[真人真事]那些年錯過的愛情: 中二２６
大考前幾日，我只係簡Ｄ有興趣既科同數學黎溫，其他科就無咩點理過。雖然今年我有溫書，但溫溫下都會有悶既時候，啊希唔得閒覆我果陣，我電話基本上就無人搵我，所以當啊嘉係SMS搵我傾Ｄ無聊野，呢段時間我都會覆下佢。
啊嘉：「你都會溫書架咩？」
我：「緊係會，你無溫咩？成日咁得閒搵我」
啊嘉：「有呀，但我想同你傾計囉」
我：「唉溫書先，一陣再傾」我故意扯開話題
溫左唔夠半小時，啊嘉又傳左一個SMS黎
啊嘉：「做咩呢排你覆我覆得咁快既？無搵啊希？」
我：「無呀，佢要溫書，你都快Ｄ溫書啦」
啊嘉：「我想問你地...男仔平時係屋企無野做會搞Ｄ咩？」
我：「打機...睇漫畫囉」我係屋企諗好耐只係諗到呢個答案
啊嘉：「下，你地無野做唔係睇AV架咩？」
我：「下？係屋企睇？」當時我只係啊單屋企睇個
啊嘉：「係呀，你唔會架咩？你地男仔唔係要...」
我：「要Ｄ咩？？」
啊嘉：「打飛機囉...」
我望住部電話 「唔撚係呀...」
我：「有都唔同你講啦」我立即回覆佢
啊嘉：「下...但係籃球隊有人話男仔好鍾意架喎」
我：「下，邊個黎？我識既？」
啊嘉：「當然識，不過我唔會話比你知係邊個」
我：「唔講算...我溫書」
我無同啊嘉傾之後就專心溫書，點知過左一陣訊息鈴聲又響起，當我屌緊啊嘉條仆街又煩我果陣，一睇電話，屌，原來啊希搵我
啊希：「啊傑你下星期第二日洗唔洗返去考試？」
我：「要呀，我果日放十一點半」
啊希：「我放十一點三呀！咁下星期果日考完出去食飯啦，之後返學校玩」
我：「但係考緊試仲有地方玩咩？」
啊希：「四樓有架啦！下星期見」
。
啊希之後就無再搵個我，於是我再次專心於書本上。考試第一日就係考數學，雖然啊魚教左我一個多月，但係我大部分題目都唔識答。不過，今次我堅持到開考後四十分鍾先訓著，平時我一定做十分鍾填晒Ｄ答案就拎住份卷畫公仔。做完感覺上幾好，總算無白費啊魚既心機。
到左同啊希約定既日子，我考完就即刻落操場搵佢，但當我落到去，竟然見到啊嘉企左係啊希隔離
啊嘉：「你地去玩都唔叫埋我？」佢望住我講
啊希：「我地以為你溫書呀，咁我地三個食完飯返黎玩啦」佢笑住向我打左一個眼色
我：「係呀，咁一齊啦」
食飯期間，啊嘉趁啊希出左餐廳門口傾電話果陣同我講
啊嘉：「唉心淡，成日私底下搵啊希，比你電話我睇下」
我：「做咩比電話你睇先」
啊嘉：「想睇下佢同你傾咩囉，令到你同佢咁多話題」
我：「咪傻啦你...」
啊嘉：「唉，一定有秘密啦」
我：「一定冇，有就更加唔比得你睇」
啊希返到黎之後，我地三個就傾返正常話題。食完之後，我地就返左學校，去左一個中七用既班房到玩。
入左班房之後，我地無開到燈，啊希話熄左燈玩感覺會好Ｄ。啊希入到班房後，好純熟咁將部電話插落電腦到播歌，音樂就係班上廣上系統播出，啊希仲要較到好大聲，出面行過既人一定都會聽到。係班上聽住吳雨霏既歌，真係另有一番風味。
啊希：「不如玩層層疊啦，隔離班好似有」佢真係好鍾意玩層層疊
我地：「好呀」
啊希拎左過黎後，整返出黎我地三個就開始玩
