[真人真事]那些年錯過的愛情: 小學02

係呢兩個星期入面，我都係好似以前咁返學放學係屋企打機。對啊君話過介紹靚女比我既事，我已經唔記得左。呢兩個星期唯一唔同既地方係我剪左一個好短既頭髮。因為岩岩開學個頭太長就比人捉左，所以我老豆就捉左我去剪頭髮，係貪方便既情況下，我老豆就叫個髮型師剪到勁短，短既程度簡直係生平第一次。 

　　由於果陣興長頭髮，所以剪左呢個頭髮之後，我都唔想見人，因為一定會比同學笑。不過我反正無咩朋友，樣貌又無。都唔想再柒定唔柒同比人講閒話。反正都剪左啦。唉。 

　　呢一日我如常早返到學校，企左係操場一邊等早會。突然之間，係我身後有一把陌生既聲音叫我個名：「啊傑！」 

　　我當時心諗：「咩我都有人搵架咩，仲要叫得咁親密」 

　　當我望去後面，只係彈左句「哇！」出黎，就唔知再講咩好。 



　　我聽到有人叫我個名，就望向後面。一望之下，原來呢個係下午班其中一個靚女。見到佢個樣，簡直可以用女神黎形容，係小學咁耐都未試個咁近距離望女仔。我由上到下打量落去，見到佢個個漲起左小小既胸部，一條勁短既運動褲僅僅去到大腿上小小。 

　　我當時望住佢，心諗：「哇...條女短撚到呢...」 

　　係我望住呢個女仔諗第二啲野既同時，企係靚女後面既女仔就先打開話題。我向後面望真啲，後面果個女仔原來係啊君。 

　　「喂，做咩今次剪到個頭咁短既」啊君對我說 

　　係有陌生人面前，我都唔夠膽回應啊君，因為我實在太怕羞。　 



　　當我諗住一笑置之既時候，啊君前面既靚女就開口講野。 

　　佢笑住講：「喂，咩你鍾意剪陸軍裝架咩，都幾好睇丫。就叫你陸軍隊長啦！」 

　　我：「咩陸軍隊長啊，我有名架。我叫羅子傑。」 

　　當時都唔理咁多，由於佢見我咁耐就笑足咁耐，我以為佢笑我個頭柒，係動物本能之下，我就大膽同佢講野。 

　　佢：「哦，你就係羅子傑。我係啊君既好朋友，今年同你同一級，我叫啊靜。」



我：「你叫啊靜...?!　點解你好似知我叫啊傑咁既？」 
啊靜：「緊係啦，啊君成日同我提起你架。佢話你份人好好，我今日咪黎見下你囉。」 

　　聽到啊靜咁樣講之後，企係啊靜後面既啊君係到對住我陰陰咀笑。好似佢係到幫我溝女咁，今次啊君咁樣幫我，我都唔知點報答佢。 

啊靜：「好啦，我同啊君去買野食先。今晚我叫啊君比你個MSN我啦。拜拜。」 

　　啊靜講完呢句之後就同啊君走左。我望住啊靜既背影，個心跳得好快之餘，心情已經開心到唔識形容。竟然有咁靚既女仔主動撩我傾計，仲話今晚要加我個MSN。我既MSN只有網友同幾個小學同學，當中傾得埋只有一個網友同啊君，所以我都唔係成日上線。 

　　好明顯細膽同自卑既我已經對啊靜有好感。我決定今晚早啲上線等佢加我。而我為左感激啊君，我仲記得係小息個陣用左我一日既零月錢　五個大元買左五條腸仔比啊君食。 

　　放學之後返到屋企，我就諗定同佢有咩話題傾。所以我一早就開定MSN等啊靜加我。 

　　等下等下已經九點幾十點，當我以為佢兩個老點我既時候，桌面左上角終於有野彈出黎啦！