[真人真事]那些年錯過的愛情: 中二２２

啊希：「不如個心心，我地一齊擺係銀包到丫！」 

我：「我一早就擺左啦！」 
啊希：「係咩，比我睇下」佢伸手問我拎銀包 

　　我比左個銀包佢之後，佢就幫我擺左個心去第二個位置 

啊希：「有無搞錯呀，你擺個心同Ｄ錢係同一格！一定要擺一開銀包就睇到既位到啦！」佢幫我整個銀包 

我：「咁你係咪架？」 




啊希：「緊係啦！見心如見人呀！」佢比佢個銀包我睇 
我：「咁...大家個心都要擺係對方個銀包到架啦！」 
啊希：「一定啦，你唔可以整唔見架！」佢笑住同我講 
我：「得啦...」我怕羞住咁講 

　　呢個時候，神出鬼沒既女人又出現了，無錯，又係啊嘉黎阻住晒。不過今次佢同乙組籃球隊隊長啊洪一齊出現。 

啊洪：「點啊？兩個係到偷情？」 
啊希：「啊洪講咩呀你？傾下計昨」佢笑住答啊洪 
啊洪：「唉，琴晚SMS搵你又唔覆...」 




啊希：「今晚會應你架啦，依家心情好好！」 

「原來...佢地兩個有傾開計...」 我心中想著 

啊嘉：「喂！做咩發夢呀！過黎打波啦！」啊嘉叫我 
我：「得啦，依家過黎」 

　　我同啊嘉行左過去射波之後，啊洪同啊希仲係籃球架後面傾計，仲要有講有笑。等左大約十分鍾左右佢地先過黎一齊打，打到夜晚六點幾左右。啊俊就自己走左，得返我同啊洪，豬皮，仲有兩個女仔係球場。 

啊希：「好熱呀...中五中七走左後球場真係好靜...」佢望住籃球場講 




啊洪：「係囉...啊希你熱呀？不如我地五個入更衣室吹下風扇傾計啦」 
啊嘉：「哇！你咁大膽！想食左我地兩個呀！？」佢笑住同啊洪講 
啊洪：「點會出事呀，有豬皮同啊傑係到！一定好安全，你地去架可？」佢望住我同豬皮 

　　我同豬皮對望左之後，大家眼神交流之下都答應左。最後我地兩個決定跟埋佢地去坐一陣 

啊嘉：「去一樓果個女更啦！果層應該無人！」

呢個時候，我同豬皮又黎一個眼神對望。豬皮淫賤既眼神同笑容話比我知，呢個女更我地今次一定非去不可。我同豬皮跟住佢地三個，女仔首先入去更衣室睇下有無人，等佢地肯定無人之後就叫左我地三個入去。 

豬皮：「哇！呢到大個男更兩倍喎」佢入到黎四周打量 

　　我望左一個圈之後，就坐左係女更入面。其實女更衣室同男更衣室無咩分別，都係咁撚臭。但係豬皮睇完之後細細聲同我講話好撚香．我都廢撚事理尻佢。我決定坐定定聽下啊洪同啊希到底有咩話題。佢地三個傾計果陣，我同豬皮只係坐係到聽佢地講故，佢地差唔多都係講以前Ｄ師兄玩得有幾顛同運動有幾厲害。 

　　突然之間，出面有一把聲傳入黎 





「係咪有人係入面呀？」 

　　我地五個互想對望，相信大家心入面都講緊同一句說話「今次仆街啦！」　幾秒之後，門口就有個人入左黎，原來係學校既清潔啊姐。今次真係驚到尻都縮埋，如果係老師入黎後果一定不堪設想。呢個清潔啊姐入左黎之後，只係同我地講左一句 

清潔啊姐：「今日學校八點關門，你地傾到差唔多時間好走」佢講完就走左 
啊嘉：「得架啦！你早Ｄ收工啦！」佢係更衣室大叫 

「唔撚係呀？點解學校Ｄ人唔理男同女係同一間更衣室既？」我心中有呢個疑問，但聽到啊姐咁講都笑左出聲 

豬皮：「做咩佢唔理男同女一齊係女更衣室既？」豬皮問左我想問既野 
啊洪：「哦...佢習慣左架啦，有時我地練完波又熱都會入黎呢到或者樓下男更衣室吹下水同傾下計，係無遇你姐」 
豬皮：「頂你呀！」佢笑係罵啊洪 
啊希：「啊傑你岩岩練返B GRADE一定唔知啦！下次練完波又多人留低既就一齊黎坐啦」 
我：「哦...OKAY 呀...」我求其答左佢





　　傾傾下，啊洪又問啊希 

啊洪：「係啦，啊希今個星期六睇唔睇戲？」 
啊希：「好呀！！」佢對住啊洪笑著 
啊嘉：「咁我黎唔黎得架？」 
啊洪：「緊係得，我地三個去囉」 

　　佢地三個自己係到傾有咩戲好睇，完全無視左我同豬皮既存在。直到佢地討論完睇咩之後，啊希就係到問我 

啊希：「啊傑，你星期六去唔去呀？」 
我：「...我果日唔得閒，下次先，你地三個去啦」 
啊希：「下...咁再約啦」佢好似有Ｄ失望 

　　傾到七點左右我地五個就走左，今次啊希無同我返屋企。反而佢走左去相反方向 





啊希：「啊傑，我同啊洪去食夜晚呀，你今日自己走啦」 
我：「好呀...再見」我回頭望住佢地講 
豬皮：「走啦！仲阻住人地！」佢拉走左我 

　　豬皮拉住我果陣，後面又有人講野 

啊嘉：「唔洗咁灰喎，仲有我陪你地行一陣！大家暫時都同路呀！」 

「屌，點解係你陪我行呀！！」 

　　於是，我就同啊嘉，豬皮行呢段路。呢段路上面，佢地兩個不斷講自己鍾意既野同興趣。我當然無興趣聽佢地講咩，我就自己行自己既路，佢地有佢地傾計。返屋企途中，我只係諗住同一個問題 

「到底，啊洪同啊希係咪曖昧關係？定佢地只係好朋友？」