」
「返屋企未呀你？」
「希希老婆呢？」呢個發送人正是啊洪
當我打算按入啊洪的對話紀錄時，啊單係門口叫著
啊單：「啊希，去爆石黎呀？咁遲先返？」
啊希答佢咩我都聽唔到了，知道啊希差唔多行到返黎，我就熄左佢部電話，當無發生過坐左係其中一張桌上。當我坐定後，啊希岩岩入到黎。
啊希：「咦？Ｄ歌做咩停左既？」佢入課室後叫著
啊單：「我地岩岩返到黎就停左啦，係咪你部電話壞左？」
啊希：「睇下先....真係熄左機！」佢跑去電腦桌上看
開返部電話後，啊希就專心覆佢既SMS。啊單望一望我，我對住佢擰一擰頭示意。啊單見到就同啊希講
啊單：「啊希，我地走先啦，你走未？」
啊希：「下？咁快走啦？」佢一邊回覆一邊說著
我：「走啦...我都好眼訓」我向啊希講
啊希答應左之後，我地就叫醒左佢地兩個。返屋企途中我都有同啊希傾計，返到屋企我傳左個訊息比啊單就出左門口
我：「完了，看了不該看的東西」
我踩上滑板車，出發前往藍藍的家中，希望這個小兄弟能為我分憂。
到達藍藍的家門外，我按了幾下門鐘，藍藍便身穿一件睡衣出黎開門。
藍藍：「傑哥...你會唔會早左Ｄ...」佢一副頹樣
我：「喂...點解你下午五六點仲著住件睡衣...？」我好驚訝咁問佢
藍藍：「唔得架咩？未訓醒昨，入黎坐先」
入到去藍藍屋企入面，我再次進入佢房間自動坐係佢張床上，佢關上門後也訓了上床，更推我入床內。
藍藍：「訓入去啦！好累，我想訓住傾計」佢推我入去
我：「得啦...今日我黎係想同你講果個女仔...」
藍藍：「係喎，你表左白啦？！」突然之間佢好精神問我
我：「緊係無啦...不過我今日見到...」我向佢解釋今日偷睇啊希電話既事
藍藍：「你睇左第一個訊息姐...而且叫人老婆可能係玩架姐..」
我：「唔會玩到叫人老婆掛..咁樣叫得證明佢地都幾熟啦」
藍藍：「咁依加你點睇佢？」
我：「好失望囉...佢好似對唔同人有唔同既樣咁...」我低聲地說
藍藍：「唔洗咁唔開心...等我換左件衫同你踩單車出去食夜晚」
我：「但係我要返屋企食飯喎」
藍藍：「得啦，踩去你屋企先」
藍藍換完衫後，我就踩上佢架單車，佢坐係我後面。佢口中既廢鐵就擺左入佢屋企。踩左十分鍾左右就到左我屋企。藍藍吩咐我拎鎖匙開門，我以為佢想叫我同屋企講今晚唔返黎食飯，點知件事唔係我想象中咁簡單。
我開左門之後，藍藍就跟埋我入屋
我：「喂，做咩跟左我入黎？」
藍藍：「入屋等下都唔得咩？」
我：「咁就得，你企陣先」
當我正想話比啊媽知今晚唔返黎食，屋企門口又有鎖匙聲響起，九成是我爸放工返黎。當門打開，我老豆就講
老豆：「喂！有稀客黎左既！」佢在門外叫著
藍藍：「叔叔！放工返黎啦」佢揮住手講
老豆：「搵啊傑玩？今晚留低食飯啦」
藍藍：「多謝叔叔！我今晚屋企都無飯食，嘿嘿」
「屌，你原來黎我屋企呃飯食」