[真人真事]那些年錯過的愛情: 中一１０

距離最後一場既籃球比賽仲有大約一個月，排球學界開始就仲有半個月。輸左場波之後，陳SIR就放左我地一星期假，比我地休息下。咁岩果個星期成日都落雨，唔洗練排球。係無野做之下，我終於約左啊君返小學探老師。呢一日，我就去左佢學校門口等佢放學。 

　　企係出面望住呢間學校既大門，又令我諗起遲到一分鍾無得入學既事，自己都忍唔住係到搖頭。等左一陣，終於見到啊君同幾個女同學行出黎。 

啊君：「喂啊傑，等左好耐啦？」 
我：「無，岩岩到姐，行啦」 

　　我同啊君一齊行走既時候，聽到背後有班人係到歡呼，原來係啊君班朋友係到食花生。當中有男有女，其中更有幾個男仔衝上黎想睇我樣。行到上黎都係講Ｄ抽水說話比啊君聽。 

男A：「條仔OK喎，邊到識架」 




男B：「兄弟，你真有福」 

　　聽到啊君叫左幾次叫佢地走，但佢地仲係到抽水。我估啊君平時係學校應該成日比人恰果Ｄ黎。呢個時候，我就伸手搭住啊君膊頭。 

我：「你地恨唔到架啦」 

　　講完之後，我就搭住啊君膊頭行走左。行果時聽到背後班女濕晒咁係到叫。我望到啊君雖然怕羞，但佢並無想擺脫我隻手。於是我就一路搭住佢一路行。 

啊君：「做咩你依加咁大膽架？」面紅住咁講 
我：「係你令我大膽囉好冇」 




啊君：「唉，痴線架！」 

　　其實我地小學就習慣左咁樣溝通，只不過升左中學之後，大家少左見面。以前成日做既野，依家做返出黎就好似比人覺得係拍緊拖既一對情侶咁。 

　　我地就係咁行左一段路。我就當左啊君好似兩兄弟咁，係中學發生個既趣事同佢分享。佢亦都講佢發生既事比我聽。 

　　我搭住佢膊頭行返小學，當時我認為我地就好似兩兄弟咁，大家有咩心事可以放心講比大家聽。後來先知道，呢種關係係最簡單，最純真既愛情。

　　我同啊君係行既途中買左盒西餅返學校探老師。我同佢各自探完自己班既老師之後，就坐左係球場既長櫈到傾返以前發生過既野。 





啊君：「你仲記唔記得我地點識架？」 
我：「記得，我地係小三興趣班識既」 
啊君：「咁好記性架你，咁你記唔記得操場個件事？」 
我：「邊件事先？」 
啊君：「就係個次早會前，我介紹啊靜比你識...」 
我：「哦...緊係記得啦...」 
啊君：「嗯...」 

　　提完啊靜呢件事之後，我地大家就無再講過野。我唔知道啊君提返啊靜想講Ｄ咩，當時又無咩話題可以講，我就坐係到陪啊君睇住班師弟妹打籃球。隔左幾分鍾之後，啊君就講返野。 

啊君：「如果當時我無介紹啊靜比你識，唔知我地依家會點呢...」 
我：「咁...如果當時你無介紹啊靜比我識，我唔會知道係我身邊有一個咁愛我既人。」 
啊君：「...邊個黎架？唔明喎。」 
我：「講到咁白就無意思啦」 





　　我地就坐係到愈傾愈耐，坐到小學關門先走。由於當時個天已經入夜，我就送啊君搭車返屋企。途中，啊君問左我一個問題。 

啊君：「一年前，我咪問過你，我話如果我鍾意你，你會點...」 
我：「嗯，我記得啊」 

啊君：「一年後，我再問返你呢個問題，你會點答我？」

我：「...一直以黎，我都當你係好朋友，好兄弟...」 
啊君：「姐係...你無鍾意過我？」 
我：「唔係...我對你既感覺都係鍾意，只不過係好朋友個種。唔係愛情上面既鍾意...」 
啊君：「唉，姐係我又比你拒絕左。呢種感覺好似失戀咁。」 
我：「呢Ｄ最多咪表白，點算失戀姐，傻既...」 
啊君：「我上網睇Ｄ文章講，單戀都係一種戀愛。所以一直以黎我都好努力唯持我地呢種關係。希望甚至有機會做到男女朋友。依家我知道你既心意。我成個人舒服晒」講完佢有Ｄ失落 

　　我地行多一陣就到啊君上車既地方。係走之前，啊君笑住同我講 





啊君：「為左你，我會嘗試改變自己。」 
我：「下？？你好完美啦喎，肥左Ｄ姐」我笑住講 

　　啊君聽完就扮左個嬲樣出黎。陪啊君等車既時候，見到佢個樣有小小唔開心，我就知道岩岩我講既說話傷害到佢，令到啊君唔開心。 

我：「其實可能我唔岩你呢。如果你有男仔鍾意你，你可以試下同佢一齊架，唔洗一定要等我」 

啊君：「有先算啦，但係依家我會等你」　講完佢就上左車 

　　當時我只係唔太確定我對啊君既感覺。所以我就同佢講，如果有男仔鍾意你，你就試下接受佢啦。估唔到呢一句，會令我日後鑄成大錯。