[真人真事]那些年錯過的愛情: 中二１６

啊希：「係啦...我岩岩同男朋友分左手」 

我：「下...點解咁架...」我停左係到問佢 
啊希：「哈，等我行住同你講啦，你好似傷心過我咁既？」佢笑左一笑 
我：「ER...無呀，太突然姐」我笑住應佢，其實我係當左啊希係啊君咁傾計，聽到之後令我嚇一嚇 

　　我地就行得比平時慢，啊希就講返佢同男朋友分手既原因。原來佢話大家拍左拖兩年，好多野開始變淡，仲感覺到男朋友開始唔太理佢，令到佢自己都唔想再擁有呢段愛情。佢男朋友又好似無所謂咁，啊希就主動提出分手。 

啊希：「愛情...感覺話無左就無左...真係好突然」 
我：「係呀我都覺」 




啊希：「你未拍過拖點會明呀？」佢停左係到笑左一笑 

啊希：「你唔洗認同我講既野黎安慰我架，我OK架！」佢講完之後就行返 
我：「哈，得啦。咦你到啦喎」原來我地已經行到地鐵站 
啊希：「係喎，你走先啦，我要係到等我細佬幫我拎呢堆野」 
我：「嗯，好啦再見」我向啊希揮手道別 

　　其實我點會唔明啊希講既野，雖然我真係無拍拖，但係我岩岩先經歷完啊君呢件事。點會唔明白「感覺話無左就無左」呢句野。雖然啊君講佢男朋友仲未夠我好，但係佢當日比我既感覺，已經唔再係以前既啊君。我諗，啊君可能仲對我有小小感覺，但已經開始慢慢放低我了。 

　　陸運會當日，我同啊威兩個男仔坐左係啦啦隊位置入面。包圍住我地全部都係女仔，但大部分都係中一女仔。雖然坐係到好外眼，但都比我地近距離觀賞到比場上更美好既風景，就係高中姐姐著既啦啦隊制服。

眼前呢幾個女啦啦隊隊長，身上面竟然著住一條岩岩遮住屎忽既褲，一套露肚臍既緊身衫。外型同動作可以話相當意淫，其他社既啦啦隊長都係著住呢Ｄ露到仆街既衫。天啊，白滑美腿，一條小蠻腰盡入眼簾。只有啊希個社係正常小小，只係著住Ｄ短裙。但已經相當吸引。 

我：「叫口號叫到好悶呀...」 
啊威：「叫咩撚野丫，留返Ｄ精神昅女啦」 
我：「你岩，高人高見！」 

　　於是我同啊威呢幾個鍾都係係到昅女。昅完自己個社又行去第二個社昅第二班女，坐到悶又去下第二個社坐低昅女。呢幾個鍾，我同啊威已經做晒所有社既啦啦隊。當我地返到自己個社坐，咁岩見到到刀仔同埋一班人黎左我個社。 

「喂～今晚扑野夜唔夜呀？」　刀仔同一班朋友向我社啦啦隊長叫著 




其中一個師姐：「今晚先講啦呢Ｄ！」 

　　呢個時候，有一個好似陶大宇既啊SIR出現，佢個頭無咩頭髮，性格同高SIR一樣風趣幽默，但唔夠高SIR咁親近學生。人如其名，呢個人叫陶SIR。 

陶SIR：「呢位男同學...請問岩岩你扑咩野呢？」 
刀仔：「啊SIR！阻人扑野燒春袋呀！」佢笑住講 
陶SIR：「呢Ｄ野放學先講啦，唔好教壞Ｄ細」佢推走左刀仔 

啊威：「屌你老味，咩撚野啊SIR黎架」佢搖一搖頭 
我：「呢條友又幾搞笑」我係到笑緊佢地岩岩既對話 

　　去到食飯時間，我諗住搵啊單同啊金出去食。點知我同啊威走果陣比啊MAY捉住左，原來做啦啦隊要留係到食。於是，我同啊威就對住班中一女ON99咁坐左係到。 

　　等飯食等到悶果陣，我就去左廁所兜個圈。點知柯完篤尿出黎就見到啊魚。佢好似岩岩係更衣室換返套校服出黎。 





啊魚：「又會係到見到你既！」佢指住我 
我：「咩咁岩啊！」我扮到好驚訝咁指返佢 
啊魚：「出去食飯呀，你出唔出呀？不如一齊？」 
我：「最好啦，係就快Ｄ行」 

　　之後，我就偷走同啊魚係運動場後門行左出去食飯。

我同啊魚出到去之後，大家就係到不斷諗食咩。只係傾呢個話題都傾左好耐，最後我地就去左一間地鐵站附近既餐廳食。我地食飯期間就傾起學校同籃球隊既野。 

啊魚：「做咩咁耐都唔黎籃球隊練波既你」 
我：「唔黎啦...Ｄ乙組既隊友我都唔識...」 
啊魚：「黎啦，你Ｄ同學都有練喎」 
我：「有邊個係我同學？」 
啊魚：「湯尼同豬皮囉！仲有一個中一仔！」 





