[真人真事]那些年錯過的愛情: 中二０４

開左學大約半個月，仲有半個月左右就開始甲組籃球既學界比賽。啊天就約左一隊係籃球界幾出名既學校係下星期黎我地學校打場友誼賽。 

　　呢一日星期日放假，我就一早出左去練暑假係網上加入果隊籃球隊。呢一日，我就約左呢隊波既隊友－啊飛，兩個人一齊出黎食早餐。由於我地住得近又係由細玩到大，又有共同興趣。所以大家本身就好熟，練波自然就一齊去。大家食早餐期間就講起中學Ｄ野。 

啊飛：「我唔信呀..邊有師兄會拎足球省尻自己師弟架」 
我：「屌你，係我學校讀中一日日都要比Ｄ足球隊當龍門呀！！」 
啊飛：「邊有學校咁ON9」 
我：「屌你，講你又唔信」 
啊飛：「無，點會唔信你姐..啊傑」講完笑住係到搭膊頭 





　　講下講下，大家又講左去第二樣野到。 

啊飛：「唉，又同女SMS。羨慕」 
我：「小學同學黎架」 
啊飛：「咁係咪女先？」 
我：「係女仔..但我地只係朋友」 

　　同我SMS緊既女仔，就係啊君。當我同啊君SMS既時候，比啊飛望左過黎。事後佢就不斷話我有女而成日唔搵佢打波。以下係SMS對話 

啊君：「咁早練波咪好累...」 




我：「唔早啦，都差唔多十點，你咪仲早」 
啊君：「係呀，老豆比左錢我放假出去玩，依家咪出去行街唱K囉」 
我：「又去唱K...我仲食緊野，差唔多遲到。我練完波搵你啦」 

　　當我傳左呢個訊息出去之後，我就收左部電話入書包。我同啊飛食埋Ｄ野之後就埋單走人。準備行去球場既時候，啊飛突然話唔記得買水，叫我企住係到等佢先。點知啊飛走左唔夠一分鍾，有兩個女仔係遠處叫我。當我望過去，就見到兩個女仔入面，高高地果個係啊君黎。 

我：「啊君！？咁都撞得到既？」我行去啊君同佢朋友到 
啊君：「你唔係十點要練波咩？仲企係到？」 
我：「我等緊朋...」 





　　當我諗住講「我等緊朋友」，企係啊君隔離果個矮矮地既女仔，突然之間伸出雙手摸住我塊面。無啦啦有呢個情形令我呆左咁企係到。 

呢個女仔一路摸我塊面。一路講「好靚仔呀...好靚仔呀...！！」 

我：「喂...喂，你係邊個呀！？」

我：「喂...喂，你係邊個呀！？」 

「高左好多呀！點解瘦左咁多？？又靚仔左！」雙手仍然摸我塊面 

我：「喂，究竟佢係邊個？！」我問啊君 
啊君：「下，你唔認得佢！？」 

「咁蠢架！我咪係啊靜囉！」摸摸下扯我塊面 





我：「下！！係你！！」　我露出一個好撚驚訝加比佢扯面既表情 

　　係，我露出左一個好撚驚訝既表情。第一眼望去呢個女仔既時候，我仲以為係啊君既中學同學。直至呢個女仔做左Ｄ唔尋常舉動後。我就望真Ｄ，原來呢個女仔今日化左個淡妝，加上耐無見面之下，認唔到佢係好正常。我望住佢個樣，聽埋佢把聲，我１００％肯定，佢真係啊靜黎。 

　　知道眼前呢個係啊靜之後，我只係呆左咁企左係到。 

啊靜：「羅子傑！！做咩高左咁多架！？」 
啊君：「佢依家日日打波呀」 
啊靜：「你真係變左啦...唔再係一個肥仔」 

　　呢個時候，啊飛就拎住兩支水係啊靜同啊君後面行緊埋黎。 

我：「咦，我個FD到左啦喎，我要走先啦，就遲到」 
啊君：「嗯，我地走先啦。一陣再SMS」 





　　跟住啊靜同啊君就向後面行走左，啊飛見到佢地兩個就SAY左個HI。呢個時候，啊靜又多口。 

啊靜：「你係羅子傑朋友！？」 
啊飛：「係呀，拜拜」 

　　啊靜離開後，向後望左過黎一次向我地揮手道別。 

　　啊飛行左過黎之後，就係到不斷問我條女係邊個。我望住啊靜既背影，好似當日同啊志一齊咁慢慢離開一樣。但係今日比我撞到佢，心入面竟然無當日傷心既感覺。比呢個曾經最熟悉既佢，用雙手摸住我塊面。我對佢既感覺就好似失散多年既朋友咁。見返佢，反而有小小開心。 

　　或者，羅子傑已經完完全全放棄左啊靜。啊靜亦都徹徹底底咁忘記左我。可能，我地之間，只剩下小學六年級最美好既回憶。 

我：「佢叫啊靜，小學係我同級同學」我行去球場途中對啊飛講 

甚麼果　甚麼報　等我們永別才知道 
難過　就是為了　過去的好