[真人真事]那些年錯過的愛情: 中二２０

我：「下？？咩話？？」 

啊媽：「講笑姐，LULU姨見你成日掛住打波，話想介紹個女仔比你識，順便燒野食。你老豆今晚都黎呀，你早少少走啦」 
我：「下…咁….今晚見啦，係咪係LULU姨屋企等？」 
啊媽：「係，我地依家去先，你一陣自己黎啦」 

　　我同我啊媽傾完電話之後，點諗都諗唔到做咩LULU姨會介紹女仔比我識。LULU姨係我老豆既好朋友，好似細細個出黎玩就認識對方，佢地大家都有Ｄ壞習慣，例如食煙飲酒之類，雖然LULU姨三十幾歲，但唔知係咪因為成日出去蒲，搞到個樣好似四十幾歲既女人咁。由於佢住係Ｄ村屋又有大花園，所以有食飯同聚會之類既活動都會去佢屋企玩。 

　　練完一個鍾左右，我就同教練講有Ｄ野做走先。返到屋企沖完涼後，我就是但著左件NBA球星波衫就出左去。我屋企去LULU姨屋企大約十五分鍾，當時年少既我就踩住架滑板車出去。 





　　當踩到差唔多到果陣，有架單車係後面響後面鈴鈴聲，我踩住架滑板車望去後面，見到有條女踩住架單車望住我。 

單車女仔：「２４號仔，借開啦」佢禁住鈴鈴同我講 

「我屌，依家Ｄ女咁惡既」　於是我踩去第二邊比佢過 

　　我踩住架滑板車，佢踩住架單車我緊係追唔到佢，佢好快就消失左係我眼前。當我去到LULU姨屋企，入到去個大花園，就見到LULU姨兩公婆同我老豆老母係到BBQ，有一個女仔就坐左係到低頭燒野食。 

LULU姨：「到左啦傑仔！」 
我：「姨姨，伯伯」我向佢地揮手 





　　呢個時候，燒緊野食既女仔都抬頭望我 

女仔：「係你，２４號仔！？」 
我：「２４號有咩問題？」我望住件衫問佢

女仔：「岩岩咪見到你囉，我係踩單車果個人呀！」佢笑住咁講 

　　估唔到呢條女咁夠膽同我講野，見到呢個陌生既女仔咁主動，我就處於一個被動既狀態。通常都係聽班大人講野同佢講野多，全程我只係掛住燒野食，差唔多無同呢個女仔有互動過。呢個女仔叫藍藍，同我一樣係讀中二。 





LULU姨：「傑仔，你同藍藍幫我地去買Ｄ酒返黎啦！」 
我：「哦...」　我行去佢到拎錢 

LULU姨：「慢慢行啦，你又唔同人地傾計，人地成晚坐係到好悶架！」佢細細聲咁講 
我：「哦....得架啦」我求其答左佢 

　　我去返花園出面拎我架戰車，點知藍藍就踩住部單車過左黎。 

藍藍：「上車啦，你仲渣住架廢鐵做咩？」 

　　放低左部滑板車之後，跟住我真係坐左去單車後座到 

藍藍：「做咩坐後面呀！好明顯你車我啦，我要坐後面！」佢落左地叫我上車 
我：「得啦得啦」　　屌你又叫我上車 





　　藍藍坐左係後面既座位之後，我就渣住架車慢慢踩出去。藍藍身形睇落唔算肥，短褲顯出佢一條白滑既美腿，頭髮留住一個齊陰頭，樣貌比人感覺仲十分可愛。但係，佢坐我後面真係好撚重，好明顯第一次車住個人踩單車既我有Ｄ手忙腳亂。出到去路口，我停低左架車係到 