啊希：「啊傑過黎啦，整好啦，仲玩電話」
我：「OKAY」我放低左部電話係其中一張桌上
我地三個玩左一陣，啊希差唔多玩完一次都會去電腦隔離睇下自己電話，相信啊希係回覆別人既訊息。不過我緊係無問過佢，佢回完訊息返黎玩層層疊都會投入返，笑得好開心。望到佢既笑容，對我黎講已經係人生一大樂事。玩左唔知幾耐，啊嘉話去廁所，我地就休息一陣
當我返去頭先坐既位諗住玩陣電話，點知竟然見唔到我電話，我明明記得係擺左附近，於是我問啊希
我：「啊希，你有冇見到我電話？」
啊希：「無呀，你搵唔到咩？」佢望住電話答
我差唔多係班房每一個地方搵過，但我都係搵唔到我部電話，雖然係黑色電話，但冇理由無開燈之下會搵唔到架。突然，我就諗到一樣野
「仆街，啊嘉！！」我心中想著
我立即衝出班房跑去女廁，啊嘉今日話想睇我電話，如果比啊嘉睇到我同啊希既訊息，唔知佢會有咩野反應。我到左女廁之後，左望右望見走廊無人就衝左入去，入到女廁，比我見到其中一格關左門
「屌！！一定要係你呀，啊嘉！！」我去隔離企左係廁所板上
我一踩上廁所板上面就伸個頭入去關左門個格，一望就見到啊嘉坐左係廁所上面禁電話
「喂！比返部電話我！！」我係女廁叫著
啊嘉：「....你入女廁...」佢坐係廁所上答我
我：「比返部電話我啦」我以笑遮醜地說
啊嘉：「部電話唔係你架喎！我架！」佢伸部電話比我睇
「屌，原來大家都係用黑色電話」
我：「無野啦，你慢慢柯啦」我跳返落地下
啊嘉：「喂...傾多陣計啦喂..喂...」
我無理到啊嘉就返左課室，我再係班房重新搵過一次，後尾啊希幫我搵都係搵唔到，唔知做咩我都係覺得啊嘉拎左，於是我就坐左係到等啊嘉返黎。岩岩坐低，佢就入左黎行黎我果面，佢係袋拎出一部電話，擺左係桌上
我：「都話係你拎架啦...」
啊嘉：「唉....」講完佢行走左
啊嘉行走左之後，就係我後面幾張桌上面訓左係到。佢訓係到令到我睇到佢對野有幾大，當佢訓係到果陣，我只係見到佢胸部有小小突出。呢條女到中四真係好似未發育咁，見到佢訓左係到我都無望。無啦啦佢又用腳踢我
啊嘉：「唉...」佢用腳慢慢踢我
我：「你訓係到做咩姐...想比我睇晒？」
啊嘉：「睇咪睇囉，我先唔介意」佢細細聲講
啊希：「喂，啊嘉你唔玩啦，做咩訓左係到？」佢禁住電話問啊嘉
啊嘉：「唔玩啦，訓陣先」
啊嘉訓左係到之後，我就同啊希兩個人企左係到玩層層疊。啊嘉訓係到雙腳對住走廊位，姐係如果有人係出面行過就應該見到佢雙腳打開係到訓教。當時，班房播緊首歌係側田既決戰二世祖，由於好大聲，有人係走廊望左入黎，仲係出面大叫。
「哇，有野睇啊！」出面一個中六生大聲叫著
「係喎！條女打開隻腳訓係到做咩」第二個男渣住本書又係到睇
啊嘉聽到之後，立即起左身
啊嘉：「頂！走光比人睇到！」佢好大聲咁講
我心諗 「屌你又話唔介意比人睇，柒頭」
啊希：「坐返好黎訓啦！」
啊嘉：「唔訓啦，我又要同你地玩」
呢一日後，考試完左就係派卷日子同校外籃球比賽。考完試啊嘉搵我既次數不斷增加，啊希都搵返我多左，於是我得閒都會同佢地兩個SMS。等左咁耐，派卷的日子終於到了...