　　睇黎啊魚既記性好過我，我已經唔記得湯尼呢條友有打個籃球。自從輸左學界同啊君件事之後，我只係去過籃球隊練習一兩次。主要原因係唔想對住個名都唔知既女教練同一班唔熟既人，最重要係啊君有男朋友之後，我已經無左一個想進步既心，每日都只係打下街場消磨時間。我地傾左一輪，又傾左去第二樣野到。 

啊魚：「聽講...啊嘉好似鍾意你...」 
我：「千奇唔好！」我叫得好大聲 
啊魚：「咁...啊希呢？你點睇佢？」 
我：「啊希呀...」 

　　啊魚問左呢個問題之後，我猶豫左一陣都答佢唔到。啊希比我既感覺好似一位姐姐，同時都係一個好傾得埋既朋友。佢咁樣問我，唔通佢又知道左Ｄ咩秘密？我點睇啊希，最後我都係無答佢。最後我仲反問佢。 

我：「你呢？你有冇鍾意既男仔？」 
啊魚：「做咩咁問？」佢好細聲咁講 
我：「無呀，高年級咁多出位又靚仔既師兄咪問下你，好似啊天同刀仔個Ｄ」 
啊魚：「哈，我鍾意Ｄ比較正常既男仔，佢地太顛啦」 
我：「佢地唔好咩，咁你依家有冇對象？」 
啊魚：「可能有...可能無啦」 




我：「下？」 
啊魚：「無野啦，食完快Ｄ返去啦。我地遲左出黎食飯架」


最後我係路上不斷問啊魚，但係佢都無答到我。返到看台之後，我就見到啊威渣住兩個M記包係到食，咬完左邊一啖，又咬下右邊果個包。 

我：「喂，你好肚餓咩？」我笑住問佢 
啊威：「我屌你，如果唔係你走撚左去，我洗比佢地逼我食兩個M記？好撚飽呀依家」 
我：「對唔住囉」我拍下佢膊頭 

　　睇完今日既比賽之後，我好快就離開左運動場。放學之後緊係去打波消磨時間，我約左啊俊同豬皮之後就去左一個球場，未入球場之前啊俊就話 

啊俊：「喂，下面果個啊伯個樣好得人驚喎」 
我：「有咩特別呀」我望落球場 
啊俊：「白色底衫，著牛仔熱褲果個光頭啊伯呀！好似殺人犯咁」 




我：「屌，咁轉場囉」 

　　最後，因為啊俊話驚左呢個啊伯，我地三個就去左第二個場打。呢一日之後，我憑經過呢個球場，都會望到呢個伯伯自己一個坐係到。

當時正值冬天，普通人著住幾件衫都會凍到仆街。而我每次放學經過呢到，我都會見到呢個著白色底衫既啊伯坐係到。呢一日，我就雙手插住個袋入呢個球場，諗住問呢個啊伯凍唔凍。當我行到去，佢坐係到食住煙咁望住我。當我想問佢凍唔凍，佢就比左個波我。 

啊伯：「放學打波呀？囉去打啦！」佢食住煙講 
我：「下...好啊」 

　　我拎左佢個波射左陣之後，佢就出左黎同我一齊射波。當佢每射一球，都會講唔同既粗口。 

「屌你」 
「仆你個街」 
「屌你老味！」 

　　同佢打得愈黎愈耐，見佢個人幾搞笑，我就問佢一個問題。 

我：「喂啊伯，做咩你射親一球都講粗口」 
啊伯：「屌！講完粗口射波大力Ｄ架嘛！」 
我：「係架咩？」我半信半疑 
啊伯：「你試下射三分講粗口，你一定入」 

　　開頭我都無理到佢，不過見佢係咁講粗口下入左好多球，我就係到跟住佢做。 

我：「屌你老母！」我射出一球三分，真係入左 
啊伯：「我無呃尻你架！放學早Ｄ落黎啦，呢排得我一個好悶」 
我：「得啦，我得閒一定會黎搵你！」 

　　同呢個啊伯打完波之後，我都無咩邊幾日真係得閒落球場搵佢。因為我已經練返學校籃球隊，今年最好既地方係女籃同埋乙組一齊練。所以有Ｄ練習，可以好明顯咁抽水。當中緊係有得同啊希身體接觸。我仲睇得出，籃球隊有個男仔好似成日想親近佢，呢個男仔比啊希更矮，佢係讀中三既乙組隊長啊洪。雖然佢好明顯抽我女神水，但我地好快做到好朋友。 

我：「喂，屌你又摸我條J」我開始跑走 
啊洪：「咪撚怕羞啦！」佢又係到追住我 

　　開頭我地唔太熟下，只係入完波會拍下大家隻手。但有一日啊洪無啦啦摸我條J，摸摸下大家就有計傾。雖然我同啊洪仲有佢幾個朋友好快係隊內熟絡左。但係始終有幾個男隊友好似睇我唔順眼咁。 

　　呢段每日打波同返學校訓教既日子，係我人生中最輕鬆自在既日子，同時都係最傷心最頹既日子。我估唔到人係咁善忘，我好快就無再睇啊君既日誌，由一日幾次減少到一日一次，再減少到幾日一次。 

　　可能，籃球同時間幫我分散我對啊君既思念。可能，我地大家都已經有新既生活。可能...我地暫時唔再需要大家。