[真人真事]那些年錯過的愛情: 中二１７

好快就放左一個聖誕假，呢段放假既日子無咩人搵過我。有既只係叫我出去打下波，最後倒數當日我留係屋企同親戚打牌度過。新一年第一日，我上啊君既網誌睇下佢去左邊到玩，點知比我見到佢同佢男朋友仲有一班同學一齊出左去倒數，好似仲玩到幾開心。我睇左一半之後就熜左，呢一日之後，我無再上過啊君網誌睇佢任何野。 

　　放完聖誕假，第一件事就係學校大考。呢班考成點其實大家心裡有數，我地班由第一次測驗只有大約十個人數學合格，到今次測驗數學只得三個人合格，呢個情況之下，大家就決定鬥低分。呢個遊戲啊美同其他幾個惡女都有玩，最高分既要比啊美同佢班朋友一人打一拳，呢個懲罰真係比死更難受。 

　　大家收到份卷之後，等齊人就一齊開卷 

「１，２，３，開呀！！」啊美係班中叫著 

　　大家睇左大家分數之後，已經有左初步結果。估唔到大家Ｄ分都低得比較離奇，幸運Ｄ講係避過一劫。 



啊美：「屌！１００分滿分，羅子傑３分！PETER拎２分！啊單１分！？」佢好大聲係班到叫 
我地三個：「細聲Ｄ啦！」我地怕羞地叫著 

　　件事擾攘左好耐之後，啊美先打開佢份數學卷，原來呢條仆街拎左九分，究竟係唔係啊美會比人打呢？過多一陣，有一個男仔竟然高分過啊美，１１分！啊美睇到之後立即一拳打埋個男仔到。 

啊美：「屌你！玩尻我！？咁遲先擺份卷出黎？嚇尻我呀？」佢一路講一路打 

　　最後，有三四個女仔見啊美打得咁爽，就一齊加入戰團。最後，呢個叫河童既男仔由上堂比人打到落堂，比人拳打腳踢之外，仲比人扯頭髮，佢既叫聲話左比我地知佢相當痛苦。啊SIR因為習慣左我地呢班終極學生，所以一直都唔出聲，只係幫Ｄ想讀書既同學對卷。 

　　河童比人打完之後，我同啊單行埋去 



我：「叫左你唔好溫書」我拍下佢 
啊單：「叫撚左你咪撚溫書啦！１１分！」 

河童：「屌！以後都唔撚玩啦！」講完佢坐左返自己位 

　　可能今次拎左１１分既打擊對佢黎講太大，由呢一日開始，佢就無咩點講野，而且呢條友就日日成為左女仔既沙包。後來，老師仲調左佢去最近門口既位，大家都會叫佢做門口狗。 

　　有一日放學，落雨之下又無拎鎖匙，我就坐左係班到等雨停。我坐既時候睇住一本書，後來書睇完都未停雨。我就習慣性地扒左係桌上，無聊下就拎起櫃桶既筆畫我門口位隔離既牆，我仲寫左句歌詞係牆到。 



「我只能永遠讀著對白 讀著我給妳的傷害」 

當我寫完呢句，睇睇下幾有FEEL又想寫第二句。點知，呢個時候有人拍一拍個窗。 

　　我拉開個窗　 

　　「咦，又係你呀？」