[真人真事]那些年錯過的愛情: 中二２５

啊魚教左我數學之後，即使當日要校隊練波都好，我都會抽少少時間比啊魚教我。差唔多五點左右我先會落去籃球場，但其實大家都唔知啊魚有幫我溫書。佢地只係以為我留堂先遲到。啊魚自從要準備出年既末代會考之後，已經無黎到籃球隊練習，所以大家都唔會介意佢唔出席。 

　　我到左後就自己熱身，豬皮無啦啦走左過黎 

豬皮：「我要講Ｄ野比你聽！關於啊希！」佢細細聲講 
我：「有Ｄ咩同我講？遲Ｄ先啦」我推開佢 
豬皮：「啊洪喎！啊洪同啊希喎！！」 

女教練：「喂豬皮，咪阻住水機傑拉筋啦」 
豬皮：「我一陣...再同你講」佢望向我講 





　　練完波之後，又係做體能時間，無左啊魚比我拖之後，我依家每一次都要左豬皮右湯尼，望住佢地班中三差唔多全部都有女籃拖，真係百般滋味在心頭。做完體能，啊洪班中三仔同班女籃話要去更衣室坐陣，我同豬皮當然話有野做走先，我都想聽下豬皮會有Ｄ咩野同我講。 

　　返屋企途中，豬皮扮晒凝重咁同我講 

豬皮：「唉...佢地」佢係到搖頭 
我：「佢地做咩姐...」 
豬皮：「佢地....唉！」 
我：「我屌你老母你講唔講呀？」我做左個拳頭手勢 
豬皮：「得啦得啦，依家講你聽」佢笑住答





　　豬皮話我無五點前無黎呢段日子，啊希同啊洪係籃球場玩得好埋，打籃球之間經常都會有Ｄ刻意既身體接觸。但係當我五點後黎左，佢地就會收歛返小小。 

我：「打籃球一定會掂到人架啦」 
豬皮：「咁你有冇留意呀！呢一年啊希有冇主動拖個你呀！無呀！！」 

　　豬皮好激動而且好大聲係街到講，全條街既人都望晒過黎 

我：「你冷靜Ｄ先不如」　屌，反而要我安慰返佢 
豬皮：「你諗你啦！你再唔行動就咩都無架啦！」佢指住我講 





豬皮：「我行呢邊啦，走先」 

　　當我仲係到思考佢既說話，呢條仆街就好型咁走左。我諗住唔太累去啊伯個場到打多陣，但當我經過啊伯成日打果個球場，竟然一個人都無，我就繼續行返屋企。行到途中，我又諗起「啊希真係好似無主動行埋黎拖過我...」 

　　突然聽到後面有跑緊過黎既腳步聲，仲聽到有人叫 

「羅子傑！」　有人係後面叫我 

　　我望去後面之後，有個女仔跑住咁飛埋黎，我一手將佢抱住 

「我屌！好撚重呀！」

「我話左我地一定有機會再見架啦」一把女聲叫著 





　　我放左呢個女仔落黎之後，呢個女仔著住一套我好少見既校服，頭上既馬尾同服裝令我認唔出佢，佢就係當日教我摺心心既藍藍。 

我：「係你？真係有機會撞得返你呀！」我笑住講 
藍藍：「有幾難撞到姐？你要搵我十五分鍾就得啦！」 
我：「咁夜仲唔返屋企？唔驚你媽媽擔心？」 
藍藍：「唉，今日同男朋友分左手咪同朋友傾下計囉。你估我想夜歸架咩？我淑女黎架ma」佢一邊講一邊笑住打我 
我：「你...無事呀？」我驚佢受左打擊 
藍藍：「緊係無，我好睇得開，行啦！」 

　　我同藍藍行返屋企途中，佢問返我上次摺心心既事 

藍藍：「你朋友點呀？收到之後仲有無唔開心？」 
我：「無啦，你呢招真係好掂！」 
藍藍：「我就不嬲勁既...你要報答我架...」 
我：「點報答你呀？請你食飯？」 




藍藍：「伸隻手出黎」 

　　我依照藍藍既說話，伸隻手比佢。佢捉住我隻手之後就好大力咁咬落黎。 

我：「呀！！！屌你！！」 
藍藍：「又話報答我！我分手喎！係咪兄弟先？」 
我：「下...我地係兄弟...？咁你咬細力啦大佬」 

　　藍藍咬完我之後，心情都唔知佢有冇變好。佢係我面前無時無刻都係好樂觀好開心咁，好難估到佢咩心情。上左巴士，差唔多到我屋企果陣，藍藍又提出左一個要求。 

藍藍：「大考完去我屋企搵我丫！」 
我：「...但係我唔知你幾時考完架喎」 
藍藍：「你問你好兄弟啊飛啦，我知你地由細玩到大」 
我：「你係咪同啊飛分手架？唉我落車啦」我對住佢講笑 
藍藍：「頂你！遲Ｄ見啦！」佢向我揮手 





　　返到屋企之後，我又諗「啊希真係好似無拖過我」　每次練波我望過去，我都記得啊洪差唔多次次都企係啊希隔離。連豬皮呢Ｄ咁豬既人諗到我都諗唔到既問題，令到我心情再度低落。愈來愈接近大考，啊希同我傾計既次數就愈少，搵親佢都會話溫書或有野做。而我就把握機會練習數學，希望大考拎到個好成績，拎一個對得住啊魚既成績。