[真人真事]那些年錯過的愛情: 中一１３
「啊天呢個衰仔...」
陳SIR講完就係到望係師兄既背影企左係到出神，望多一陣就同我講。
陳SIR：「喂，做咩停左手？仲有幾多？」
我：「得得得，依家傳！」講完我就跑返去牆到傳
陳SIR：「快啦，唔想返屋企呀？」 講完就行走左
我好快就專注返練習到。當我傳到手軟果陣，就見到隊友一個一個咁行入操場休息飲水。
啊俊：「你仲未休息既，傻撚左？」
我：「未傳完呀頂你…」
啊力：「洗唔洗買枝野比你飲？」
我：「唔洗理我，你地去抖啦。」
佢地休息完返黎再練習，直到佢地有第二次休息。我仲係到對牆傳緊，個時心入面已經諗係咪得罪左陳SIR。我係排球場果面望去籃球場，見到班男仔係到半場三打三。全隊得返我做個人練習，心入面更加唔好受，唔通教練認定左我廢？我無得再出場？
唉，見住隊友有得鬥波，我又係到做Ｄ基本野，又傳到勁累。已經放慢手腳黎做，點知傳傳下，後面有一樣好凍既野掂到我隻手。
「喂。點呀，飲唔飲呀？」一把女仔聲
我：「咦...你咪係師姐？」
我眼前呢個女仔，就係岩岩返到黎見到果個帶眼鏡既女仔師姐。佢把聲好溫柔，著住波衫渣住支飲過一半既凍水係我面前。
我：「唔得呀，比佢見到我飲好大獲」
師姐：「佢教緊你班同學打半場，睇唔到既」
我：「但係支水你飲過喎...」
師姐：「你介意咩？咁你飲唔飲丫」一個不爽既樣
我接過師姐支水飲，佢就係到幫手睇住陳SIR有冇望過黎。
師姐：「點呀？練傳波累唔累呀？」
我：「對住牆真係練到傳波架咩...」
師姐：「緊係得啦！以前比人睇好既師兄，陳SIR都會額外比Ｄ練習佢做，你有福啦！」
我：「下？真架！？」 聽到令我好振奮
師姐：「係呀，你比心機啦，支水比埋你，我走先啦！」
呢位帶眼鏡既師姐講完之後就好快咁行走左。我就一路回味頭先果句說話，一路繼續練傳波。傳多一陣，陳SIR就叫我地集合講左一陣野，之後就解散。
離開學校果陣，我地成班男仔就坐左係小食部換衫。我就把握機會問啊金。
我：「啊金，見你好似好辛苦，岩岩果個四眼姐姐同你練咩？不如你教下我」
啊金：「好呀，岩岩就......」
邊個估到我問呢句野係另有目的，嘿嘿！ 啊金講Ｄ咩，其實我完全聽唔入耳。
我：「哦...啊金，咁你知唔知佢叫咩名？」
啊金：「唔知呀，岩岩我都無問佢」
我：「哦...咁算啦」
啊俊：「你對條女有興趣咩？」
我：「緊係冇啦！」
沿途同啊俊行返屋企，我地講既話題都係圍繞住岩岩班師姐，佢講既都係岩岩幫佢練波果個姐姐對波有幾大，身材有幾好。而我只係隨便應下佢，心入面仲係諗緊岩岩比野我飲果個四眼姐姐。最令我奇怪係點解我讀左半年書，好似仲未見過呢個人，無理由咁靚既女仔係學校讀書我唔知架...
呢個溫柔又靚女既四眼女仔，暫時係我心入佔左一個特別既位置。
第二日排球隊練波，甲組幫我地丙組係到練波。當時練既係甲組Ｄ哥哥開波過黎，比我地打返過去。但籃球隊果個四眼女仔不斷出現係我個腦到，我好想見返佢，所以我就成日向後望住個走廊，睇下佢放學會唔會經過，可能可以比我咁岩見到佢。點知發下白日夢，咁就出左事。
當我望去後面走廊既時候，聽到對面個師兄講 「睇撚住呀！」
望返去前面，個排球好似子彈飛黎我個位置。由於比唔切反應，粒子彈波就中到正我小弟弟。痛到成個人坐左係到。
啊樂：「有冇事呀你」 講完行黎扶起我
我：「頂...痛到仆街呀」
啊樂扶左我去一面之後，就入返個場練。但由於我地丙組排球隊本身得六個人，有一個人未到，我坐埋左一邊之後就得返四個人。師兄就係到屌果個遲撚晒大到既人。
師兄：「屌你，果個中一西人呢，去撚左邊？」
當講完呢句，師兄口中講既「西人」就渣住個羽毛球拍跑入黎。
「唔好意思，我今日又遲到！」
呢個「西人」渣住羽毛球拍跑入黎，同師兄道左歉之後就立即上返場到練。呢個「西人」其實唔係外國人黎，佢同我讀一班，而且都係籃球隊同排球隊既人。只不過佢練親波都遲到，而且無咩運動細胞，所以佢係籃球隊同排球隊都無咩人理佢同知道佢存在。但係排球隊岩岩得六個人打比賽，無奈之下就唯有叫佢企入場幫手打。呢個「西人」有一個特別既名，佢叫湯尼。
師兄：「快撚Ｄ啦屌你！聽日比賽都遲到。」
湯尼：「SOR呀！聽日唔會遲！」
再休息多一陣，我就上返場一齊同佢地練，今日練習既時間過得好快，好快就完左番屋企休息。我同湯尼同啊樂約定左聽日一齊去之後就準備訓教。
第二日，我地三個好快就到左球場，差唔多到我地學校熱身，我就係電話腥左個SMS比啊君。
「今日我打第一場排球學界啦，等我好消息！」
我地全隊六個人換好衫之後，就周圍望下我地既對隊學校係邊間。我地既丙組隊長叫「肥仔」，其餘兩個就一個叫啊水，一個叫啊焯，兩個都係讀中一，只有肥仔讀中二。望左一輪之下，隊長肥仔就指住一個場邊既位置。
肥仔：「我地對手應該係個到班人啦」
我，湯尼，啊焯：「屌，對面十幾條友都光頭既」