藍藍：「做咩停左係到...轉右面呀你要」佢係後面叫著 
我：「幫我同你姨姨講聲對唔住」我好認真咁講 
藍藍：「下，搞咩？！」 
我：「我已經有心上人架啦...」 

藍藍：「下，我夠有男朋友啦」佢好休閒咁講 

我：「下！！咁你姨姨又話介紹你比我識？」 

藍藍：「咩呀...LULU姨都唔係我姨姨，佢係我鄰居黎昨」 

　　我靜左幾秒都無出聲，佢又係後面講野 





藍藍：「佢話佢有個朋友個仔同我差唔多年紀，咪介紹你比我識囉。點知你怕羞到咁，野都唔夠膽同我講。係啦，你唔係以為我鍾意你呀？？」 

我：「絕對冇！係咪轉右呀？」我準備踩返單車 
藍藍：「係呀，又唔答人！」 

　　我同佢買完野之後，就去左一個涼亭到坐一陣。原來藍藍自細係單親家庭下長大，屋企得佢同媽媽相依為命，LULU姨一家平時都會好照顧佢地，不過佢地都唔知藍藍有拍拖，所以佢地就決定介紹我比佢識。大家知道大家都有心上人之後，就好似普通朋友咁傾計，我都無好似岩岩咁怕羞。傾左一陣，我仲知道佢同啊飛一間中學。 

藍藍：「係啦，你岩岩話你有心上人，佢係點架？」佢好好奇咁問我 
我：「UM...唔講你知」 
藍藍：「車，其實你都幾健談丫」佢笑左一笑
我：「睇人架昨...係啦，如果女仔唔開心，你地想人地點安慰你？」

藍藍：「睇下點樣唔開心啦...你心上人唔開心呀？」佢打我隻手問我 
我：「緊係唔係啦，純粹想問下姐」 
藍藍：「姐係佢係你朋友？」 




我：「可以咁講」 

　　佢聽到之後，就係佢銀包拎左張紅色既一百蚊出黎。佢無講任何野，只係摺張一百蚊，摺摺下就摺左一個紅色既心心出黎，當然呢個心係用錢摺出黎。 

我：「哇...好靚呀...」我望住佢手中既心心 
藍藍：「靚呢！？不如我教你丫！」佢笑得好開心 
我：「係咪教我架？仲有，咁樣真係令到女仔開心架咩？」 
藍藍：「你都話靚啦，你送埋比女仔仲唔開心？」 

　　於是，我地兩個就係涼亭到用錢摺心心。用左幾分鍾左右，藍藍終於教識我用錢摺呢個心心。 

我：「掂！聽日囉去送比佢！」我望住手中既心心 
藍藍：「頂你！」佢搶走左我手上既心心 
我：「做咩呀？？」 





藍藍：「你唔係諗住送個綠色既十蚊心心比女仔呀！？要浪漫一定係紅色！」 
我：「你又岩喎...」 
藍藍：「你返屋企再摺一張啦！呢張十蚊比我保管！」 
我：「你唔係咁呀！」 
藍藍：「返去啦，出左黎咁耐，一陣比人罵呀！」佢企左起身 

　　踩單車返到去，我地一家人坐多大約一個鍾左右就走左。呢一個鍾入面我同藍藍都有講有笑，大人見我地無好似開始咁拘謹就無理我地，最後我同藍藍都無交換電話就講左再見。 

我：「唔比你電話我？我朋友唔開心要搵你架喎」 
藍藍：「一定唔會衰啦！我地一定有機會再見」 

　　最後，我就渣住架滑板車同老豆老母返屋企。返到屋企，我不斷練習岩岩藍藍教我摺既方法，最後終於比我摺到－紅色既一百蚊心心。呢件事當然無比我屋企人知道。當日夜晚，我就SMS啊希。 

我：「啊希，聽日送Ｄ野比你」 

　　過左十分鐘左右，啊希就回覆我 

啊希：「下？送咩比我呀？我仲有半個月先生日喎」 

「仆街，原來啊希就黎生日，不過唔緊要啦」 

我：「提早送比你昨」 
啊希：「咁姐係送Ｄ咩比我呀？」 
我：「送個心比你」